Rumi 7:18 - Biblía Axweesantá Hhohho' ar Mungú 2004

¹⁸ Asma aníng aga xuú' gár hhoo' ar baraaeé' wa hoot i káhh, gídaabá baraá slaqwte'eé'. Tidá' hhoo' ngiwa tleehh a slaá', ala tleehhamooro a aleeslawaaká.

Ya/abtór hho' 1977

¹⁸ Asma aníng aga xuú' gídaabá, gár hhoo' ar baraaeé' wa hoot i káhh, gídaabá baraá slaqwte'eé'. Tidá' hhoo' ngiwa tleehh a slaá', ala tleehhamooro a aleeslawaaká.

Rumi 7:18 Iomraidhean Croise

IIMU/UUNGW 6:5

Aako gari ár adór tlakweemaá muu kir úr baraá yaamuwo, nee adór umuúqo inslawoó baraá muner'ín kur tlákw umuú daqto.

IIMU/UUNGW 8:21

AAKOÓ MUNGÚ slaahhareraá tsuuá' giri sláy awa ngwa sla'atisiye'. AAKOÓ MUNGÚ iri baraá muunaáwós i oó', «Yaamu i baloó lu'usaaká alaá adoorihe asma muu, asma inslawoó hee ku tlákw iimír iimu/uungose. Aníng muruú slaáf sleémeero u malé qwaareesaaká baloó alé, ar adoodá' ngira tleéhh.

YOBU 14:4

Heé gár hhoohhoo' ngi baraá gár slasla/aár wa duúx a heemá? I kaahh tumu wák.

YOBU 25:4

Adór hee kur gana'amúwí harafaari nee Mungú? Heé /ameeni aa xwayluúr adór kur xaslxaansli wásl?

WARA'AMI 119:173

Umuú daqto masók taa amohhe'és aníng iwa alee/is, asma hara'ayarók aga tsawaár.

WARA'AMI 119:176

A tonganuús adór bee/ír aa qwat, leeleehháng anuú sagadiyusmoowók, asma hara'ayarók aga gunqaareesiiká.

WARA'AMI 119:32

Hara'ayarók an eehár, asma fuqurangw'eé' ngu dogít.

WARA'AMI 119:40

Hara'ayarók ngiwa oh a ló'wa slaá'. Kuúngudá' gan'amuú koóm slafíngw /abén aníng i haniisang.

WARA'AMI 119:5

Hotaaeé' masók i warqay'aaká diroge, ar adoodá' kaahirók i diri'.

WARA'AMI 51:5

Qaytsiít, iimír aníng tiwa laqwaali a tlakusmo, a tlakusmo iimír baraá guruú aayír'eé' wa ale.

ISAYA 64:6

Atén sleémeero a adór múk taa meetagaás, nee hotaarén awa ganaa'á' a adór tlabaá slasla/aren, atén sleémeero aga /ootsaán adór gitso, nee tlakweemaarén a adór fur'ár atén ti ar tlatlaw.

Matayo 15:19

Asma baraá muunuú heewo gár ti'imiit a inslawoó tlákw, nee tsu/uta, nee fuqi, nee tsaatu'uuma, nee fiiso, nee lamabu'úngw lama, nee /ooslisliingw.

Luka 11:13

Ala kuungaásingá' tlakw muruú hhó' u xuá' kuwa na/iihúng i hanmisa'. Xáy, Baabuúduú gawaá doorí dirií' i ak waaraáhhiíke Qeeruú hhoohhoó' oo Mungú nguwa haniisi dír kudá' ngu firiiriima'a.»

Yohana 3:6

Umuúqo gár taa laqwaál ar slaqwa aqo slaqwa, nee umuúqo gár taa laqwaál ar Qeeru aqo qeeru.

Rumi 13:14

Ala kuungá' Aako Yesu Kristo na oohaak tawa baqamorhúng, nee slám ma kumiitara' ilatleerír slaqoohúng kawa tleemisa'.

Rumi 7:15

Asma aníng gár ni tlehhiit a tsatsahhamaaká. Gár ni slaa' tleehhamooro a tleehhaaká, ala tidá' naa aáhh, an tidá' ni tlehhiit.

Rumi 7:19

Asma tidá' hhoo' ni tleehhamór wa slaa' a tlehhiitaaká, ala tidá' tlaakw ni tleehhamór wa sla'aaká, an tidá' ni tlehhiit.

Rumi 7:25

Mungú i xirfuuti. Ba/amusmo u koóm, Yesu Kristo Aakoorén. Ala barnaxes a adoorí, anuú kilá' hara'ayár Mungú an sagadiyuús ar muunaáeé', nee hara'ayár tlakweema an sagadiyuús baraá slaqwte'eene.

Rumi 7:5

Qoomár atén tawa warqawaniiká, ilatleerír tlakweema tidá' taa tleemiís nee hara'aya, ina gadiyús baraá slaqoorén wa ale, tam atén tlehhma'aá gwa'arár huwahuwá' kiri tleehhaán.

Galatia 5:17

Asma slaqwa kángw i ilatleerus a kudá' Qeeru i slaiiká, asma Qeeru nee slaqwa tin tlaampa'aamisiyá', tam kuungá' adoodá' ta sla'a' a aleesleera'aaká tleehhamooro.

Galatia 5:24

Múk Kristo Yesu slaqooín gaa kikií' dinkwa nee sla'aarír tlakw ar slaqwa nee ilatleeri.

Filipi 2:13

Asma Mungú in baraahúng wa gadiyuus. Inós kuungá' nu alee/iis as sla'aarirós kawa tlehha' nee gadiyér hhoo' kawa tlehha'.

Filipi 3:12

Aníng a kaahaaká amoodá' ta i qwaatlaan aga i hardáh qaroó alé, slám a kaahaaká gan'amu ugwa qaroó sláw. Ala ilakaaharu un tlehhiít niwa kumiit as niwa hardah nee gadaádá' ngiwa oh, tidaádá' Kristo Yesu isa ateét, qoomár iwa óh.

Tito 3:3

Aáng atén sleeme a daktana, slám a múk iawásl. A múk aa qwaar, nee atén a lawaalér ilatleeri nee qwal/uú dimbadimbé. Atén ana hootaán baraá tlakweema nee da/i, muu una buhhtimisaán, nee nguri ahhitaán.

1 Petro 4:2

Gawaá adoorihe qoomár aa meti baraá slafingwhúng oo baraakaá yaamuwo, kuungá' gár tunduwa hariím an hotá' ar sla'aarír Mungú kawa tlehha', ala ma hootara' ar ilatleerír muu kawa eeharahada'.