Rumi 9:1 - Biblía Axweesantá Hhohho' ar Mungú 2004

¹ Aníng gaarí ni kah ar ló', asma an káh ar baraá Kristo, slám lama a ooaaká. Muunaáeé' nee Qeeruú hhoohhoó' oo Mungú a lamabu'uuse dinkwa nee aníng niwa kah,

Ya/abtór hho' 1977

¹ Aníng gaarí ni kah ar ló', asma an káh ar baraá Kristo, slám lama a ooaaká. Muunuúeé' nee Qeeruú hhoohhoó' a lamabu'uuse dinkwa nee aníng ar gídaabá,

Rumi 9:1 Iomraidhean Croise

Rumi 1:9

Asma Mungú kwí án ni sagadiyuus ar muunaáeé', Ya/abtoorí hho' ar Garmaawós ngiwa alki/iít, inós a lamabu'usmooeé' adór kuungá' nur inslasláw baraá firooro umuúqo daqto, ga xuu' adór kuungá' án nur aleefiririím umuúqo daqto.

Rumi 2:15

Slafingw'ín ga laqaaqán adór muruudá' hara'aya i kat kura baraá muner'íní gooín. Asma tam muner'ín nee inslaway'ín adoorí ngi laqaaqaná'. Asma inslaway'ín oo kilá' inooín gin sakwasleemuut, laqaá gin aleekal/án.

Rumi 8:16

Qeeru i lamabu'ún dinkwa nee qeeruurén adór atén tar na/aá Mungú.

Rumi 9:2

aníng gurhaamír yaariir a koóm ar ló'wa slahh'eemiis baraá muunaáeene umuúqo daqto.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

2 korinto 1:23

Mungú an lamabu'usmooeé' aníng gár nisa malé Korintór i ki/iiká, inós ga xuu' asma aga slaiiká kuungá' nuwa slahh'ees.

2 korinto 11:10

Adoodá' looeemaá Kristo ir baraaeé' i dirii'iya', xirfuuwí ku baloó hingeesiiká dir'eene baraá yaamaá Akaya sleémeerowo.

2 korinto 11:31

Mungú, Baabuú Aako Yesu, kudá' xiríf ay alhhe'eesay wasle, inós ga xuu' adór aníng lama ngir kaahaaká.

2 korinto 12:19

Án ngi slaá' qoomaarí sleémeero kuungá' a kata' atén gár tas adoorír axweesaan a tin kiloorén aleekal/aamaán dír geeraahunge, aasla'áy, a adoosingeeká. Tí ta axweesaan, an axweesaán ar baraá Kristo, dír geeraá Mungú wa ale. Ala sla'aaruuser'eé', tí sleémeero ana axweesaán as kuungá' tawa kwa/a'.

Galatia 1:20

Ti ni amorhúngií gooiim ar ló' tam geeraá Munguhe.

Filipi 1:8

Mungú ga xuu' adór án kuungá' sleémeero nur artá wa slaá', asma nuwa ló'wa slaa' ar sla'aaridár amór Kristo Yésú daahh.

1 Tesalonike 2:5

Asma kuungá' a xuá' adór atén axweesanoó muu gu sla'atimís ngura baloó dirhúngií axweesaniiká. Nee slám aga axweesaniiká as slaasláw kawa slawaan. Mungú a lamabu'usmoorén.

1 Timoteo 1:5

Gár hara'ayaarí ngisa oó', masók sla'aari i doogigiín, tidá' baraá muunuú hhoohhoó' daahh, nee afór hho' ar baraá muuná, nee haratlintaaór waaqoodár koomaaká.

1 Timoteo 2:7

Nee aníng tina qaás tawa alki/itusmoó kaangwí nee tawa Ya/abusmo. Tí ni kah ar ló', lamtá ni kah i káhh. Tina qaás múk xoordaá hatlá' nguwa intsaahhatimis daanduú haratlintaao nee looeemaawo.

1 Timoteo 5:21

Án kuúng u hara'ayiím dír geeraá Mungú wa ale nee dír geeraá Kristo Yesu, nee dír geeraá malaykeerós tidá' hhohho' un baw, hara'ayaarí na eehareek baraá umuúqo gaaro ar barqaanti wasle dír umuúqo heewo.