Rumi 6:23 - Biblía Axweesantá Hhohho' ar Mungú 2004

²³ Asma bu'utuú tlakweema a gwa'ara, ala gár Mungú atén tir qay a slafíngw alhhe'eesay wásl baraá Kristo Yesu Aakoorén.

Ya/abtór hho' 1977

²³ Asma slaqwér tlakweema a gwa'ara, ala gár Mungú atén tir qay a slafíngw alhhe'eesay wásl baraá Kristo Yesu Aakoorén.

Rumi 6:23 Iomraidhean Croise

IIMU/UUNGW 2:17

ala mamaá xa'anoó xu'utír muruú hhó' nee oo tlákw, mi /ayaar, asma bál mamaá xa'anoowí bira /ák xueek, a gwá'.»

IIMU/UUNGW 3:19

Ar hamér gadiyér gawide muruú /aymaarók un /ák, ay dír ti ki/ baraá hhape. Asma kuúng tuna tleéhh ar hhape. Kuúng a hhape, nee baraá hhape an i kí/.»

AXWEESANOÓ SAGALOOA 11:19

Heé gan'amu tlehhtuuwo baloó mune siasiaaká in slafaafín, Ala heé baraá tlakweemaá wa kumamiít i gwaa'.

ISAYA 3:11

Ala mukduú tlakuuse a tsaxwaaín ado gi alxir'imít, asma adoodá' naa tleehhiyé' an tidá' gi slaw.

ISAYA 3:9

Gitsee/er'ín baraá aán gár ir lamabu'uun a tlakweemaaín kudá', adór kuqaá Sodoma, slám ki lu/u/unká. Mukwí a tsaxwaaín, asma hhintleemooín ngaa tlakweemár ayé'.

ESEKIELI 18:20

Heé tlakweema gaa tleehh an heé gwaá'. Na/aay tlakweemaá baabuúwós ngu gaasiaaká, laqaá baabá tlakweemaá na/aywós ngu gaasiaaká. Gan'amuú heé ganaá', heé i gaa wa bui aqo har inósuú kilá'. Heé tlaákw aqo inósuú kilá', inós tlakweemaawós gin gagaar.

ESEKIELI 18:4

Xuaak slafiingw sleémeero a kwe'eé', slafíngw xwayliitamó nee slafíngw na/aywo. Heé tlakweema gaa tleehh an heedaádá' gwaá'.

Matayo 25:46

Nee kukaáká' niri tlayá', niri dahamaá ayá' baraá sakwasleemár alhhe'eesay wasl. Ala mukdá' hota ganaá' tan dahamaá áy baraá slafíngw alhhe'eesay wásl.»

Yohana 10:28

Aníng u slafíngw alhhe'eesay wásl i haniís, nee inós i baloó qwaariiká. Slám heé gu gawaá dakw'eé' wa hayóh i kaahh.

Yohana 17:2

adoodá' kuúng Garma kura aleesleemuú i hanís daanduú muu sleémeerowo, asma sleémeero kudá' taa dirós i hanís ngiwa slafíngw alhhe'eesay wásl i haniisi.

Yohana 3:36

Heé Garma gwa haratlintii', slafíngw alhhe'eesay wásl gu kón. Heé Garma gwa haratlintii'iiká slafiingw gu ariiká, aqo har sakwasleemár Mungú gun i dirí' daqisleém.»

Yohana 4:14

Ala umuúqo heewo oo ma'ayká' aníng ni haniis gi wáh, i baloó waxiitiiká. Asma ma'aydá' án ni haniis ni kutltá ma'aá slafiingw tleehhitiyá', niri baraawós wa ti'imiitiyá', slafíngw alhhe'eesay wásl nguri huwiyá'.»

Yohana 4:36

Heé bu'úngw aa'áw bu'utu gu sláy, balaangw guri burumbuur. Bu'uungwí an mukdá' slafíngw alhhe'eesay wásl gu sláw. Gawaá adoorihe heé aa dahaasin nee oo aa bu'un ta al qwalalaa/.

Yohana 5:24

«Án a kah, heé axweesante'eé' ga axamiís, nee kudaádá' aníng iga ya/aaw guri haratlintii', slafíngw alhhe'eesay wásl gu kón, slám i dahiiká baraá sakwasleema. Ala ina waaraáhh ar baraá gwa'ara, iri hardáh baraá slafiingw.

Yohana 6:27

Muruú /aymaadá' hhitiruút mu sagadiyuusara', ala kudá' hotaatiím oo slafíngw alhhe'eesay wásl ngu huúw na sagadiyuusaak. Muruú /aymaarí Garmoó Hee ngu kuungá' i haniis. Asma Mungú Baabá inós gwa ya/án, guri aleesleemuuwós i haniís.»

