Rumi 8:1 - Biblía Axweesantá Hhohho' ar Mungú 2004

¹ Gawaá adoorihe sakwasleema i káhh dír mukdaádá' baraá Kristo Yesu i diriia.

Ya/abtór hho' 1977

¹ Gawaá adoorihe sakwasleema i káhh dír mukdaádá' oo baraá Kristo Yesu i diriia.

Rumi 8:1 Iomraidhean Croise

ISAYA 54:17

Xooslár slaqwara tidá' taa tleéhh as tawa slaqwi nee kuungá', kuungá' adór nu /is i káhh. Heé bura sakwasleemuút doó kwasleemaro, kuungá' an baaliindá'. Gaarí an gadaádá' sagadiyuuser'eé' i sleer, an hariímár naa dír'ín i haniís Anuú AAKOÓ MUNGÚ tí ngina oó'.»

ESEKIELI 18:9

barnaxes inós kaahir'eé' ga eeharahar nee hara'ayar'eé' gaa kángw kilá' wa iialooeés, heewí i gan'amuú kón, nee inós i tsuwa hoot.› Anuú Aakoó MUNGÚ tí ngina oó'.

Yohana 14:20

Baldá' kuungá' a tsahhá' adór aníng tar baraá Baabá, nee kuungá' tar baraaeé', nee án tar baraahúng.

Yohana 15:4

Baraaeé' wa hootaak, nee án baraahúng. Adoodá' halmi kilós ir laqwalaká barnaxes i gawaá xa'anooduú sabiíbuú i dir'aká, tam kuungá' sleeme a adoorí barnaxes a baraaeé' wa hota'aaká.

Yohana 5:24

«Án a kah, heé axweesante'eé' ga axamiís, nee kudaádá' aníng iga ya/aaw guri haratlintii', slafíngw alhhe'eesay wásl gu kón, slám i dahiiká baraá sakwasleema. Ala ina waaraáhh ar baraá gwa'ara, iri hardáh baraá slafiingw.

Rumi 16:3

Priska nee Akila intsihhiisaak. Inooín a sagadiyuuse dinkwa nee aníng ar baraá Kristo Yesu.

Rumi 16:7

Androniko nee Yunia intsihhiisaak. Inooín a múk Yahudi adór aníng wa ale, kudá' aáng taa tseék dinkwa nee aníng. Inooín baraá ya/abuuseero ki iia tleer. Nee slám inooín nina giiriné' Kristo haratlintaaooro ta aninge.

Rumi 5:1

Gawaá adoorihe atén taa hhe'eés gan'amií harafaarooro ar loohír haratlintaao. Atén a wayduú koomaán dír Munguhe ar baraá Aakoorén Yesu Kristo.

Rumi 5:16

Gurtleemuudá' Mungú naa haniís, nee gadá' tlakweemaá wák naa huwiyé', aa slaqasiká. Asma tlakweemaadá' wák gár naa huwiyé' aa sakwasleemár Mungú. Ala gurtleemuú Mungú, kudá' inós naa haniís as tlakweemaá múk yaariír, gurtleemuudá' gár naa huúw a muu kuwa gan'amuú i harafaari.

Rumi 7:17

Gawaá adoorihe heé gaarí ga tlehhiít a aningeeká, ala a tlakweemaadá' baraaeé' wa hootá'.

Rumi 7:20

Barnaxes tidá' ni tleehhamór wa sla'aaká, an tidá' ni tlehhiit, heé adoorí ga tlehhiít a aningeeká, ala a tlakweemaadá' baraaeé' wa hootá'.

Rumi 8:11

Mungú Yesu guna waaslee/atís baraá múk aa qaátl wa ale ar Qeeruuwós. Nee Qeeruuwós bir baraahúng wa hoot, inós slaqoohúng sleeme, kudá' gwa'ara, gi waaslee/atis ar Qeeruudá' baraahúng wa hoót, ar adoodá' Kristo ngura waaslee/atís.

Rumi 8:14

Asma mukdá' sleémeero ta geeraharahari nee Qeeruú Mungú, inooín a na/aá Mungú.

