Rumi 6:21 - Biblía Axweesantá Hhohho' ar Mungú 2004

²¹ Qoomaadaádae gár taa sleeré' a milá? Gár taa sleeré' a muruuwí hám ta sa murumitá'aáke. Ala alhhe'eesoó muruuwí a gwa'ara.

Ya/abtór hho' 1977

²¹ Qoomaadaádae gár taa sleeré' a milá? Gár taa sleeré' a muruuwí hám ta sa murumitá'aáke. Ala alhhe'eesoó muruuwí a gwa'ara.

Rumi 6:21 Iomraidhean Croise

1 WAAWITÁ 2:26

Slám waawutmo kaahamusmo Abiatari guri báy, «Tláw Anatoti baraá qamuuwók, asma kuúng gwa'ara ugwa sahariín, ala laarí u gaasaaká, asma sandakmoó Aakoó MUNGÚ una loohís geeraá Daudi baabuúeé' wa ale, nee slám kuúng nee baabuúeé' tunduna alslahh'eemiís.»

ESRA 9:6

Niri oó', «Aá Munguúeé', án aga amooqwaár, a muruumiít gitse/aaeé' ngiwa amoorók i tlees, Munguúeé', asma tlakweemaarén ki yaariir nay hardihiyé' gawaá sageerén, tlakweemaarén nina dooginé' nay hardihiyé' gawaá doori.

YOBU 33:27

Heewí iri dír geeraá múk wa daa', iri ooi, ‹Aníng tlakweema ina tleéhh gan'amu nguri sií'. Ala aníng tlehhmuuwihe taa doohhisiiká.

YOBU 40:4

«Aníng a daktantá tawo, gár u baw a milá? Aníng afkwe'eé' ugwa tseék, a sangw gaa ooaaká.

YOBU 42:6

Gawaá adoorihe aníng taa kilooeé' aáhh. Aníng aga ya/a/aám, da/ara nee teeriro i gawaaéní qaás.»

WARA'AMI 73:17

Ay bál niwa dáh dír hhoohhoo' ar Mungú, aníng alhhe'eesay'ín nguri tsaáhh.

AXWEESANOÓ SAGALOOA 1:31

As adoorí mamaá gadiyérhúng i /agá', gur'erhúng iri tlaanduumít as al/aymarhúng.

AXWEESANOÓ SAGALOOA 14:12

Loohirka hee birngi ga/áy kwaáo' i qoón, Ala laatí aluuwo a loohír gwa'ara.

AXWEESANOÓ SAGALOOA 16:25

Loohirka bar hee ngi ga/áy kwaáo' i qoón, Ala laatí aluuwo a loohír gwa'ara.

ISAYA 3:10

Múk hota ganaá' ádbawaak adór inooín tar tsiní, asma inooín mamaá tlehhmi'ii'ín ngi /ayiyá'.

YEREMIA 12:13

Muk'eé' angaáno nguna dahaasiyé', ala gár naa buiyé' a slaamboqáy. Inooín ilakaaharu nguna mak tleehhiyé', ala aqo tawo. Asma buhhtaeé' kudá' xaraasla'a bu'úngw taa sláy a mure.»

YEREMIA 17:10

Anuú AAKOÓ MUNGÚ inslawoó muu un tsee/ariím, nee munér muu an iiaraa'ár, as kahhó' umuúqo heewo nguwa buu' ar adoodá' ir hotaatin, nee adoodá' tlehhmi'iiwós i dirii'iya'.»

YEREMIA 3:3

Gawaá adoorihe baafáy i taxatiiká, tam tluwoó saxi i tluwiiká. Tam adoorihe ilaahúng ki gawden adór kuqaá tsaatuso'o, mure tam ar niiná i káhh.

YEREMIA 31:19

Asma alaá atén tawa dee/aanuutaán ana hhu'uu'umaán, alaá tiwa intsaahhatís ana gurhamuutaán, tari mureekesuutaán tari amoqwaaraán, mureekesoó iimír masoombi'iimarén tin alkomkaakón.›

YEREMIA 8:12

Kuungá' tunda mureekeési qoomár muruudá' ta waki kuwa tlehhité'. Aasla'áy, kaa mureekesiiká, tam mureekesoó niiná ngwaa slay'iiká. Gawaá adoorihe inooín i huuiyá' baraá tla/ángw mukdá' aa huuhu'un. Qoomár bira sakwasleemút ta hhán. Anuú AAKOÓ MUNGÚ tí ngina oó'.»

ESEKIELI 43:11

Bar mure ngaa ariyé' gawaá daanduú tidá' inooín naa tleehhiyé', daqaní ki ádbeér adoodá' Doó Mungú kura tleéhh, afér dahama nee ar ti'inaango, nee adoodá' kura tleéhh, nee adoodá' umuú gaaro kara qoomeés, dabeerós nee kaahirose. Tí sleémeero ka gooiín as kahhó' inooín dabeerós nee kaahirós sleémeero ngiwa eehariya' nee ngiwa iialooeesiya'.

DANIELI 12:2

Múk yaariír kudá' aáng aa qaro qaatl, nin waaslee/, bahh'alé slafíngw alhhe'eesay wásl ngu slayá', nee bahh'alé mure nee waqaaqa' ngin slayá' ay alhhe'eesay wasle.

Rumi 1:32

Mukwí sakwasleemár ganaa' ar Mungú ga ló'wa xuu', adór heé muruuwí gu tlehhahhiít, gár kus hariím tar gwa'ara. Ala tam adoorihe inooín muruuwí ku tlehhiit. Nee gár ak tlaakw a tí, inooín mukdá' muruuwí gu tlehhiít ku aleeya/aa/án sleeme.

