RUTI 1:13 - Biblía Axweesantá Hhohho' ar Mungú 2004

¹³ xáy geera kuungá' i daandá'a ay dír nay uraraya'? Ti ila/á'a hhawaate kiwa sleera'aaká? Aasla'áy, dasuueé', AAKOÓ MUNGÚ aníng iga muruú gawdén i haniís, tam aníng daanduuhunge iga gurhaamír i huúw ló'wa alé.»

RUTI 1:13 Iomraidhean Croise

IIMU/UUNGW 38:11

Yuda harér garmaawós tidá' ta bay Tamari gari báy, «Hoót amór doó baabuúwók wa alé, ar kwaali'iima, ay dír garmaaeé' Shela i uray.» Yuda gár adoorí ngisa oó' in kaahi, tam Shela miwa gwaá' adór hhaeewós wa alé. Naagáy Tamari iri tleér, iri hót dír doó baabuúwós wa alé.

YOBU 19:21

Na'asé', án i qaytaré', Na'asé' án i qaytaré', mulqer'eé', asma án Mungú iga kutsuúhh.

WARA'AMI 32:4

Asma xweera nee tlaatla/aango dakók ina al iilooúy. Hame iri al kát, án tari adór yaamaá kaahaar awa qoomár age.

WARA'AMI 38:2

Asma án iga tsaxát ar maheeriiwók nee dakók iga al iilooúy.

DABE 2:15

AAKOÓ MUNGÚ inósuú kilá' gina haraganaá', giri hhaamiís baraá slumooín tam sleémeero giri hhaamiís.

HAR'OHUUSE 2:15

Umuúqo slaqwarár taa ayi AAKOÓ MUNGÚ gina ya/an kiwa baali, ar adoodá' ngira oó', nee ar adoodá' lo'o ngira /aáy, inooín niri ló'wa amoqwaariyé'.

RUTI 1:12

Dasuueé', kuungá' ki/é' amór marayhúng. Asma aníng aga diím nee hhawaata u malé slawaaká. Geera bar harahhifo an kooma adór hhawaata ngur sláw xweeraakae, nee na/aá daaqaay ngiri laqwalaán,

RUTI 1:14

Inooín /aa/e ngiri malé iimu/uné'. Orpa aayír hhawaatuuwós gari deeloórí ó' ar ma'aasa. Ala Ruti iri dirós i mét.

RUTI 1:21

Qoomár aníng niwa tláw, umuú gaaro a koóm. Ala AAKOÓ MUNGÚ aníng iga ki/ís ar gaa wasl. Waáy, mihar Naomír ateetiindá'? Asma AAKOÓ MUNGÚ Aleesleemusmoó mura' sleémeero aníng iga amotlakweér i haniís nee iri slahh'eés.»

1 SAMUELI 5:11

Gawaá adoorihe muu kuri ya/aáw geeraharuusér múk Filisti sleémeero kari burumbuúr, tari oó', «Sandakmoosuú Munguú xoorór Israeli, hingeesaak, ki/isaak malé ale amoodií dahhi. Asma atén mitiwa tsuú/, tam nee mukrene.» Asma muu wa/aa/ír yaariir guna eér, ar daér gwa'ara baraá gixsa sleémeerowo, asma Mungú ngiwa ló'wa slahh'eemisi.