Rumi 8:17 - Biblía Axweesantá Hhohho' ar Mungú 2004

¹⁷ Nee atén barnaxes a na/ii, atén a aaluuse. Atén a aaluusér Mungú, nee a aaluuse dinkwa nee Kristo. Barnaxes a ló' adór tara slahhaahha'aán dinkwa nee inós. Daqaní atén xirif u slawaán sleeme dinkwa nee inós.

Ya/abtór hho' 1977

¹⁷ Nee atén barnaxes a na/'ii, atén a aaluuse. Atén a aaluusér Mungú, nee a aaluuse dinkwa nee Kristo. Barnaxes a ló' gídaabá a slahhaahha'aán dinkwa nee inós. Daqaní atén xirif u slawaán sleeme dinkwa nee inós.

Rumi 8:17 Iomraidhean Croise

Matayo 16:24

Qoomaadár kilae Yesu eeharuuseerós gari báy, «Umuúqo heewo oo aníng i eehartá wa slaá', gar kuwa hariím a sla'aarirós gan gunqarees, nee msalaábarós gari gagaar, aníng iri eehar.

Matayo 25:21

Aakoowós iri oó', ‹I qoón, kuúng a lawaalmoó hhoó' nee oo inkihhím. Kuúng tu inkihhím baraá tidá' niina tuy saayini. Án kuúng u muruú yaariír i saayiím daxta. Qwál daháng baraá qwal/uueé'.›

Luka 12:32

«Ma da'ayumitaara', kuungaá daqtá niina. Asma Baabuúhúng gaa slaá' waawuti'iimadá' ngiwa haniisi.

Luka 24:26

Ahaá, a gár xuawásle, Kristo slahh'amaayeerí ngiwa slay, nee iwa dahi baraá xirfuuwós i alé?»

Yohana 17:24

«Baabá, kuká' kuúng naa hanís, gár ni slaa', masók i dinkwa nee aníng didá' án ni diriia. Nee xirfuudá' naa aní hanís nguwa ga/aya'. Asma án kuúng ina slá' iimír yaamu kiwa tleehhiiká.

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Tlehhema'aá ya/Abuuse 20:32

«Ala aníng hám daxta kuungá' nu qaás baraá dabaá Mungú, nee dír axweesantadár gurtleemuú Mungú. Tidá' kuungá' nu kwa/as nee nuri aalírí hanís dinkwa nee mukdá' taa hhoohhooeés.

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

Rumi 5:17

Asma gwa'ara pa/aangw guna sleér oo ir waawuti'ii'iin as heedaádá' wák, asma inós ina huú' baraá tlakweemaá i alé. Gawaá adoorihe mukdá' gurtleemuú Mungú gwa slay, in ak slaaf nee iwa waawuti'ii'in ar loohír kudá' wák Yesu Kristo. Asma inooín kaa gan'amuú i harafaár as gurtleemuudá' ló'wa úr oo Mungú.

Rumi 8:3

Asma muruudá' hara'aya i aleesleeraaká tlehhmuuwo, muruudá' Mungú guna tleéhh. Asma hara'aya i /uuruú koondaaká, as adoodá' slaqoorén iwa tlakweemaá slaiya' tlehhmuuwo. Ala Mungú Garmaawós oo kilá' nguna ya/aáw. Inós slaqwa gari sláy ar slaqás nee tidár múk tlakweemaá koóm. Gawaá adoorihe Mungú tlakweema giri sakwasleemuút baraá slaqoorén awa tlakweemaá koomá'.

1 Korinto 2:9

Sagalooarí an tidá' Gooi iwa kat, «Gadá' taa baloó ariiká nee iltá hee, nee ar taa baloó axaasiiká nee iiár hee, nee slám ar hee aa baloó xuiiká baraá muunaáwose, gaarí an tidá' Mungú aa amohhe'eés as mukdá' inós gu slaá'.»

2 korinto 1:5

Asma adoodá' slahh'eemisuú Kristo ir buhhabuhhi amoorene, adoorí an adoodá' gurkwa/amis ir tlahhatlahhi sleeme amoorene ar loohír Kristo.

2 korinto 1:7

Atén harahhifo a ló'wa koomaán daandeemoohunge. Asma atén a xuaán adoodá' kuungá' slahh'amu kur slasleera', an adoodá' kuungá' gurkwa/amis kur sleera' sleeme.

Galatia 3:29

Ala kuungá' bar múk Kristo, kuungá' a xwaylár Abrahamu sleeme. Gawaá adoorihe aalidá' ar Mungú a toohúng asma al'axweesantadá'.

Galatia 4:7

Ala bar adoosíng kuúng daxta a lawaalmoowooká, ala kuúng a na/aay. Ala kuúng bar na/aay, kuúng a aaliitmo sleeme, oo taa aaliitmo tleéhh nee Mungú.

Efeso 3:6

Lu/aaráy a kwí, baraá Kristo Yesuwo múk xoordu kwaa aaluuse tleéhh dinkwa nee múk Yahudi. Inooín a diqoó slaqwtá wák. Al'axweesantá Mungú a tooín sleeme, ar loohír Ya/abtór hho'.

Filipi 1:29

Kuungá' qeemu ugwa sleeré' oo Kristo kuwa haratlintié'. Ala a har qeemuuwí kiloseeká, ala tunduna slahh'eemiís sleeme as inós.

Filipi 3:10

Gár án ni leelehhiit a wak kilós. A Kristo nguwa xuu', nee /uuruú waasle/uuwós nguwa slaw, nee niwa haragwaa' baraá slahh'amaayeerós i alé. Nee aníng tawa adór inós baraá gwa'araarose.

Kolosai 1:24

Hám daxta a qwalalaá/ asma tiwa slahh'eemisi as kuungá'. Án baraá slaqwte'eene birti slahh'eemiis, a slahh'eemisuú Kristo un boo/eemiís, kudá' aa meet baraá slahh'eemisuuwós as slaqwtós. Slaqwtós an múk kríshaanáy.

Tito 3:7

Tina gan'amií harafaár as gurtleemuuwós, nee atén tina aaluusér slafíngw alhhe'eesay wásl tleéhh, adoodár harahhifoorén i kat.

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

Ebrania 1:2

Ala de'emaarén kuká' alhhe'eesayhe ina dirén i axweés ar loohír Garmaawós, kudá' aa aaliitmoó mura' sleémeero wa qaás, slamí mura' sleémeero guna baraá inós ar tleéhh.

Ebrania 6:17

Gawaá adoorihe Mungú sleeme lo'o gana /aáy qoomár al'axweesantós ngiwa gawdeesár wa slaá' dír mukdá' al'axweesnatadá' ga aál, adór inós ir baloó warqayká baraá tidá' aa al'axweesi.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.

1 Petro 1:4

nee aalír hhitiruutaaká a slawaán tidá' ta meetagaasiiká, slám i /otská. Tidá' ta gawaá doorí wa amohhe'eemisi as atén.

1 Petro 4:13

Ala kuungá' qwalaala/é' as adoodá' slahha'amaayér Kristo kawa tsaqé', as kuungá' tawa ló'wa qwalaa/a, qoomár xirfuuwós burkwa geehhooeés.

Geehhoeemaá 21:7

Heé arba/ati ga sláw, inós muruuwí sleémeero gu aal. Daqaní aníng tari Munguúwós nee inós tari garmaaeé'.

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.