Rumi 7:3 - Biblía Axweesantá Hhohho' ar Mungú 2004

³ Ala barka dír hhawaatuú hatlá' wa óh, qoomár hhawaatuuwós bir slaaf, inós daqaní ka bay a /ameenír tsaatuso'o. Ala bar hhawaatuuwós aa gwaá', inós daqaní kaa gweér baraá hara'ayaro, nee inós tam ka duuxi nee hhawaatuú hatlá', daqaní inós a fuquso'orooká.

Ya/abtór hho' 1977

³ Ala barka óh dír hhawaatuú hatlá', qoomár hhawaatuuwós bir slaaf, inós daqaní ka bay a /ameenír tsaatuso'o. Ala bar hhawaatuuwós aa gwaá', inós daqaní kaa gweér baraá hara'ayaro, nee inós tam ka duuxi nee hhawaatuú hatlá', hara'ayár duuxo gaa meeriiká eeharto.

Rumi 7:3 Iomraidhean Croise

TI'INAANGW 20:14

«Fuqi ma awaar.

TLAHHOÓ LAÁWI 20:10

«Hhawaata nee harér inslaawmoowós barta fuquús, gár tsaraawo kiwa hariím a tsu/uta.

Matayo 5:32

Ala án a kah, hee bar hareerós gaa guús, ala as tlehhemuú fuqtooká, /ameenidá' aa fuqús as hhawaatuudá'. Nee heé /ameenidá' taa guús gaa duux, heedaádá' sleeme aa fuquús.»

Rumi 7:2

/Ameenír taa duúx, inós kaa tseék nee hara'aya dír hhawaatií alé, qoomár hhawaata bir slaaf. Ala hhawaata bira gwaá', inós daqaní kaa gweér baraá hara'ayaadá' inós gaa tsek dír hhawaatuuwo.

Rumi 7:4

Kuungá' sleeme a adoosíng, hhaee'eé'. Asma adoodár Kristo ira gwaá', kuungá' sleeme ana qatlé', nee slám kuungá' a baraá waawuti'iimár hara'ayár i dir'a'aaká. Kuungá' a múk heé hatlá', kudá' naa waaslee/ baraá múk aa qaátl wa ale. Gawaá adoorihe tlehhma'aá hhohho' in tleehhaán awa Mungú ngu qwal/atisá'.

RUTI 2:13

Ruti iri ó', «Aáko, kuúng tu ló'wa hhoó' dir'eene. Asma hhooeemaá naa axwés daanduueene aníng iga ló'wa gurkwa/asiyé', tam handá' aníng adór sagadiyuso'oorók ar wák aga awiikahe.»