Rumi 8:7 - Biblía Axweesantá Hhohho' ar Mungú 2004

⁷ Asma heé heeuumarós ar tlakweema ga eeharahár, inós nee Mungú a wakaari. Asma heeuumarós hara'ayár Mungú ga iialooeemiská, nee slám ga aleesleeraaká iialooeesaro.

Ya/abtór hho' 1977

⁷ Asma heé heeuumarós ar tlakweema ga eeharahaár, inós nee Mungú a wakaari. Asma heeuumarós hara'ayár Mungú ga iialooeemisiiká, nee slám ga aleeslayká iialooeesaro.

Rumi 8:7 Iomraidhean Croise

2 QOM'I 19:2

Iigu'utusmo Yehu garmoó Hanani, iri tláy, waawutmo Yehoshafati gway al'áy, guri báy, «Kuúng múk tlákw un ale/iisár eéra, nee múk AAKOÓ MUNGÚ ahhiít un slá'a? AAKOÓ MUNGÚ ugwa i buúhh as kaangwí taa tléhh.

YOBU 15:13

tam Mungú kuri qítl si'iimaawo nee /ayma'aá tlakw awa adór kwisingá' kiri qítl ooaro.

WARA'AMI 53:1

Daktana in baraá muner'ín i kat, «Mungú i kaahh.» Inooín sleémeero taa hhitirumiít, sleémeero a iringuuse. Heé hhoeemaá tlehhiít i kaahh.

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.

YEREMIA 13:23

Xáy, heé boó/ kalaywós gu qo warqeési, laqaá du'uma biifayaarós gaqo warqeési? Bir ngi aleesláy, daqaní kuungá' sleeme tlehhma'aá hhohho' i aleesleerá', kuungaáká' muruú tlákw ugwa intsahhé' tlehhtuuwo.

ESEKIELI 14:5

Aníng múk Israeli u mune kwatiít as aníng iwa i ki/iya', asma inooín taa saweés dir'eene as slaqsi'iidá' mungui ngiwa sluufmisuú ayé'.

Matayo 12:34

Kuungá' xwaylár dayshe, kuungaásingá' tlakw, adór axweesanoó hhó' kur axwesá'? Asma hee gár i axweesi a tidá' muunaáwós iwa hatsi.

Matayo 5:19

Gawaá adoorihe, hee bar hara'ayár wák gaa iialooeesiiká baraá hara'ayadaá ninakwe, nee muu guri adoodár intsaahhatimís, inós a heé ló'wa niiná baraá waawuti'iimár dooriiwo. Ala heé hara'ayaarí gaa boo/ees, nee muu guri adoodár intsaahhatimis, inós a heé ló'wa úr baraá waawuti'iimár dooriiwo.

Yohana 7:7

Múk aa haratlintii'iiká kuungá' nu aahhiiká, ala aníng iga aáhh. Asma án inooín in ádbabáw adór tlehhemi'ii'ín kir tlákw.

Rumi 1:28

Inooín xu'utidár Mungú kuwa xui, kaa gaárí xuiiká. Gawaá adoorihe Mungú sleeme inooín giri máy baraá inslaway'ín kudá' aa hhitiruut, as muruudá' hariimaaká kuwa tleehhi.

Rumi 1:30

tari /ayseenaá tlaáq, Mungú kuri aáhh. Inooín tari fahharuumiít, nee daara/uuse, nee múk ti kilooín xirfayeemiís, múk lohdaá tlehhma'aá tlákw leelehhiít, múk xwaylitér'ín iialooeemisaaká,

Rumi 3:31

Gawaá adoorihe atén hara'aya an warqeemisaána ar haratlintaaoorí? Aasla'áy. A warqeemisaanaaká ala an gawdeemisaán.

Rumi 5:10

Qoomár atén tawa wakuuse dír Munguhe atén tiri dirósí haraki/ís ar tseerér Garmaawós. Gawaá adoorihe atén haraxu'uti a ló'wa koomaán, asma hám daxta alaá haraki/isarene atén ti ba/amis ar slafiingós.

Rumi 7:22

Asma aníng baraá muunaáeene hara'ayár Mungú an sa qwalalaá/.

Rumi 8:4

Mungú adoorí gana tleéhh as muruudá' hara'aya i hara'ayiyiin iwa boo/i baraarén wa ale. Asma atén ti sa waawuti'ii'inká nee heeuumár tlakweemaá koom, ala nee Qeeru.

1 Korinto 2:14

Heé Qeeruú Mungú gu koomaaká, muruuduú Qeeruú Mungú gu ilaoohiiká. Asma muruudá' dirose a adór daktu'uuma nee slám tsaahharo gu aleeslayká. Asma muruudá' gár kur tsatsahhan a Qeeruú Mungú.

1 Korinto 9:21

Aníng a hootaaká dír hara'ayár Mungú iwa kahh, asma aníng taa tseék nee hara'ayár Kristo. Ala dír mukdá' hara'ayár Mungú koomakahe, aníng tina adór inooín laqaá as mukdá' hara'ayár Mungú koomaaká nguwa slaw.

Kolosai 1:21

Aáng kuungá' tunduwa saáw dír Munguhe, baraá munerhúng nee inslawayhunge kuungá' a wakuuseerós, asma tlehhemi'iihúng ki tlakw.

Kolosai 2:18

Mukko i deer, oo ti kilooín niinaweemiís ar al/ayma, nee adoorí ngi sa qwalaala/iyá', slám i malaykér firiiriná'. Nee tin kilooín xirfayeemisiyá' as iigu'utuuín, gár tas daara/an ar kilá' i káhh, a inslaway'ín oo tlákw. Múk adór kwí munduwa al/aáy nee qeemuuhúng guri hayoh.

2 Timoteo 3:4

múk múk sakikií/, múk siduuse nee daar/uuse, múk muruú baraaká' yaamu gu ak slaá' ta Munguhe.

Ebrania 8:10

Aako i malé kaahi. Hám daxta, alqadoorí an tidá' ni tleehh nee múk Israeli alaá deeloodá' sleémeerowo iwa kaahi. Aníng hara'ayar'eé' an qaás baraá inslaway'ín, nee ngiri gooiím baraá muner'ín. Slám aníng tari Munguúín nee inooín tari muk'eé'.

Yakobo 4:4

Kuungá' fuquúse, kuungá' kaangwí u xua'aakáhe? Hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' mulqi'iimár tlehhiít dír múk aa haratlintii'iiká, inós tin wakusmoó Mungú tlehhiit.

2 Petro 2:14

Inooín ilaaín in tawo waseeliná' ilatleerir tsaatu'uumaro, slám i hhe'eesiaaká tlakweemaawo. Nee múk tununuú/ baraá haratlintaaooro ngun qwaareemisiyá'. Inooín a múk ló'wa peésár slaá'. Gawaá adoorihe inooín kaa lu'ús nee Mungú.