Rumi 5:12

Gawaá adoorihe tlakweema nina baraá yaamií dahiyé' ar loohír heé wák, nee tlakweemaadá' gwa'ara ngiri huwiyé'. Aluuwo gwa'ara iri hardát ay dír muu sleémeero, asma muu sleémeero tlakweema gaa tleéhh.

Rumi 6:16

Kuungá' kaangwí u xuá'aáke? Kuungá' bir taa kiloohúng hanisé' amór aakooko as kuwa sagadiyusa', nee kuwa iialooeemisa', kuungá' daqaní a lawaalér heedaádá' ta iialooeemisa'. Kuungá' bar lawaalér tlakweema, lawaali'iimarí gár i hup a gwa'ara, ala bar lawaalér iialooeemis, lawaali'iimarí gár i hup a gan'amu.

Rumi 6:23

Asma bu'utuú tlakweema a gwa'ara, ala gár Mungú atén tir qay a slafíngw alhhe'eesay wásl baraá Kristo Yesu Aakoorén.

Rumi 7:5

Qoomár atén tawa warqawaniiká, ilatleerír tlakweema tidá' taa tleemiís nee hara'aya, ina gadiyús baraá slaqoorén wa ale, tam atén tlehhma'aá gwa'arár huwahuwá' kiri tleehhaán.

Rumi 8:13

Asma kuungá' barnaxes aga eehadé', kuungá' a qatlá'. Ala kuungá' barnaxes tlehhemi'iidá' tlakw awa slaqwa iga tsu/é' ar Qeeruú Mungú, daqaní kuungá' a slafá'.

Rumi 8:6

Asma muruudá' hee i slai baraá heeuumarose, gár ni huwi a gwa'ara. Ala muruudá' Qeeru i slai, gár ni huwi a slafiingw nee wayda.

2 korinto 4:2

Atén tlehhemi'iidá' sleémeero awa getlakw nee awa murér koomá' iga mawaán. Al/ayma a tlehhiitanaaká, nee slám axweesantá Mungú a warqeemisanaaká. Ala atén tin kiloorén xu'utisaán dír umuúqo heewo, ar looeema kiwa alki/iitaan ar geehhooeema dír geeraá Munguhe.

2 korinto 7:11

Ga/aawaagáy, gurhaamirí Mungú aa slaá' adór Mungú ngira ar gadiyuús dirhunge. Asma gurhaamirí gár naa húp dirhunge a ilakaaharuú úr, nee tiwa ló'wa aleekal/aanda', nee slám muruú tlákw kuwa i buhhabuhha' nee kuwa da'ayuumita'. Nee slám kuungá' ana ló'wa slaé' aníng niwa hardah. Kuungá' ilakaaharu una ló'wa tlehhé', tam tlakweema ina sakwasleemuté'. Gawaá adoorihe baraá umuúqo gaaro kuungá' tin laqaandá' adór gár hhoo' kara tlehhé' baraá kaangwihe.

DABE 17:6

Tam adoorihe, heesíng bur gasá' aqo ay dír kway lamaabu'un nee múk tsár laqaá tám. Ala mu gaasara' barnaxes lamabu'usmo a wak kilós.

DABE 21:22

«Barnaxes hee dakuúsár gwa'arár wa hariim gaa tleéhh, kuri gaás, tuuaarós ka tarereei gawaá xa'ano.

Filipi 3:19

Inooín i loohír i dirii'iyá', tidár baraá qwanoó kaw. Munguúín a gura'. Muruú tir xirfayeemisi a kuduú murér koóm. Muruú ta inslaslay oo baraaká' yaamu kilós.

Ebrania 10:29

Ala heé Garmoó Mungú gwa kalaa/ a adoomá? Sakwasleemarós ka ak ureéke? Asma inós tseerér alqadór Mungú gaa waaqaá', tidá' inós gwa hhoohhooes, nee Qeeruú Mungú guri malé /oosliislín, kudá' tsuuqa gi hanmaamiís.

Ebrania 6:8

Ala yaamuudá' gár naa laqwaliyé' bar laqaya' nee fuquráy, gár i buiya' i káhh. Yaamaá adoorí kaa nak/aás lu'usaro nee Mungú. Alhhe'eesaywo ki daa/ ar asla.

Yakobo 1:15

Aluuwo ilatleerirós bira tsít, iri laqwál tlakweema. Nee tlakweemaadá' binda kwa/iyé', gwa'ara ngiri laqwaaliyá'.

Yakobo 5:20

kuungá' xuaak heé heeduú tlakusmo ngwa ki/is, nee niri kií/ baraá loohír qwanáy wa ale, inós qeeruú tlakusmoodá' gwa ba/amís baraá gwa'arár wa ale, slám tlakweemaá yaariir awa heedaádá' kaa gurtláy as inós.

1 Petro 4:17

Asma qooma naa xeér ar sakwasleema iwa iimu/uun dír múk Mungú wa ale. Ala barnaxes sakwasleema in iimu/uún dirén wa ale, ala alhhe'eesaywós a adoomá dír mukdaádá' Ya/abtór hho' ar Mungú gaa si'i?

1 Yohana 2:28

Kuungá' laqwalór ninakw, baraawós wa hootaak, as qoomár Kristo birna hardáh, burkwa geehhooeés, atén mitiwa mureekeés dír geeraawós wa ale.

Geehhoeemaá 16:6

Asma inooín tseerér mukdá' hhohhó' oo Mungú, nee ar aaruuse kana ku'uús, nee hám kuúng inooín iga tseerér i hanís kawa wahi. Nee adoorí a adór hariim dir'ine.»

Geehhoeemaá 20:14

Gwa'ara nee gi'iiwo kiri kwaáhh baraá tlawtadá' asla iwa ohahiin. Tlawtí asla iwa ohahiin an gwa'arár tsár.