Rumi 9:16 - Biblía Axweesantá Hhohho' ar Mungú 2004

¹⁶ Gawaá adoorihe gurtleemuú Mungú a ooanaaká kun slasláy as adoodá' hee i slai, laqaá as ilakaaharuuwós, ala kun slasláy as adoodá' Mungú i slai daanduú heewo, Munguúdá' gurtleemuú hanmiís.

Ya/abtór hho' 1977

¹⁶ Ala gawaá adoorihe gurtleemuú Mungú a gídaabaheeká kun slasláy as adoodá' hee i slai, laqaá as ilakaaharuú qwaatloorós, ala kun slasláy as adoodá' Mungú i slai daanduú heewo, Mungúdá' gurtleemuú hanmiís.

Rumi 9:16 Iomraidhean Croise

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

ISAYA 65:1

«Aníng taa amohhe'eés tiwa slaawaan nee kudá' i yaahamisa'aaká, aníng taa amohhe'eés tiwa sláy nee kudá' i leelehhita'aaká. Aníng xoorduudá' i firirima'aaká ngiri báw, ‹Aníng a diirí, aníng a diirí!›

Matayo 11:27

Iri oó', «Baabuúeé' umuú gaaro nga gawaá dabaaeénií qaás. Ala heé Garma gu xuú' i kaahh, aqo har Baabá kilós. Slám heé Baabá gu xuú' i kaahh, aqo har Garma kilós nee kudá' Garma xu'utisaro aa slaá'.

Matayo 4:8

Neetlaangw Yesu guri malé gáwtí tsa/aás gawaá tloomár ló'wa tleer, guri waawuti'iimár yaamií laqán sleémeero, nee xirfuuwose,

Luka 10:21

Hamtidár kilae Yesu kuri qwal/aás nee Qeeruú hhoohhoó' oo Mungú, iri oó', «Án kuúng un sluufiís, Baabá, Aakoó doori nee yaamu, asma muruuwí ugwa laqaandiiká dír múk dahareemaá koóm nee fuquraangw, ala una laqaán dír na/aá ninakw. Eeít, Baabá, asma an adoodá' kuúng kara slá'.»

Yohana 3:8

Fur'a i fukuukú' amoodií keer. Afoorós an axamís, ala a xu'uká amór i dahh, laqaá amór i keer. Heé taa laqwaál ar Qeeru, kangós an adoorí.»

Rumi 9:11

Gawaá adoorihe qoomár daaqaywí kuwa laqwaliiká, qoomár gár hhoo' laqaá gár tlaakw ar taa tleéhh iwa kahh, asma adoodá' Mungú aa slaá', nee adoodá' aa tsawaár tawa adoodá' warqawaaká, asma tsawdór Mungú gár i eeharahat a tlehhma'aá mukooká, ala a ateetamór Mungú.

Galatia 2:2

Aníng ana daqáw asma Mungú daqeemuueé' kwí nguna geehhooatís. Dinkwa ana tleehhaán nee geeraharuusér múk kríshaanáy kiloorén. Ya/abtór hho' tidá' ni dír múk xoordaá hatlá' i alki/aa/iit, ngari dir'íní alki/iít. Aníng ana xu'utír wa slaá' áx, gadiyér'eé' tidá' naa tleéhh, nee tí ni tleehh, a tawóro laqaá a adoomá.

Efeso 2:8

Gár tundusa ba/amís a gurtleemuú Mungú ar loohír haratlintaao. A gadiyérhungeeká, ala a gár Mungú naa tawó haniís.

Filipi 2:13

Asma Mungú in baraahúng wa gadiyuus. Inós kuungá' nu alee/iis as sla'aarirós kawa tlehha' nee gadiyér hhoo' kawa tlehha'.

Yakobo 1:18

Gawaá sla'aarirose inós atén tina laqwaál ar axweesantá looeema. Adoorí gana tleéhh as atén tawa adór bu'uungós tleehhitaan, kudá' aa giirin, baraá muruuwós kudá' sleémeero aa tleehhi.