Rumi 8:26 - Biblía Axweesantá Hhohho' ar Mungú 2004

²⁶ Qeeru sleeme atén tin alee/iimiis, asma atén gár ta aleeslawaan i káhh. Asma atén gár ta firimaan a xuanaaká ar atén wa hariim firooro, ala Qeeru inósuú kilá' atén ti aleefiriirín dír Munguhe ar /ifór uren, tidá' ooaro ta aleeslayká.

Ya/abtór hho' 1977

²⁶ Adoorí an adoodá' Qeeru atén tir alee/iimisi, asma atén gár ta aleeslawaan i káhh. Asma atén gár ta firimaan a xuanaaká ar atén wa hariím firooro, ala Qeeru inósuú kilá' atén ti aleefiriirín dír Munguhe ar /ifór uren, tidá' ooaro ta aleeslayká.

Rumi 8:26 Iomraidhean Croise

YOBU 37:19

Gár atén Mungú ngu bawaan ooang, asma atén a sage giwaán gár ooa a xuanaaká.

WARA'AMI 10:17

AAKOÓ MUNGÚ, /aa/aá heé tsá' iga axás, kuri iiárií qás, kuri gurkwa/ás.

WARA'AMI 102:20

Wa/aa/ír mukdá' taa tsegiít gan iiárií qaas, mukdá' geera taa sakwasleemuút kiwa tsu/i gin gweer.

WARA'AMI 102:5

An /iíf ar afo, gár gawaá slaqwte'eene aa met a fadu kilooín.

WARA'AMI 6:3

Muunaáeé' aa ló'wa amoqwaár. Xáy AAKOÓ MUNGÚ, kuúng ay xaylá ta tligaagiin aníng alee/isaro?

WARA'AMI 6:9

AAKOÓ MUNGÚ firor'eé' gaa axaás, inós firor'eé' gaa ya/án.

WARA'AMI 69:3

Aga slaaqaát /aa/eewo, hheehhar'eé' aa kát, Munguúeé' una damraaraám, ilaaeé' nay maa/uutiyé'.

WA/AA/I 3:56

Kuúng firor'eé' kari iiárií qás, niwa kah, «Iaawók mi oohaar bur alee/isáy fiririím!»

SEKARIA 12:10

«Aníng múk doó Daudi nee yaamuloouusér Yerusalemu i qeeruú i haniís oo firo nee oo gurtleemu, gawaá adoorihe, qoomár kudá' naa mutiyé' burngwa i qaytsitiyé', inooín nguri satsuunqumisiyá', adór hee na/aywós oo kilós ngur santsuunqumisi, inooín nguri sa/a/amná' adór heé na/aywós oo baris ngur alee/aa/amaamin.

Matayo 10:20

Asma heé axweés a kuungaeeká, ala a Qeeruú Baabuúhúng in axwees ar loohír kuungá'.

Matayo 20:22

Yesu iri oó', «Gár ta fiririinda' a xua'aaká. Xooslmoodá' án ni wah, kuungá' u qitlá'a wahto?» Kuri báy, «Adoosíng a aleeslawaán.»

Luka 22:44

Yesu iri ló'wa kumiít firooro as adoodá' muunaáwós iwa ló'wa gurhaamuuti, tam hameerós iri adór tseere tleehhít, iri yaamií taxaán.]

Yohana 14:16

Án Baabá u firiím, nee inós alee/isusmoó hatlá' ngu haniis as iwa dirhúng wa hooti ay alhhe'eesay wasle.

Rumi 15:1

Ateéká' /uuruú koomá' baraá haratlintaaooro, gár tiwa hariím a mukdá' tununuú/ baraá haratlintaaooro un alee/iimisaán. Ala atén mitiwa kilootén sla'atimisaán.

Rumi 7:24

Aníng a liitlakusmo ador'eé' tí ka ló'wa gawit. Heé aníng i ba/amís dír slaqwtír gwa'araaro a heemá?

Rumi 8:15

Asma kuungá' qeeruú lawaali'iima ugwa sleeri'iiká, ala qeeruú taa sleeré', an kudá' kuungá' tawa na/aá Mungú. Gawaá adoorihe atén an ateetimaán, «Baabá, Baabá.»

2 korinto 5:2

Asma qoomaarír hamí atén tawa hootaan baraá slaqooká' wa ale, a /ifaán, asma slaqoorén kudá' gawaá doori i ló'wa ilatleeruusaán kiwa tsiitaan.

2 korinto 5:4

Ala qoomaarí atén tawa baraá heémaarír slaqooká' wa hootaan, atén an /ifaán as huwaarí iiloo' ar ta gagariimaan. Asma slaqooká' qaren i sla'aanaaká kiwa duuxaan. Ala slaqoodá' /aben i sla'aán kiwa dahaasaan daanduú kudá' qarén wa ale, as gwa'ara kawa gu/i nee slafiingw.

Galatia 4:6

Asma adoodá' kuungá' tawa na/iiwós, Mungú Qeeruú Garmaawós nguna baraá muneeréní ya/aáw, kudá' ateetiím, «Baabá, Baabá.»

Efeso 2:18

Asma baraá Kristowo ateéká' tsaraawo loohi ana slawaán ar Baabá kuwa i tseewuwaan ar baraá Qeeruú wák.

Efeso 6:18

Muruuwí sleémeero tlehhiitaak ar baraá firo, tawa firiiriinda' umuúqo daqto ar /uuruú Qeeruú hhoohhoó' oo Mungú. Gawaá adoorihe dalaaé' tawa kumita' baraá firooro, múk hhohhó' oo Mungú sleémeero kuwa aleefiriiriinda'.

Ebrania 4:15

Asma atén kaahamusmoó úr oo Mungú oo ta koomaan, atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.

Ebrania 5:2

A gár ya/aam inós tawa heé tsatsa'aár dír mukdá' liitlakwene nee oo aa dakuus. Asma inósuú kilá' ku liitlaákw baraá muruú yaariire.

Yakobo 4:3

Slám a mak firiiriindá', ala a slasleera'aaká asma firorhúng ka tlakw. Asma an firiiriindá' as ilatleerirhúng kawa boo/esa'.