Rumi 6:4 - Biblía Axweesantá Hhohho' ar Mungú 2004

⁴ Atén tina baatimiís as tiwa haragaasi nee Kristo, nee gwa'araarós kawa dinku'uusaan. Ala ar loohír baatiísmoorene atén tina al foól nee inós, gwa'arár inós ira gwaá' an toorén, as atén tawa hootaán ar slafíngw /abén, adór Kristo kungura waaslee/atís baraá gwa'arár wa ale ar aleesleemuú Mungú nee xirfuuwós.

Ya/abtór hho' 1977

⁴ Atén tina baatimiís as tiwa haragaasi nee Kristo, nee gwa'araarós kawa dinku'uusaan. Ala ar loohír baatiísmoorene atén tina al foól nee inós, gwa'arár inós ira gwaá' an toorén, as atén ta hootaán ar slafíngw /abén, adór Kristo kungura waaslee/atís baraá gwa'arár wa ale ar aleesleemuú Mungú nee xirfuuwós.

Rumi 6:4 Iomraidhean Croise

Yohana 11:40

Yesu iri oó', «Án kiíng iga báwiíke, bara haratlintí', xirfuú Mungú u aán.»

Yohana 2:11

Layaarí Yesu aa tleéhh amór Kanár Galilayár wa ale, a layaarós ar har geera. Xirfuuwós guri geehhooatís, nee eeharuuseerós guri haratlintí'.

Tlehhema'aá ya/Abuuse 2:24

Ala Mungú guri gweér baraá slahha'amaayér gwa'araaro, guri waasle/atís, asma gwa'ara ar /uuruuwose gwa aleesleeriiká ilaa/aro.

Tlehhema'aá ya/Abuuse 2:32

Yésuuwí kuna waasle/atís nee Mungú, nee atén sleémeero a lamabu'uusér waasle/uuwós.

Rumi 6:19

Tí ana oó' ar slaqsoó slafíngw muu, asma kuungá' kawa tsatsahhaanda'aaká. Kuungá' aáng slaqoohúng ina hanisé' kiwa ar gadiyuusi nee slasla/ara nee dee/aanu. Tlehhmuú adoorí dee/aanu nguri huúw baraá slafingwhunge. Ala hám daxta kuungá' slaqoohúng na haniisaak kiwa ar gadiyuusi nee gan'amu. Tlehhmuú adoorí gár ni huwi a hhoohhooeesa.

Rumi 6:3

Kuungá' kaangwí u xuá'aáke adór qoomár atén tiwa baatimiís as tawa dinku'uumisaan nee Kristo, a tina baatimiís as tawa dinku'uumisaan nee gwa'araarós.

Rumi 6:8

Ala atén barnaxes aga qatlaán dinkwa nee Kristo, a haratlintatiaán adór atén tar slafaán sleeme dinkwa nee inós.

Rumi 6:9

Nee slám a xuaán Kristo, alaá waasle/uuwose i malé gwaaiiká, slám inós i malé baloó dahiiká baraá /uuruú gwa'araaro.

Rumi 7:6

Ala hám atén taa gweér baraá hara'ayaaro, asma atén aga qatlaán dír hara'ayaadá' atén taa tsegi. Hám daxta atén Mungú un sagadiyuusaán ar loohír /aben, ar Qeeruú hhoohhoó' oo Mungú, ala ar loohír aangeeká, ar hara'ayaadá' taa gooín kawa eeharaharaan.

Rumi 8:11

Mungú Yesu guna waaslee/atís baraá múk aa qaátl wa ale ar Qeeruuwós. Nee Qeeruuwós bir baraahúng wa hoot, inós slaqoohúng sleeme, kudá' gwa'ara, gi waaslee/atis ar Qeeruudá' baraahúng wa hoót, ar adoodá' Kristo ngura waaslee/atís.

1 Korinto 6:14

Mungú Aako guna waaslee/atís baraá múk aa qaátl wa alé, nee Munguúwí atén sleeme ti waaslee/atis ar /uuruuwós looarka wake.

2 korinto 13:4

Ar ló' inós kuna kikií' ar baraá daqaatlakwe, ala inós i slaaf ar /uuruú Mungú. Adoorí an adór atén tay diriiaan sleeme. Atén ti daqeetlákw adoodár inós wa ale, ala a hootaán dinkwa nee inós ar /uuruú Mungú. Adoorí kuungá' aqo aandá'.

2 korinto 5:17

Gawaá adoorihe, hee bir baraá Kristó i dirii', inós a heé /abén. Tidá' qaren aa waaráhh, ga/aaweek, ar /aben naa hardát.

Efeso 4:17

Gawaá adoorihe án kuungá' nun baw, slám nun gurbu'uúm kángw kilá' wa ale ar baraá umuú Aako, ma kumiitara' tawa hota' adór múk xoordaá hatlá' ar alé. Asma inooín inslaway'ín a tawo,

Efeso 5:8

Asma aáng kuungá' a giwti, ala hamí a gwa/aateema asma kuungá' tawa múk Aako. Hooté' adór múk baraá gwa/aateema kuwa hariím hotaango.

Kolosai 3:10

Munér /aben kari sleeré'. Muneerí /aben baraahunge ka /abeemiis umuú daqto nee Mungú, tleehharusmoowós, ar slaqsoó Mungú. Gawaá adoorihe munerhúng in kumít Mungú nguwa tsaahha hhe'es.

Kolosai 4:1

Kuungá' daqaáre, lawaalerhúng muruú ganaá' ti tlehhite', nee tidá' inooín kiwa hariím. Slám xuaak gídaabá kuungá' sleeme Aako u koondá' gawaá dooriiwo.

1 Petro 3:21

Ma'aydá' a slaqsoó baatiísmo, kudá' kuungá' nu ba/amiimís de'emakaákae. Baatiísmo a slasla/aruú slaqwa gun hingeemiisiiká, ala baatiísmo a hee Mungú gun firiirín as muunuú hhoó' nguwa slay, ar /uuruú waasle/uú Yesu Kristo.

1 Yohana 2:6

Heé káh, «Aníng nee Mungú a dinkwa», gár kuwa hariím, a adoodár Kristo inós sleeme gan ar hoot.