Rumi 8:36 - Biblía Axweesantá Hhohho' ar Mungú 2004

³⁶ Asma kaa gooín tawa kaahi, «Atén tin tsuu/ umuúqo siiwaro as kuúng, tin harafadiit tawa adór bee/ángw tsu/uta.»

Ya/abtór hho' 1977

³⁶ Asma kaa gooín gídaabá, “Atén tin tsuu/ umuúqo siiwaro as kuúng, tin harafadiit tawa adór bee/ángw tsu/uta.”

Rumi 8:36 Iomraidhean Croise

WARA'AMI 141:7

Adór migír kur feehhamamisi nee kur parhhamaamisi yaamií ale, an adór faduuín kir tsiyayaxi dír afkú /etángw baraá gi'i.

WARA'AMI 44:11

Atén tina meér tawa adór bee/ángw ta tsu/utár ay. Tiri diyayaá/ baraá xoordaá hatlá'.

WARA'AMI 44:22

Ala as kuúng tiwa meér atén nee gwa'ara tin madiitaán daqisleém, tari adór bee/ángw ta tsu/utár ay.

ISAYA 53:7

Inós kuna baramaanuús, kuri slahh'eemiís. Tam adoorihe inós afkós gwa waatleesiiká. Adór deelmoó bee/i oo ta gaasár ay, nee adór bee/ír ta se'eengw tlaaqi. Inós sleeme afkós gwa waatleesiiká.

YEREMIA 11:19

Ala aníng an adór deelmoó bee/i kudá' tsatsa'aár oo ta gaasár ay. Aga xuiiká adór aníng tir gaasár wa slaá', tawa kaahi, «Xa'anoowí u hhitiimaán dinkwa nee mamuuwose. Un amór saáwií kwahhaán baraakaá yaamaá múk slafa. Umuuwós mukuwa baloó insláy malé alé.»

YEREMIA 12:3

Ala aá AAKOÓ MUNGÚ, kuúng aníng i xú', nee in ga/eér, inslaway'eé' un amoorók i qwatsiín. Múk tlákw hhimbiritleek adór bee/ángw ta tsu/utár ay. Ki parátl as qoomár sakwasleemar'ín ar tsu/uta.

YEREMIA 51:40

Inooín in baráy /aytiís adór deeloó bee/ángw ta tsu/i, adór gwaandaawe nee gurtaawe.»

Yohana 16:2

Kuungá' tundu baynitis dír maraá saalingo. Slám qooma i hardát ar umuúqo heewo oo kuungá' nu tsuú/, ngiwa xui i Munguú sagadiyuus.

Tlehhema'aá ya/Abuuse 20:24

Ala bar án kilooeene slafingw'eé' u gaárí xuaaká. Ala gár gídaabár koom a masók slafingw'eé' kudá' nee Aako un alhhe'eés, nee gadiyér'eé' tidá' naa ilaaóh dír Aako Yésú wa ale, ngiwa alhhe'ees. Nee gadiyeérí an alki/ituú Ya/abtór hho' daanduú gurtleemuú Mungú.

Tlehhema'aá ya/Abuuse 8:32

Nee gooidá' i soomuusi a tí, «Inós kuna huúw didár mura' kuwa tsu/aa/in adór bee/ír wa ale. Nee adoodár deelmoó bee/i ir xaslmaamiti dír geeraá heedaádá' gu se'eengw tlaaqa, nee inós sleeme ina xasliít adoodár alé, afkós gwa waatleesiiká.

1 Korinto 15:30

Nee atén awa kilá' gár tas baraá tsaxwií darahaan a milá umuúqo daqto?

1 Korinto 15:31

Hhaee'eé', kuungá' a xuá' adór aníng tir aleesláw tiwa xirfayeemiis as kuungá' ar baraá Kristo Yesu Aakoorén. Ala kaangwí oo ló'. Adoorí bar ar ló', kaangwí sleeme oo ló' oo aníng umuúqo deelooro niwa baraá tsaxwaá gwa'arár i dirii'.

1 Korinto 4:9

Asma án ngi slaá', ateéká' ya/abuuse, Mungú tina alhhe'eesáy qaás adór múk taa sakwasleemuút kuwa tsu/i. Asma atén a adór muruú ta laqaqan dír muu sleémeero, nee tam dír malayke sleeme.

2 korinto 1:9

Atén tari baraá muneerén i kaahaán daxta sakwasleemár gwa'ara aga slawaán, as atén kawa tsaahhaan adór tar gár hariimaaká atén tiwa kilootén i tlintiiaan, ala masók a Mungú un i tlintiiaán, kudá' múk aa qaatl gu aleesláw waasle/atisaro.

2 korinto 11:23

Inooín a sagadiyuusér Kristówo? Aníng daxta an adór slarhhamá wa axweés, aníng a sagadiyusmoó Kristo oo ak hhoó' ta inooine. Aníng gadiyeé ana ak tleéhh ta inooine. Aníng tina tsegiít daqtá yaariire ta inooine. Nee slám aníng tina ak muúx ta inooine. Aníng afkú bohoongw ngun wa kikií/ daqtá yaariire ta inooine.

2 korinto 6:9

Atén tiwa xui a múk xuaawaslén, ala laatí atén a múk ta xu'uti hhe'eesi nee muu sleémeero. Atén a adór múk aa qaatl, ala laatí atén a slafaán. Atén ti muxaaxín, ala ti tsu/iiká.

Filipi 3:10

Gár án ni leelehhiit a wak kilós. A Kristo nguwa xuu', nee /uuruú waasle/uuwós nguwa slaw, nee niwa haragwaa' baraá slahh'amaayeerós i alé. Nee aníng tawa adór inós baraá gwa'araarose.