Rumi 9:20 - Biblía Axweesantá Hhohho' ar Mungú 2004

²⁰ Ala kuúng heé, kuúng a heemá, tiwa tlaampa'aamisa' nee Mungú? Gár taa tleéhh, tleehharusmoowós gunqo beéra, «Aníng misa adoorír tléhh?»

Ya/abtór hho' 1977

²⁰ Ala kuúng hee, kuúng a heemá, tiwa tlaampa'aamisa' nee Mungú? Gár taa tleéhh, tleehharusmoowós gunqo beéra gídaabá, “Aníng misa adoorír tléhh?”

Rumi 9:20 Iomraidhean Croise

2 SAMUELI 16:10

Ala waawutmo iri oó', «Xáy, gaarí a milá ar baraá tla/ángw aníng nee kuungá' daaqoó Serúya? Barnaxes AAKOÓ MUNGÚ inós gwa báy, ‹Daudi lu'usek, heé gu yaahaás a heemá oo gu báw, asma milá adoorí mara tléhh?› »

YOBU 16:3

Alhhe'eesoó boqondaahúng kwisingá' a xaylá? Laqaá gár nu a'aw i deéro ar axweesantí kas tlaxuunda'?

YOBU 33:13

Ahaá waáy, misti tlaampa'amisá' nee inós tawa kát, tam /aymuueé' oo wák ngwa mu/aywatsiiká.

YOBU 36:23

Heé looár wake inós gwa gadiyeédií laalaqaas i deéro? Laqaá heé looár wake gwaa bay, ‹Kuúng disinge aga dakús.›

YOBU 40:2

«Kuúdá' múk gur/aáy as tlakweemaaín kiwa tsahh nee Munguú Aleesleemusmo ti tlaampa'asá'a. Kuúngudá' axweesante'eé' tlaxuúm, anuú Mungú mu/aywatsáng.»

YOBU 40:5

Hamí aga ilawaáts ala a ki/aaká ilawatsto. Aga male kií/ wa'aá tsare ala a kumiitaaká.»

YOBU 40:8

Kuúng kwasleemar'eé' gaasaro aqo asleéra? Áx dír aníng niwa dakuús ngi qoo sleéra nee ar kuúng tawa gana'?

YOBU 9:32

Mungú geera bar an heewo un mu/aywaáts, geeraawo u huúw dír geeraá kwasleema as qaa/ayrén kunguwa tsati.

ISAYA 10:15

Xaysé', tsawo ti kilós xirfayésa dír heedaádá' ga ar gadiyuusa? Xáy, masmeno ti kilós xirfayésa dír kudaádá' ga ar tlaaqa? Geera bar adoorí, hhara mukdá' gar qadimiís gwaa lilikís, laqaá hhara hee gu gáwtí tleská, kuduú xa'anoowooká.

ISAYA 29:16

Kuungásingá' muruú /aankwartsimá', xáy, iqo ya/aánda tleeusmo kuwa harafari bartá tleei? Tam xooslár tleei heedá' gaa tleehh nguwa beer, ‹Aníng kuúng iga tlehhká.› Laqaá xosluudá' taa tleéhh tleehharusmooín nguwa beer, ‹Kuúng gár ta xu' i káhh.› »

ISAYA 64:8

Hám daxta AAKOÓ MUNGÚ, kuúng an baabuúrén, atén an tleei, kuúng an tleeusmoorén, atén sleémeero a gadiyér dabaawók.

YEREMIA 18:6

«Kuungá' múk Israeli, xáy, anuú AAKOÓ MUNGÚ adoodá' tleeusmoowí aa tleéhh, dirhúng i tleehhamooro a aleeslawaakáhe? Gimsé' xuaak, adoodá' hhape i diri' gawaá dabaá tleeusmowo an adór kuungaá múk Israeli tay dir'a' gawaá dabaaeene.

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

Matayo 20:15

I hariindakáhe aníng muruueé' nguwa ar gadiyuus ar adór án ngur slaa'. Laqaá daxta kuúng gura' un ohína asma aníng tiwa hhoó'?› »

Luka 12:14

Yesu heedaádá' guri báy, «mulqúmo, heé án iga qaas a heemá tawa har'ohusmo dirhunge, laqaá daqaari'iimarhúng ngiwa qasmiis?»

Rumi 14:4

Kuúng a adór heemá tawa sagadiyusmoó heé hatlá' sakwasleemut? Asma sagadiyusmoodá' bira huú', laqaá bira huuiiká, kaangwí a daanduú sagadiyusmoodá' nee daqaarmoowós. Ala sagadiyusmoodá' i sihhiit, asma Aako aleesleemu gu kón oo sagadiyusmoodá' nguwa sihhtisi.

Rumi 2:1

Gawaá adoorihe kuúng bar múk hatlá' sakwasleemút, kuúng tam heemahe, kuúng gár ta tlank i káhh. Qoomár kuúng bar múk hatlá' sakwasleemút, a kuúng tin kilók sakwasleemút. Asma kuúng muruú ta tlehhit a kuduú kilá' ta sakwasleemut.

Rumi 2:3

Mulqumooeé', kuúng múk tlehhmi'iiká' gi tlehhahhiít un sakwasleemút. Ala kuúnguú kilá' baré tlehhmi'iiká' in tlehhaahhít. Kuúng ka xu', sakwasleemár Mungú awa góba'?

Rumi 9:21

Ahaá, tleeusmo i aleesleemuú kónke daanduú tleeiro, tam baraá /aarmoó wák oo tleeiro xooslmoó wák guri tleehh oo hhoohhoó', nee oo hatlá' oo hhoohhooeeká.

Rumi 9:22

Mungú xaraasleemawós gi laqaamár wa slaa', nee aleesleemuuwós nguwa laqan. Ala Mungú xaraasleemawós gaa ala alqiítl, nee xooslaadá' taa qwanáy wa tleéhh, gana ala máy ar qitluú yaariír, as mingiwa hhitín.

1 Korinto 1:20

Gawaá adoorihe heé sagalooár koóm i diimá? Nee intsaahhatusmooduú hara'aya i diimá? Nee slám heé tlaampa'aamis gu baál i diimá de'emaakae? Ahaá, Mungú sagalooár múk baraaká' yaamu gaa laqáníke adór tar dakti'iima.

1 Korinto 7:16

Asma kiíng háre, adór kar xu' a adoomá adór hhawaatuuwók kur ba/amís? Laqaá kuúng hhawaáta, adór kar xu' a adoomá adór hareerók kar ba/amís?»

1 Timoteo 6:5

nee tlaampa'amisuú baloó faakaaká. Muruuwí sleémeero kun tlehhiit nee múk fuqurangw'ín aa hhitiruut, slám mukwí daxta looeema tsaahharo gi aleeslayká. Inooín ka xui diíni a gár slaasláwár úr huwahuuw.

2 Timoteo 2:20

Baraá doó ure xooslár dáw a tidár sahaábu nee muqslár /awak kiloseká, ala tam xooslár peehháy sleeme i deer, nee ar hhape. Xosluuká' taa geerií oó', kaa qaás as gadiyér xirfuú koom, nee kuká' hatlá' kaa qaás as gadiyér ak xirfuú koomaaká.

Tito 2:9

Lawaale bariiser'ín ngi ilaiwawa/ nee ngiwa sla'atimis baraá umuúqo gaaro. Axweesantá bariiser'ín mingiwa warqeemís,

Yakobo 2:20

Kuúng a daktani. Kuúng a xu'ukáhe adór haratlintaaór tlehhema'aá koomaaká, gár i bu' ir káhh.