RUTI 1:14 - Biblía Axweesantá Hhohho' ar Mungú 2004

¹⁴ Inooín /aa/e ngiri malé iimu/uné'. Orpa aayír hhawaatuuwós gari deeloórí ó' ar ma'aasa. Ala Ruti iri dirós i mét.

RUTI 1:14 Iomraidhean Croise

IIMU/UUNGW 31:28

Baré pa/aangw ngwaa hanisiiká oo dasuueé' nee na/aá dasuueé' ngiwa deeloórí oo'? Adoorí aga daktu'umár tléhh!

IIMU/UUNGW 31:55

Matlaatlér boo/e, Labani iri tláy qatuuwo, dasuuwós nee haywaá dasuuwós giri ma'amiís, giri tsuúq. Naagáy iri tláy, iri kií/ amór do'.

2 SAMUELI 19:39

Kár, muu sleémeero iri waaraáhh yaaér Yordaniro. Waawutmo sleeme ina waaraáhh. Waawutmo Daudi Barsilai guri tsuúq, guri ma'aás, Barsilai iri kií/ amór do'ós.

1 WAAWITÁ 19:20

Qoomaadár kilae Elisha aweerós gari geexáy, Eliya guri alta'aaín, gway báy, «Gám daa deelo ngi oó' dír baabá nee aayihe, daqaní kuúng u eehár.» Eliya iri oó', «Tláw, ala tidá' uy tleéhh ka insleér.»

AXWEESANOÓ SAGALOOA 17:17

Mulqumoó ló' deelo sleémeero i sla'aarír kón, tam hhiya' kunguna laqwaál as uwa tu/i baraá slahh'amko.

AXWEESANOÓ SAGALOOA 18:24

Mukko tin ilaqaamiis tawa mulqe, ala mulqumoó ló' i deer tam daa'awmoowós gun alúr kón.

ISAYA 14:1

AAKOÓ MUNGÚ múk Yakobo gu malé gurtláy, nee xoorór Israeli gari malé tsawaar. Inooín giri ki/is baraá yaamuuín kudaá kilá', xoordaá hatlá' niri haragwaaiyá' dír múk Yakobo, tari alhoot.

SEKARIA 8:23

Qoomaadae múk mibaangw, oo umuúqo tsifrír xoorduuwo pasltá inqwaarír heé Yahudi ngin oohiyá', tari ooi, ‹Góh nee kuúng ti alkoomaán, asma aga axasaán adór Mungú ir dinkwa nee kuungá'.› Anuú AAKOÓ MUNGÚ tí ngiwa oó'.»

Matayo 10:37

«Heé baabuúwós nee aayo gi slaá' ta aninge, i aníng wa harinká. Slám heé garmaawós gu slaá' laqaá dasiirós, ta aninge, i aníng wa harinká.

Matayo 16:24

Qoomaadár kilae Yesu eeharuuseerós gari báy, «Umuúqo heewo oo aníng i eehartá wa slaá', gar kuwa hariím a sla'aarirós gan gunqarees, nee msalaábarós gari gagaar, aníng iri eehar.

Matayo 19:22

Masoomoodá' /aymuudá' nguwa axaás, iri quútl ar gurhaami, asma inós a ló'wa daqaarmo.

Tlehhema'aá ya/Abuuse 17:34

Muu bahh'alé iri haragwaá' amór Paulo, tari haratlintií'. Baraá tla/ángw mukwihe heeko a Dionisio. Inós a heé doó kwasleema oo Areopago. Heé hatlá' a /ameenirka wák, umuuwós ta bay Damari, nee mukko hatlá' sleeme i deer.

DABE 10:20

AAKOÓ MUNGÚ, Munguúhúng ilaiwaa/aak, inós sagadiyusaak, ti alkoomakonde' nee inós, nee lo'o ka /agá' ar umuuwós.

DABE 4:4

Ala kuungá' inkihhimu una tlehhé' dír AAKOÓ MUNGÚ, Munguúhunge, an gár tas slafa' ay laarí.

2 Timoteo 4:10

Asma Dema muruú yaamu guna slaá', aníng iri geexáy, iri tláy ay Tesalonike. Kreske aa yaamaá Galatiár i tláy. Tito sleeme aa yaamaá Dalmatiár i tláy.

Ebrania 10:39

Atén a kahhaán baraá tla/ángw mukdá' alií kikii/a, tari qwaaraán. Ala atén dír tay diriiaan a baraá tla/ángw mukdá' haratlintaaór koóm, tari ba/amán.

RUTI 1:13

xáy geera kuungá' i daandá'a ay dír nay uraraya'? Ti ila/á'a hhawaate kiwa sleera'aaká? Aasla'áy, dasuueé', AAKOÓ MUNGÚ aníng iga muruú gawdén i haniís, tam aníng daanduuhunge iga gurhaamír i huúw ló'wa alé.»

RUTI 1:15

Ala Naomi Ruti gari beér, «Ga/aaweek, harér hhiyoó hhawaatuuwók aa kí/ amór mukós nee amór munguiiwós. Gimáy, kiíng sleeme kií/ nee inós ti koonde'.»

RUTI 1:7

Inós iri tleér baraá yaamaá Moabú wa alé iwa ki/ baraá yaamaá Yuda. Nee tlaawoó daaqaywós tiri koné'.

RUTI 2:11

Boasi gari báy, «Aníng kangók ugwa axaás hhooeemaá taa tlehhít dír aayír hhawaatuuwók i alé iimír inós iwa gwaá'. Aga xuú' adór kiíng baabá nee aayí nee yaamuuwók ngira geexeér, niri hotaá eér baraá yaamaá múk taa baloó geerií xu'uká.