Rumi 8:10 - Biblía Axweesantá Hhohho' ar Mungú 2004

¹⁰ Ala barnaxes Kristo i baraahúng wa hoot, daqaní slaqwtahúng aa gwá' as tlakweema, ala qeeruuhúng i slaaf asma kuungá' tunda gan'amuú i harafaár.

Ya/abtór hho' 1977

¹⁰ Barnaxes Kristo i baraahúng wa hoot, daqaní slaqwtahúng aa gwá' as tlakweema, ala qeeruuhúng i slaaf as kuungá' tunda gan'amuú i harafaár.

Rumi 8:10 Iomraidhean Croise

TLAHHOÓ LAÁWI 13:40

«Barnaxes paynuú hhawaata aa tu/uút, inós ku hhoohhoó' asma gaa a paynú ina tu/uút.

Yohana 14:23

Yesu iri oó', «Hee bar aníng i slaa', axweesante'eé' ga oh, nee inós kway slaa' nee Baabuúeé'. Aníng nee Baabuúeé' nay hardahaán amoorós, hootaarén kiri baraawósí tleehhaán.

Yohana 15:5

«Aníng a xa'anoó sabiíbu, kuungá' a haleemi. Heé baraaeé' wa hoót, nee án baraawós, heedaádá' mamu gi ló'wa laqwaal. Asma án bar kaáhh, kuungá' gár tleehhamooro ta aleesleera' i káhh tam ar wák.

Yohana 17:23

aníng baraaín, nee kuúng baraaeé', as wakleeli'iima kawa boo/eesi. Asma múk aa haratlintii'iiká ngiwa tsaahhi adór án kuúng ira ya/áp, nee adór kuúng mukdá' aníng iga haratlintii' kur slá', adoodá' aníng ira slá'.

Yohana 4:14

Ala umuúqo heewo oo ma'ayká' aníng ni haniis gi wáh, i baloó waxiitiiká. Asma ma'aydá' án ni haniis ni kutltá ma'aá slafiingw tleehhitiyá', niri baraawós wa ti'imiitiyá', slafíngw alhhe'eesay wásl nguri huwiyá'.»

Yohana 6:54

Heé slaqwte'eé' ga /aáy, nee oo tseerer'eé' ga wáh, slafíngw alhhe'eesay wásl gu kón. Nee án u waasle/atís bál deelór alhhe'eesaywo.

Yohana 6:56

Heé slaqwte'eé' ga /aáy, nee heé tseerer'eé' ga wáh, inós i baraaeé' wa hoot, nee aníng a baraawós wa hoót.

Rumi 5:12

Gawaá adoorihe tlakweema nina baraá yaamií dahiyé' ar loohír heé wák, nee tlakweemaadá' gwa'ara ngiri huwiyé'. Aluuwo gwa'ara iri hardát ay dír muu sleémeero, asma muu sleémeero tlakweema gaa tleéhh.

Rumi 5:21

Gawaá adoorihe, adoodá' tlakweema nira baaliné' ar loohír gwa'ara, adoorí an adór gurtleemuú Mungú ir baalin ar loohír gan'amu, slafíngw alhhe'eesay wásl nguri huuw ar loohír Yesu Kristo, Aakoorén.

Rumi 8:11

Mungú Yesu guna waaslee/atís baraá múk aa qaátl wa ale ar Qeeruuwós. Nee Qeeruuwós bir baraahúng wa hoot, inós slaqoohúng sleeme, kudá' gwa'ara, gi waaslee/atis ar Qeeruudá' baraahúng wa hoót, ar adoodá' Kristo ngura waaslee/atís.

1 Korinto 15:45

Adoorí an adoodá' Gooi i kat sleeme, «Heeduú geera, Adam, inós kuna slaqwtá slaáf i haniís.» Ala Adamuduú alhhe'eesaay inós aa Qeeru tleehhiít, kudá' slafíngw hanmiís.

2 korinto 13:5

Kuungá' ti kiloohúng aldakute', xáy, a baraá haratlintaaór i dir'á'a? Kuungá' ti kiloohúng iiade', laqaá kuungá' a tsahha'aakáhe adór Yesu Kristo ir baraahúngií dirii'? Ala bir kaahh, daqaní kuungá' tunda sií'.

2 korinto 4:11

Baraá slafiingwrén sleémeerowo atén tin amór gwa'arár i hanmiis umuúqo daqto as Yesu, as masók slafiingós i geehhoouy ar baraá slaqoorén kuká' qatlá'.

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

Galatia 2:20

Aníng daxta a slafaaká, ala Kristo in slaaf baraaeé' wa ale. Slafiingwí nir hoot baraaká' yaamuwo a kudá' nir hoot baraá haratlintaaór Garmoó Mungú nguwa haratlintii'. Asma inós aníng ina slaá', slafiingós guri haniís as aníng.

Efeso 3:17

as Kristo iwa baraá munerhúng wa hooti ar haratlintaao. Án Mungú u firiiriím as kahhó' kuungá' dee/aruuhúng nee iihhafiirirhúng iwa baraá sla'aari,

Filipi 1:23

Aníng a baraá waatsaraárí dirií'. Aníng a ló'wa slaá' niwa tlaw, niwa hotángw aw amór Kristo, asma adoorí a tsiní kángw kilá' wa ale.

Filipi 3:9

nee niwa haragwaa' dirós i alé. Daxta aníng hotaá ganaa'á' awa naa sláw as hara'aya ngiwa boo/eés, i kahhiyá'. Hotaá ganaa'á' awa ni xuu' a kudá' kilós hee i slay as Yesu Kristo nguwa haratlintií', an kudá' amór Mungú dahhá', as haratlintaao.

Kolosai 1:27

Asma Mungú gana slaá' ngiwa gwa/atisi dir'íní alé adór lu/aaráydá' ir daqaari'iimár kón nee xirif baraá múk xoorduuwo. Lu/aaráy an kwí, Kristo i baraahúng i dirii'. Gawaá adoorihe kuungá' haraxu'uti a koondá' ar xirfuú Mungú kuwa sleera'.

1 Tesalonike 4:16

Asma Aako inósuú kilá' i aweer gawaá doorí wa ale, afór ur ar hara'aya kari axaas, nee afór malaykamoó úr, nee afór tarumbeétár Mungú kari axaas. Mukdá' Kristo gwa haratlintii', kudá' aa qaatl kuri geerií waaslee/atis.

Ebrania 12:23

Kuungá' dír tay dir'a' a baraá boo/oó mukdá' qwal/uú koóm, dinkwaadár na/aá Mungú, kudaá baris umer'ín taa gooín gawaá doori. Kuungá' dír tawa sihhimita' a dír geeraá Mungú, kuduú sakwasleemusmoó muu sleémeero, nee dír geeraá qeereemaá mukdá' ganaá', kudá' taa hhoohhooeés.

Ebrania 9:27

Muu gár kuwa hariím a in qaatl sagaáwa wák wa ale, nee alaá gwa'araaro tari sakwasleema.

Geehhoeemaá 14:13

Aluuwo afór gawaá dooraá daahh ngiri axaás i kat, «Gooimeek, ‹Múk amohhoó' a kudá' qaátl baraá Aakoó i alé iimír hamí.› » Qeeru iri oó', «A ló', asma inooín ta hunguu/ alaá daawitimer'ine. Asma tlehhemi'ii'ín ti alkoná' nee inooín.»