Rumi 8:34 - Biblía Axweesantá Hhohho' ar Mungú 2004

³⁴ Heé inooín gi sakwasleemuút a heemá? Yesu Kristo ina gwaá', nee slám a tí kiloseeká, inós nina waasleé/ baraá múk aa qaátl wa ale. Nee inós hamí i dákw /iyáy oo Mungú, i atén aleefiriirín.

Ya/abtór hho' 1977

³⁴ Gawaá adoorihe heé inooín gi sakwasleemuút a heemá? Yesu Kristo inós ina gwaá', nee slám a tí kiloseeká, inós nina waasleé/ baraá múk aa qaátl wa ale. Nee inós hamí i dákw /iyáy oo Mungú, i atén aleefiriirín.

Rumi 8:34 Iomraidhean Croise

YOBU 33:24

Inós heedaádá'guna gurtláy, Mungú guri báy, ‹Ba/amiseek, miwa /eét baraá gi'i. Asma gár afkós gu /aay aga sláw.›

YOBU 34:29

Mungú bira xasliít heé gu áw a heemá? Bar gitsee/aawós ngaa luú/ heé gi kiís a heemá?

WARA'AMI 109:31

Asma inós heé gaa wásl gun aleekal/án, as nguwa tu/i dír mukdá' gwaa sakwasleemár gwa'arár i tsati.

WARA'AMI 37:33

AAKOÓ MUNGÚ heé hota ganaá' gu mayká gawaá /uuruú tlakusmo, sleeme gu ya/anká sakwasleemaro kuwa baali nee tlakusmo.

ISAYA 50:8

Kudá' aníng i aleekalaá/ ku tseéw, heé nee aníng ti tlaampa'aasá' a heemá? Gimsé' a sihhitaán dír doó kwasleema. Wakusmooeé' a heemá? Axáy inós ni dir'eéní tseewuy.

ISAYA 53:12

Gawaá adoorihe inós nee múk urén in al'iwitiís. Inós nee mukdá' /uureemaá koóm haasaáng ngun alqasimiisiyá'. Asma inós slafiingós guna haniís, kuri harafaár nee múk tlakuuse. Tam adoorihe tlakweemaá múk yaariír gina gagaár. Nee tlakuuse gari aleefiriirín.

YEREMIA 50:20

AAKOÓ MUNGÚ i kaahi, «Qoomaadae nee daqtadae tlakweema ki leelehhiit yaamaá múk Israeliwo, ala ki ariiká. Dakuús ka leeleehh yaamaá Yudawo, ala ka harasliqitiiká asma aníng panaydá' aa meet u gurtláw.»

FAARO 7:15

nee awuú wák oo batlitamo, nee gwaanduú wák, nee deelmoó gwaanda oo kurkú wák, muruuwí sleémeero a ilahhooár da/a.

Matayo 20:28

Asma tam Garmoó Hee sleeme naa hardihiiká as kuwa sagadiyuusi, ala nina hardáh as muu nguwa sagadiyuusi nee slafiingós nguwa duuxi as tawa bu'utuú múk yaariír ngur tu/i.»

Marko 16:19

Aako Yesu axweesantá dir'ín ngiwa hhe'eés, kurira tláy gawaá doori, iri iwiít dákw doó /iyáy oo Mungú.

Yohana 14:19

Deelór aa met ka ureeká, aníng múk aa haratlintii'iiká i malé ariiká, ala án kuungá' i aandá', asma án a slaáf, nee kuungá' a slafá'.

Yohana 16:23

«Slám baldá' gár iwa yaahasa' i káhh. Ar ló' án a kah, Baabá bura firiindé' umuúqo gaaro, inós ngi haniis ar umuueé'.

Tlehhema'aá ya/Abuuse 2:24

Ala Mungú guri gweér baraá slahha'amaayér gwa'araaro, guri waasle/atís, asma gwa'ara ar /uuruuwose gwa aleesleeriiká ilaa/aro.

Rumi 14:13

Gawaá adoorihe atén kilootén mitiwa sakwasleemuutaán. Ala masók sakwasleemarhúng a adoorí, hee hhiyaawós munguwa dukuutsmoó i qaás, laqaá munguwa baraá tlakweemií daáhh.

Rumi 14:9

Gaarí an gár Kristo isa gwaá' nee iri waasleé/, as tawa Aakoó múk aa qaatl, nee oo kudá' slaáf sleeme.

Rumi 4:25

Yesu kuna haniís iwa gwaai as tlakweemaarén, nee kunguri waaslee/atís as atén tiwa gan'amuú i harafaari.

Rumi 8:1

Gawaá adoorihe sakwasleema i káhh dír mukdaádá' baraá Kristo Yesu i diriia.

Rumi 8:27

Nee Mungú kudá' munér muu ga xuuxu'uúm, inós gár Qeeru i slai ga tsaahh adór tar milá. Asma muruudá' Qeeru i firiirin as múk hhohhó' oo Mungú, ti slasláyá' nee sla'aarír Mungú.

Kolosai 3:1

Kuungá' tunda al waaslee/atís dinkwa nee Kristo. Gawaá adoorihe muruuduú gawaá doori na leelehhiitaak, amoodá' Kristo i dirii'i, aa iwiít dákw doó /iyáy oo Mungú.

Ebrania 1:3

Inós an miiraa/ór xirfuú Mungú, nee an slaqsoó Munguú kilá'. Inós mura' sleémeero gun amohhe'eemaamiis ar axweesantós tidá' aleesleemuú koom. Tlakweema hamaatlaro ngiwa hhe'eés, iri iwiít dákw doó /iyáy oo Munguú Aleesleemusmo gawaá dooriiwo.

Ebrania 7:25

Gawaá adoorihe kudá' Mungú ngu i daqaqawá' ar loohír inós, inós gi ló'wa aleesláy ba/amisaro, asma inós i slafaafín daqisleém as ngiwa aleefiriirin.

Ebrania 9:24

Asma Kristo aa dahiiká baraá doó hhoohhoó' i alé, oo taa tleéhh ar dabaá muu. Asma do'wí taa tleéhh ar daba', an slaqsoó do'duú kilá' oo hhoohhoó'. Ala inós ina dáh gawaá dooraá kilá', as hamí iwa dír geeraá Mungú i dirii'i.

1 Petro 3:18

Tam Kristo sleeme ina gwaá' as tlakweema. Ina gwaá' sagaáwa wák wa ale as tlakweema sleémeero. Inósuudá' gan'amuú koóm kuna slahh'eemiís as mukdá' gan'amuú koomaaká, as inós atén tiwa huwi amór Mungú. Slaqwtós kana gaás, ala kuri waaslee/atís ar Qeeru.

1 Petro 3:22

Inós ina tsa/án gawaá doori, iri iwiít dákw doó /iyáy oo Mungú. Malayke nee kudá' aleesleemuú koomá' nee kudá' /uuruú koomá' kaa gawaá dabaawósií qaás.

Geehhoeemaá 1:18

kudá' slaáf. Aníng geeraawo ana gwaá', nee qaytsiít, hamí a slaáf ay alhhe'eesay wasle. Nee slám aníng gweermo a koóm ar gwa'ara nee ar baraá gi'i.