Yohana 6:40

Asma Baabuúeé' gár i slai a tí, ‹Umuúqo heewo oo Garma gwa i qaytsiit, nee guri haratlintií', masók slafíngw alhhe'eesay wásl gu kón. Nee aníng nguri waaslee/atís bál deelór alhhe'eesaywo.› »

Yohana 6:68

Simon Petro Yesu guri báy, «Aáko, amór ta kawaan a amór heemá? Asma kuúng axweesantá slafíngw alhhe'eesay wásl a koón.

Rumi 1:32

Mukwí sakwasleemár ganaa' ar Mungú ga ló'wa xuu', adór heé muruuwí gu tlehhahhiít, gár kus hariím tar gwa'ara. Ala tam adoorihe inooín muruuwí ku tlehhiit. Nee gár ak tlaakw a tí, inooín mukdá' muruuwí gu tlehhiít ku aleeya/aa/án sleeme.

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

Rumi 5:12

Gawaá adoorihe tlakweema nina baraá yaamií dahiyé' ar loohír heé wák, nee tlakweemaadá' gwa'ara ngiri huwiyé'. Aluuwo gwa'ara iri hardát ay dír muu sleémeero, asma muu sleémeero tlakweema gaa tleéhh.

Rumi 5:17

Asma gwa'ara pa/aangw guna sleér oo ir waawuti'ii'iin as heedaádá' wák, asma inós ina huú' baraá tlakweemaá i alé. Gawaá adoorihe mukdá' gurtleemuú Mungú gwa slay, in ak slaaf nee iwa waawuti'ii'in ar loohír kudá' wák Yesu Kristo. Asma inooín kaa gan'amuú i harafaár as gurtleemuudá' ló'wa úr oo Mungú.

Rumi 5:21

Gawaá adoorihe, adoodá' tlakweema nira baaliné' ar loohír gwa'ara, adoorí an adór gurtleemuú Mungú ir baalin ar loohír gan'amu, slafíngw alhhe'eesay wásl nguri huuw ar loohír Yesu Kristo, Aakoorén.

Rumi 6:16

Kuungá' kaangwí u xuá'aáke? Kuungá' bir taa kiloohúng hanisé' amór aakooko as kuwa sagadiyusa', nee kuwa iialooeemisa', kuungá' daqaní a lawaalér heedaádá' ta iialooeemisa'. Kuungá' bar lawaalér tlakweema, lawaali'iimarí gár i hup a gwa'ara, ala bar lawaalér iialooeemis, lawaali'iimarí gár i hup a gan'amu.

Rumi 6:21

Qoomaadaádae gár taa sleeré' a milá? Gár taa sleeré' a muruuwí hám ta sa murumitá'aáke. Ala alhhe'eesoó muruuwí a gwa'ara.

Rumi 8:13

Asma kuungá' barnaxes aga eehadé', kuungá' a qatlá'. Ala kuungá' barnaxes tlehhemi'iidá' tlakw awa slaqwa iga tsu/é' ar Qeeruú Mungú, daqaní kuungá' a slafá'.

Rumi 8:38

Asma aníng a ló'wa xuú' gár aníng paraatlaro i aleeslaw dír sla'aarír Munguhe i káhh. Gwa'ara i aleesleeraaká paraatlaro, laqaá slafiingw, laqaá malayke, nee tam kudá' aleesleemuú koomá' baraá yaamaá qeeruuwo i aleeslay'aaká paraatlaro, nee tam muruudá' dáw, laqaá tam muruudá' sangw hardáh, laqaá tam kudá' /uuruú koomá',

Rumi 8:39

laqaá muruuduú gáwtí dirií', laqaá kuduú baraá guruú yaamu, laqaá umuúqo gár taa tleehhi i aleesleeraaká paraatlaro dír sla'aarír Munguhe, tidár baraá Kristo Yesu Aakoorén.

Rumi 8:6

Asma muruudá' hee i slai baraá heeuumarose, gár ni huwi a gwa'ara. Ala muruudá' Qeeru i slai, gár ni huwi a slafiingw nee wayda.

Galatia 3:10

Ala kudá' sleémeero tlehhma'aá hara'aya ngaa i tlintii'iye' kaa lu'ús. Asma Gooi i kat, «Heé tidá' sleémeero taa gooín baraá kitaábuú hara'ayár Mosewo ga alqaytsimitaaká nee ga iialooeemisaaká ku lu'usi.»

Tito 1:2

nee sleeme as harahhifór slafíngw alhhe'eesay wásl kawa slay, kudá' Mungú aa qaroó geerií al'axweés iimír iimu/uungo, Mungú lama ga ooiiká.

Yakobo 1:15

Aluuwo ilatleerirós bira tsít, iri laqwál tlakweema. Nee tlakweemaadá' binda kwa/iyé', gwa'ara ngiri laqwaaliyá'.

1 Yohana 2:25

Al'axweesantá inós naa dirén i oó' a tí, slafíngw alhhe'eesay wásl kuwa slawaan.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»