Rumi 7:23 - Biblía Axweesantá Hhohho' ar Mungú 2004

²³ Ala baraá slaqwte'eene gár naa ár a hara'ayár hatlá'. Hara'ayaarí i sláqw nee hara'ayaadá' baraá muunaáeénií dirii'. Asma hara'ayár tlakweema i baraá slaqwte'eé' wa gadiyús, aníng iri tsék.

Ya/abtór hho' 1977

²³ Ala baraá slaqwte'eene gár naa ár a hara'ayár hatlá'. Hara'ayaarí i sláqw nee hara'ayaadá' baraá muunuúeén i dirii'. Asma hara'ayár tlakweema i gadiyús baraá slaqwte'eé' wa ale, aníng iri tsék.

Rumi 7:23 Iomraidhean Croise

WARA'AMI 142:7

Baraá tsegmuuwihe gweeráng, daqaní án kuúng u sluufiís, nee múk hota ganaá' aníng iri harweer, asma kuúng iga hhooeemaá i tléhh.

DAHARUSMO 7:20

Heé gan'amuú koóm tumu wák i kaahh baraá yaamuwo, oo hhooeema gi tlehhaahhiít tam tlakweema gari tleehhiiká.

Rumi 6:13

Nee slám kuungá' slaqoohúng mi hanmiisara' as kiwa ar gadiyuusi nee tlakweema, tawa adór xooslár tlehhma'aá ganaa'a'aaká. Ala kuungá' ti kiloohúng hanise' dír gadiyér Mungú i alé, as kuungá' Mungú kuwa sagadiyusa' ar slaqoohúng, slaqoohúng tawa adór xooslár tlehhma'aá ganaa'á'.

Rumi 6:19

Tí ana oó' ar slaqsoó slafíngw muu, asma kuungá' kawa tsatsahhaanda'aaká. Kuungá' aáng slaqoohúng ina hanisé' kiwa ar gadiyuusi nee slasla/ara nee dee/aanu. Tlehhmuú adoorí dee/aanu nguri huúw baraá slafingwhunge. Ala hám daxta kuungá' slaqoohúng na haniisaak kiwa ar gadiyuusi nee gan'amu. Tlehhmuú adoorí gár ni huwi a hhoohhooeesa.

Rumi 7:14

Atén a xuaán hara'aya loohirós a ar baraá qeeru. Ala aníng a heé slaqwa, tina weeriís adór lawaalmoó tlakweema.

Rumi 7:21

Gawaá adoorihe aníng aga tsaáhh hara'ayaarí aníng in sa waawuti'iín asma tidá' hhoo' a slaá' tleehhamooro, ala gár aníng i iihardarah an tidá' tlaakw.

Rumi 7:25

Mungú i xirfuuti. Ba/amusmo u koóm, Yesu Kristo Aakoorén. Ala barnaxes a adoorí, anuú kilá' hara'ayár Mungú an sagadiyuús ar muunaáeé', nee hara'ayár tlakweema an sagadiyuús baraá slaqwte'eene.

Rumi 7:5

Qoomár atén tawa warqawaniiká, ilatleerír tlakweema tidá' taa tleemiís nee hara'aya, ina gadiyús baraá slaqoorén wa ale, tam atén tlehhma'aá gwa'arár huwahuwá' kiri tleehhaán.

Rumi 8:2

Asma hara'ayaadár Qeeruú Mungú, an tidár slafíngw huwahuuw. Hara'ayaarí baraá Kristo Yesuwo aníng iga gwét dír hara'ayaadár tlakweemaawo nee dír gwa'araaro.

Galatia 5:17

Asma slaqwa kángw i ilatleerus a kudá' Qeeru i slaiiká, asma Qeeru nee slaqwa tin tlaampa'aamisiyá', tam kuungá' adoodá' ta sla'a' a aleesleera'aaká tleehhamooro.

Ebrania 12:4

Kuungá' an slaqwá' nee tlakweema, ala tam hamihe heé taa gaás i kaahh baraahunge as slaqwaraarí.

Yakobo 3:2

Asma atén sleémeero a dakumaamisaán baraá muruú yaariire. Heé dakumiisaaká baraá axweesanto, inós a heé ganaá', a heé slaqwtós sleémeero ila/aro ga aleesláw, nee geeraharto.

Yakobo 4:1

Slaqwararí sleémeero nee gilaká' sleémeero baraá tla/angwhunge amór i dahhiya' a amá? A baraá ilatleerirhúng, tidá' baraá slaqoohúng wa slaqwaakáhe?

1 Petro 2:11

Sla'aaruuser'eé', kuungá' a adór múk waaraáhh nee adór dahaaye tawa hota' baraakaá yaamuwo. Ala án kuungá' nu gurbuú', kuungá' ti harmagahhe' nee ilatleeri sleémeero ar slaqwa, asma i sláqw nee qeeru.