Rumi 6:6 - Biblía Axweesantá Hhohho' ar Mungú 2004

⁶ A xuaán adór muneerén tidár aáng kara kikií' dinkwa nee Kristo. Gaarí gár isa tleehharút as /uuruuduú tlakweema baraarén i dirií' masók ku hhitín, as atén mawa malé lawaalér tlakweema tleehhitaán.

Ya/abtór hho' 1977

⁶ A xuaán gídaabá muneerén tidár aáng kaa kikií' dinkwa nee Kristo gawaá msalaábár i alé. Gaarí gár isa tleehharút a as /uuruuduú tlakweema oo baraarén i dirií' masók ku hhitín, as atén mawa lawaalér tlakweema tleehhitaán malé ale.

Rumi 6:6 Iomraidhean Croise

2 WAAWITÁ 5:17

Na'amani iri oó', «Gám ala kuúng bar gar'eé' ooharo aga sí', kár ala sagadiyusmoowók hhapér yaamuuká' ar wayshamaá tsár gagaaro i aleeslaya' ti hanis, asma iimír laarí aníng sagadiyusmoowók a kumiitaaká ilahhooár da/a haniisaro laqaá ilahhooár muruú ta tsu/i dír munguaá hatlá', aqo har dír AAKOÓ MUNGÚ kilós.

ISAYA 26:13

Aá AAKOÓ MUNGÚ, Munguúrén, bariisér hatlá' atén tina balít, ala atén kuúng kilók un lamabu'umaán tawa Munguúrén.

Rumi 6:12

Gawaá adoorihe kuungá' ma ya/aamara' tlakweema slaqoohúng kuká' qatlá' ngiwa baaliya', nee ilatleerír slaqwa kawa eeharahada'.

Rumi 6:22

Ala hamí, kuungá' bar tunda gweér baraá lawaali'iimár tlakweemaawo, nee tunduri lawaalér Mungú tleéhh, gár ta sleera' a muruudá' hhoohhooeesár huwahuúw. Nee alhhe'eesaywós a slafíngw alhhe'eesay wásl un sleerá'.

Rumi 7:14

Atén a xuaán hara'aya loohirós a ar baraá qeeru. Ala aníng a heé slaqwa, tina weeriís adór lawaalmoó tlakweema.

Rumi 8:13

Asma kuungá' barnaxes aga eehadé', kuungá' a qatlá'. Ala kuungá' barnaxes tlehhemi'iidá' tlakw awa slaqwa iga tsu/é' ar Qeeruú Mungú, daqaní kuungá' a slafá'.

2 korinto 5:14

Asma sla'aarír Kristo atén tin harakeemís, asma atén aga tsaahhaán adór heé wák ira gwaá' as muu sleémeero, gawaá adoorihe muu sleémeero ina qaátl.

Galatia 2:20

Aníng daxta a slafaaká, ala Kristo in slaaf baraaeé' wa ale. Slafiingwí nir hoot baraaká' yaamuwo a kudá' nir hoot baraá haratlintaaór Garmoó Mungú nguwa haratlintii'. Asma inós aníng ina slaá', slafiingós guri haniís as aníng.

Galatia 5:24

Múk Kristo Yesu slaqooín gaa kikií' dinkwa nee sla'aarír tlakw ar slaqwa nee ilatleeri.

Galatia 6:14

Ala aníng ti baloó xirfayeemiisaaká gawaá umuúqo gaaro, aqo har msalaábár Aakoorén Yesu Kristo. Gawaá msalaábarihe muu sleémeero kwa kikií' dir'eene, nee aníng taa kikií' dír muu sleémeerowo.

Efeso 4:22

Gawaá adoorihe gár kuungá' tunduwa hariím a slafingwhúng kuduú aáng un meerá'. Munerhúng na warqesaak, ta adoodár aange, asma munerhúng aáng i baraá hhitiruumit as ilatleerír al/ayma.

Kolosai 3:5

Gawaá adoorihe kuungá' ilatleerír slaqwa gaasaak, dinkwa nee tlehhmi'iiwós sleémeero, adór tsaatu'uuma nee slasla/aareema, nee ilatleerír tlakw nee inslawoó tlákw, nee da/i. Asma heé da/itá koóm, a heé munguaá hatlá' haratlintatií'.

Tito 3:3

Aáng atén sleeme a daktana, slám a múk iawásl. A múk aa qwaar, nee atén a lawaalér ilatleeri nee qwal/uú dimbadimbé. Atén ana hootaán baraá tlakweema nee da/i, muu una buhhtimisaán, nee nguri ahhitaán.