Rumi 8:2

Asma hara'ayaadár Qeeruú Mungú, an tidár slafíngw huwahuuw. Hara'ayaarí baraá Kristo Yesuwo aníng iga gwét dír hara'ayaadár tlakweemaawo nee dír gwa'araaro.

Rumi 8:34

Heé inooín gi sakwasleemuút a heemá? Yesu Kristo ina gwaá', nee slám a tí kiloseeká, inós nina waasleé/ baraá múk aa qaátl wa ale. Nee inós hamí i dákw /iyáy oo Mungú, i atén aleefiriirín.

Rumi 8:39

laqaá muruuduú gáwtí dirií', laqaá kuduú baraá guruú yaamu, laqaá umuúqo gár taa tleehhi i aleesleeraaká paraatlaro dír sla'aarír Munguhe, tidár baraá Kristo Yesu Aakoorén.

Rumi 8:4

Mungú adoorí gana tleéhh as muruudá' hara'aya i hara'ayiyiin iwa boo/i baraarén wa ale. Asma atén ti sa waawuti'ii'inká nee heeuumár tlakweemaá koom, ala nee Qeeru.

Rumi 8:9

Ala kuungá' tundu sa waawuti'ii'inká nee heeuumár tlakweema, ala nee Qeeru, asma Qeeruú Mungú in baraahúng wa hoot. Heedaáduú Qeeruú Kristo gu koomaaká, inós a heé Kristowooká.

1 Korinto 1:30

Ala kuungá' a baraá Kristo Yesu i dir'á'. Adoorí heé gaa tleehh a Mungú. Mungú Kristo Yesu guna sagalooarén tleéhh. Slám inós a gan'amuurén, nee hhohhoaarirén nee gweermoorén.

1 Korinto 15:22

Asma adoodár muu sleémeero ir qatlatlin baraá Adamuwo, adoorí an adoodá' muu sleémeero kur waaslee/atisi baraá Kristowo.

2 korinto 12:2

Aníng heeko wák u xuú' oo baraá Kristo. Kureeraá mibaá nee tsiyáhh naa waarahhii'i heewí kuna ar tláy gawaá doori ay baraá dooraá tám. (Inós qoomaadae tim slaqwtá kón, aníng a xuaaká, laqaá tim slaqwtá konká, aníng a xuaaká, Mungú ga xuu'.)

2 korinto 5:17

Gawaá adoorihe, hee bir baraá Kristó i dirii', inós a heé /abén. Tidá' qaren aa waaráhh, ga/aaweek, ar /aben naa hardát.

Galatia 3:13

Kristo atén tina tuú/ baraá lo'oodár hara'ayaaro, qoomár lo'oorén tidá' inósuú kilá' ngiwa gagaár. Asma kaa gooín, «Umuúqo heewo oo taa gawaá xa'anií kikií' kwaa lu'ús.»

Galatia 3:26

Asma kuungá' sleémeero a na/aá Mungú asma Yesu Kristo ugwa haratlintié'.

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.

Galatia 5:16

Ala gár án ni kah a tí, Qeeruú Mungú slafingwhúng ngu geerahaari, daqaní kuungá' nu aleesleemuú i haniis oo kángw slaqwa i sla' kuwa sia'.

Galatia 5:25

Qeeru atén taa slafíngw i haniís, gawaá adoorihe hotangwrén Qeeru ngu geerahari.

Efeso 1:1

Anuú Paulo, Ya/abusmoó Yesu Kristo as sla'aarír Mungú, barwaárí ngina gooiím amór múk Mungú oo baraá Efeso, kudá' Yesu Kristo ngwa haratlinti'iye'.

Filipi 3:9

nee niwa haragwaa' dirós i alé. Daxta aníng hotaá ganaa'á' awa naa sláw as hara'aya ngiwa boo/eés, i kahhiyá'. Hotaá ganaa'á' awa ni xuu' a kudá' kilós hee i slay as Yesu Kristo nguwa haratlintií', an kudá' amór Mungú dahhá', as haratlintaao.