Rumi 8:3 - Biblía Axweesantá Hhohho' ar Mungú 2004

³ Asma muruudá' hara'aya i aleesleeraaká tlehhmuuwo, muruudá' Mungú guna tleéhh. Asma hara'aya i /uuruú koondaaká, as adoodá' slaqoorén iwa tlakweemaá slaiya' tlehhmuuwo. Ala Mungú Garmaawós oo kilá' nguna ya/aáw. Inós slaqwa gari sláy ar slaqás nee tidár múk tlakweemaá koóm. Gawaá adoorihe Mungú tlakweema giri sakwasleemuút baraá slaqoorén awa tlakweemaá koomá'.

Ya/abtór hho' 1977

³ Asma muruudá' hara'aya i aleesleeraaká tlehhamuuwo, muruudá' Mungú guna tleéhh. Asma hara'aya i /uuruú koondaaká, as adoodá' slaqoorén iwa tlakweemaá slaiya' tlehhmuuwo. Ala Mungú Garmaawós oo kilá' nguna ya/aáw. Inós slaqwa gari sláy ar slaqás nee tidár múk tlakweemaá koóm. Gawaá adoorihe Mungú tlakweema giri sakwasleemuút baraá slaqoorén awa tlakweemaá koomá'.

Rumi 8:3 Iomraidhean Croise

FAARO 21:9

Naagáy Mose dayshamoó muqslír sirdaa/aat guri tleéhh, guri qaás gawaá xa'anoó tlerantleér. Umuú heé taa qo kihhi nee dayshamo, nee dayshamoduú muqslír sirdaa/aat guri i qaytsiít, in hhooáy.

FAARO 28:22

Gurtuú wák un hanisá' tawa ilahhooár tlakweema hingeesa as haraki/isarhúng kawa tleehhi.

Marko 15:27

Fisuusér tsár nee inós kina alkikií' gawaá msalaabadu, kooko dakós oo doó /iyáy, kuqá' dákw doó basáy. [

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 9:24

Múk Farisayo heedaáduú aáng taampa kuri ateét sagaáwa tsare, tari oó', «Mungú xirfuú i haniseek. Atén a xuaán adór heedaádá' tar heé tlakusmo.»

Tlehhema'aá ya/Abuuse 13:39

Umuúqo heewo oo inós gu haratlintií', sakwasleemadá' inós gu wa hariim kan fiits, inós kuri gan'amií harafaar. Gár adoorí hara'ayár Mose gaa aleesleeriiká tleehhamooro.

Rumi 3:20

Asma heé ta gan'amií harafaari dír geeraá Munguhe i kaahh, ar loohír tlehhma'aá hara'aya, asma hara'aya gár i bu' dír heewo, a tlakweemaawós gin laqaaqaán as ngiwa tsaahhi.

Rumi 6:6

A xuaán adór muneerén tidár aáng kara kikií' dinkwa nee Kristo. Gaarí gár isa tleehharút as /uuruuduú tlakweema baraarén i dirií' masók ku hhitín, as atén mawa malé lawaalér tlakweema tleehhitaán.

Rumi 7:18

Asma aníng aga xuú' gár hhoo' ar baraaeé' wa hoot i káhh, gídaabá baraá slaqwte'eé'. Tidá' hhoo' ngiwa tleehh a slaá', ala tleehhamooro a aleeslawaaká.

Rumi 8:32

Mungú tam Garmaawós gwa ilaa/iiká, ala nguri haniís iwa gwaai as atén sleémeero. Munguúwí mura' sleémeero ngu aténí haniísiíke dinkwa nee inós?

Rumi 9:3

Án geeraawo gár ni slaa' masók tin lu'us nee tiwa paraatli dír Kristowo, adoorí geera bir alee/isoó huba dír hhaee'eene, kudá' tlahhay'eé'.

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

Galatia 3:13

Kristo atén tina tuú/ baraá lo'oodár hara'ayaaro, qoomár lo'oorén tidá' inósuú kilá' ngiwa gagaár. Asma kaa gooín, «Umuúqo heewo oo taa gawaá xa'anií kikií' kwaa lu'ús.»

Galatia 3:21

Daxta bar adoorí, an ooána hara'ayár Mungú nee al'axweesantá Mungú ti slaslay'aaká? Aasla'áy, a adooriheeká. Ala geera barnaxes hara'ayár aleesleemuú koom kinga haniís, ar muu gu slafíngw i haniis, geera alók muu gan'amu gu sláy as hara'aya ngiwa óh.

Filipi 2:7

Baraá sla'aarirose uraydá' tawa adór Mungú guri geexáy, iri adór lawaalmo tleehhiít. Iri hee tleehhiít adór atén wa ale; Iri geehhooúy ar slaqsoó hee.

Ebrania 10:12

Ala Kristo ilahhooár wák kilós gana haniís as tlakweema. Ilahhooarí an tidá' hoot ay alhhe'eesay wasle. Adoorí tleehhamooro ngiwa hhe'eés, iri iwiít bihhaá dákw /iyáy oo Mungú.

Ebrania 10:14

Asma ar ilahhooár wák kilós, tidá' aa haniís, inós mukdá' aa hhoohhooeés gwa múk ganaá' tleéhh ay alhhe'eesay wasle.

Ebrania 2:14

Na/ii tseerer'ín a wak, nee slaqwtaín a wak. Gawaá adoorihe Yesu sleeme muruuwí guna sláy adór inooín wa ale. Adoorí gana tleéhh as gwa'ara ngiwa slay. Asma ar loohír gwa'araarose inós gár i slai a /uuruú Neetlaangw nguwa hhitin, kudá' úr oo gwa'ara.

Ebrania 2:17

Gawaá adoorihe inós gár kuwa hariím, a kun adór hhaeewós tleehh baraá mura' sleémeerowo, as kahhó' inós masók a kaahamusmooín oo úr, oo Mungú kudá' gurtleemuú koóm nee oo inkihhím baraá kángw Munguhe, nee ilaahhooár haraki/isa ngiwa haniisi as tlakweemaá mukós ngiwa hingeesi.

Ebrania 4:15

Asma atén kaahamusmoó úr oo Mungú oo ta koomaan, atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.

1 Petro 2:24

Kristo inósuú kilá' tlakweemaarén gina gagaár ar gawaá slaqwtós ay gawaá msalaába, as kahhó' atén tawa adór múk aa qaatl baraá tlakweemaawo, nee slám atén masók a múk slaáf baraá gan'amuuwo. Kuungá' tunduri hungu/uús as inkahhi'iidá' inós aa sláy.