Rumi 9:29 - Biblía Axweesantá Hhohho' ar Mungú 2004

²⁹ Nee slám Isaya gaa qaroó geerií oó' iwa kaahi, «Aakoó Aleesleemusmo geera bar xwayla ngaa amooréní meetisiiká, atén geera a adór Sodoma, geera taa alqoomeés nee Gomora.»

Ya/abtór hho' 1977

²⁹ Nee slám Isaya gaa qaroó geerí oó' gídaabá, “Aakoó Aleesleemusmo geera bar xwayla ngaa meetisiiká amoorén i alé, atén geera a adór Sodoma, geera taa alqoomeés nee Gomora.”

Rumi 9:29 Iomraidhean Croise

ISAYA 1:10

Axweesantá AAKOÓ MUNGÚ iiárií qaasaak, kuungaá adór geeraharuusér Sodoma, intsaahhasár Munguúrén iiárií qaasaak, kuungaásingá' múk tlákw adór kuduú Gomora.

ISAYA 1:9

Barnaxes AAKOÓ MUNGÚ Aleesleemusmo, atén taa panáy meetisiiká, atén aga adór Sodoma tleehhitaán, a slaqamís nee Gomora.

ISAYA 13:19

Nee waawuti'iimár Babuloni tidár xirfuú waawuti'iima. Waawiti'iimadá' daara/ango iia tleer ar xoorór Kaldayo, Bál Mungú birnga qwaareés, tari adór Sodoma nee Gomora.

ISAYA 6:13

Tam panoó niiná oo aa meet, aqo kun hhaamiis. Kuká' tari adór sahhti laqaá ta/eewi, tidá' guftanoowós aa meet alaá kawa tsaát. Guftanoowí tay iimu/úngw dahaasíngw hhohhó'.»

YEREMIA 49:18

Adoodá' gixsár Sodoma nee Gomora nee ayeemoodá inslaawaydá' kira hhitín, anuú AAKOÓ MUNGÚ tí ngina oó', hee tumu wák oo yaamuudá' wa hoót iri kaahh, laqaá tam oo baraadá' i deél i kaahh.

YEREMIA 50:40

Adoodá' aníng gixsadaá Sodoma nee Gomora nee gixsadaá inslaaway'ín ngira hhitiím a adoorír kilá' heé baraadá' i hotaá áw i kaahh. Nee garmoó hee oo baraadá' i deél i kaahh. Anuú AAKOÓ MUNGÚ tí ngina oó'.»

WA/AA/I 3:22

Sla'aarír warqawaaká ar AAKOÓ MUNGÚ i baloó fakká, gurtleemuuwós i baloó alhhe'eesoó konká.

WA/AA/I 4:6

Sakwasleemár muk'eé' aa sláy ka ur, ta ak sakwasleemár múk Sodoma aa slayi, kudá' taa qororo'oós tam pa/ángw daba' kiri gáwtí tleesi kwaa slayká.

AMOS 4:11

«Muu bahh'alé baraá tla/angwhunge una hhaamiís, adoodá' múk Sodoma nee Gomora ngura hhaamiís. Panaydá' aa meet baraá tla/angwhunge tay adór xwatsaatsír asla aa meetís. Ala tam adoorihe kuungá' naa amor'eéní ki/i'iiká. Anuú AAKOÓ MUNGÚ tí ngina oó'.

SEFANIA 2:6

Yaamusaá bihhaá tlawi tari qawtani, nee dír xafoó de'emuuse kway tleehhi, nee slumaá buhhaá bee/aangw.

DABE 29:23

nee adór yaamuuká' asla ngira hhitiín, nee diwto, nee adór asla ngira qororo'ós, gár ki dahamiisi káhh, gár i laqwalina' i káhh, tam gitsór ti'imiit i káhh, a adór qoomaadá' AAKOÓ MUNGÚ yaamaá Sodoma nee Gomora nee Adma nee Seboimu ngira hhaamiís ar buhhtaawós kudá' xaraaslá'.

Yakobo 5:4

Kuungá' mukdá' aa bu'un baraá qamuuhúng wa ale ugwa bui'iiká. /Aa/aá mukdá' aa bu'un naa hardihiyé' baraá iaá Aakoó Aleesleemusmo.

2 Petro 2:6

Nee slám Mungú gixsár Sodoma nee Gomora gari sakwasleemuút, gari daá/ ar asla, gari slaqsaay tleéhh oo dae tlaáq dír múk tlakwe, oo aluuká' wa i tláw.

Yuda 1:7

Múk gixsár Sodoma nee Gomora inslawaak sleeme, nee múk gixsadaá hatlá' awa bihheedií tsewen. Inooín sleeme adoodár malaykeedá' kana tleéhh, tsaatu'uuma kana eehár, ilatleerír tlakw baraá slaqooine ina baaliín, tam tsaatu'uumadár tlakw ar iringeé kana tlehhiít. Mukwí kwaa sakwasleemuút baraá aslá alhhe'eesoó koomaaká as tawa slaqsaay tleehhiti dír múk hatlae.