Rumi 8:35 - Biblía Axweesantá Hhohho' ar Mungú 2004

³⁵ Heé atén ti paraátl dír sla'aarír Kristowo a heemá? Gár paraatlaro ti aleeslaw a slahh'amaayeéro? Laqaá a daeéro? Laqaá a gusisiíngo? Nee a qwárko, laqaá a /aankwetsuuwo? Nee a tsaxwaáwo, laqaá tsu/utár paánga?

Ya/abtór hho' 1977

³⁵ Heé atén ti paraátl dír sla'aarír Kristowo a heemá? Gár paraatlaro ti aleeslaw a slahha'amaayeéro? Laqaá a daeéro? Laqaá a gusisiíngo? Nee a qwárko, laqaá a liitlákwe? Nee a tsaxwaáwo, laqaá tsu/utár paánga?

Rumi 8:35 Iomraidhean Croise

WARA'AMI 103:17

Sla'aarír warqawaaká ar AAKOÓ MUNGÚ i deer ar iimír iimu/uungw wasle ay alhhe'eesay wasle, dír mukdá' ngu ilaiwawaá/. Gan'amuuwós in kumaamiit ay nángw naangw,

DAA'AANGW 3:4

Qoomár niwa dir'ín wa tláw heedaádá' muunaáeé' i slai nguri ár. Nguri dawa óh, ugwa baloó geemawiiká as miwa tláy. Nguri huúw amór doó aayor'eé', ay baraá tla/afír aayoodá' aníng iga laqwal.

YEREMIA 31:3

AAKOÓ MUNGÚ tina amór saáwá laqán i kaahi, Aníng kuúng una ló'wa slaá' ar sla'aarír alhhe'eesay wasl. Gawaá adoorihe aníng an kumamiít tiwa inkihhím diroge.

Yohana 10:28

Aníng u slafíngw alhhe'eesay wásl i haniís, nee inós i baloó qwaariiká. Slám heé gu gawaá dakw'eé' wa hayóh i kaahh.

Yohana 13:1

Qoomár deeloodá' ur ar Pasaáka iwa xeeriiká. Yesu gaa xuú' adór qoomaarós ira xeér, tidá' iwa quutli baraaká' yaamuwo, iwa tlay amór Baabá. Nee inós mukós kwí oo baraaká' yaamu guna slaá', slám guri ló'wa sla'ati hhe'eés ay alhhe'eesaay.

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Rumi 2:9

Muu sleémeero oo tlakweemaá tlehhaahhiít, gusisiingw nee slahh'amaayeero ngi slayá'. Múk giiriím oo Yahudi, ala tam múk Yunani sleeme.

Rumi 8:17

Nee atén barnaxes a na/ii, atén a aaluuse. Atén a aaluusér Mungú, nee a aaluuse dinkwa nee Kristo. Barnaxes a ló' adór tara slahhaahha'aán dinkwa nee inós. Daqaní atén xirif u slawaán sleeme dinkwa nee inós.

Rumi 8:37

Ala baraá muruuwí sleémeerowo arba/ati a ló'wa slawaán ar kudá' atén taa slaa'.

Rumi 8:39

laqaá muruuduú gáwtí dirií', laqaá kuduú baraá guruú yaamu, laqaá umuúqo gár taa tleehhi i aleesleeraaká paraatlaro dír sla'aarír Munguhe, tidár baraá Kristo Yesu Aakoorén.

1 Korinto 4:11

Tam ay hamí atén a qwariitaán, nee a waxiitaán, nee atén a /aankwets. Atén ti muux, slám maraay i koomanaaká.

1 Korinto 4:12

Nee slám a daawimiitaán ar gadiyeé kawa tlehhiitaan ar dabaarén awa kilá'. Muu barnaxes atén ti /ooslislín, atén inooín in tsuuqumaán. Atén barnaxes ti slahh'eemiis, a qiqtliimaán.

2 korinto 12:10

Gawaá adoorihe aníng a qwalaá/ aníng barnaxes ti daqaatlaákw, laqaá tam ti muruú tlákw i tlehhiít, laqaá tam a daawimiít, laqaá tam ti gusiisín, nee laqaá tam ti slahh'eemiís as Kristo. Asma aníng barnaxes ti daqaatlaákw, daqaní aníng a /uuruú koóm.

2 korinto 4:17

Slahh'amaayeerén ka niina nee slám ar har qoomár niina. Ala gár ni hup direne a xirfuú úr ló'wa ale oo baloó faakaaká.

2 korinto 4:8

Atén bihhe sleémeero ti slahh'eemiis, ala taa tsamemeeiiká, a xuruumitaán, ala tam adoorihe a mune siaanaaká.

2 korinto 4:9

Atén ti slahh'eemiis, ala taa hhaamisiiká, nee slám taa yaamií daraáhh, ala taa tsu/iiká.

Efeso 3:19

Nee slám kawa tsahha' sla'aarirós tidá' xu'uti sleémeero ga baa/ as kawa yaariír. Gawaá adoorihe Mungú inósuú kilá' kuungá' nu ló'wa hatsiisi munguiimarose.

2 Tesalonike 2:16

Aakoorén Yesu Kristo inósuú kilá' nee Mungú Baabuúrén, kudá' atén ti slaa', nee slám gurkwa/asár alhhe'eesay wasl ngaa haniís ar baraá sla'aarirós, nee haraxu'utír hhooe,

2 Timoteo 1:12

Gaarí an gár án nis adoorír slahhahhaa'. Ala aníng a murumiitaaká as slahha'amkwí, asma heedaádá' aníng naa haratlintií' u xuú'. Nee slám aníng a xuú' adór gadaádá' inós naa aníng i haniís, de'eengo ngir aleesláy ay bál alhhe'eesaay.

Geehhoeemaá 1:5

Nee amór i dahhiya' sleeme a amór Yesu Kristo. Inós an lamabu'usmoó inkihhím, nee slám inós an heé geera oo naa waaslee/ baraá múk aa qatli. Nee a waawutmoó waawitá sleémeero baraá yaamuwo. Inós atén tin slaa', nee tina gweér baraá lawaali'iimár tlakweemaá wa ale ar tseereerós.