Rumi 6:19 - Biblía Axweesantá Hhohho' ar Mungú 2004

¹⁹ Tí ana oó' ar slaqsoó slafíngw muu, asma kuungá' kawa tsatsahhaanda'aaká. Kuungá' aáng slaqoohúng ina hanisé' kiwa ar gadiyuusi nee slasla/ara nee dee/aanu. Tlehhmuú adoorí dee/aanu nguri huúw baraá slafingwhunge. Ala hám daxta kuungá' slaqoohúng na haniisaak kiwa ar gadiyuusi nee gan'amu. Tlehhmuú adoorí gár ni huwi a hhoohhooeesa.

Ya/abtór hho' 1977

¹⁹ Tí ana oó' ar slaqsoó slafíngw muu, asma kuungá' kawa tsatsahhaanda'aaká. Kuungá' aáng slaqoohúng ina hanisé' kiwa ar gadiyuusi nee slasla/aaru'uuma nee dee/aanu. Tlehhemuú adoorí dee/aanu nguri huúw baraá slafingwhunge. Ala hám daxta kuungá' slaqoohúng na haniisaak kiwa ar gadiyuusi nee gan'amu. Tlehhemuú adoorí gár ni huwi a hhoohhooeesa.

Rumi 6:19 Iomraidhean Croise

TLAHHOÓ LAÁWI 13:40

«Barnaxes paynuú hhawaata aa tu/uút, inós ku hhoohhoó' asma gaa a paynú ina tu/uút.

Matayo 4:23

Yesu ina hi'iimiít baraá yaamaá Galilaya sleémeero, iri baraá maraá saalíngw wa intsaahhatimís, nee Ya/abtór hho' ar waawuti'iimár Mungú gari alki/iít. Múk tiqtuuse guri hungu/uumiís nee kudá' slaqo tlakwen sleémeero.

Rumi 15:1

Ateéká' /uuruú koomá' baraá haratlintaaooro, gár tiwa hariím a mukdá' tununuú/ baraá haratlintaaooro un alee/iimisaán. Ala atén mitiwa kilootén sla'atimisaán.

Rumi 3:5

Ala bar tlakweemaarén gan'amuú Mungú ngun geehhooeemisiyá', atén gár ta ooaan a milá? An ooána Mungú gár ganaa'aaká gaa tleéhh, as sakwasleemarós ngiwa daandeemooréní huúw? (Gaarí ana axweés ar adoodá' muu ir axweemaamisi.)

Rumi 6:13

Nee slám kuungá' slaqoohúng mi hanmiisara' as kiwa ar gadiyuusi nee tlakweema, tawa adór xooslár tlehhma'aá ganaa'a'aaká. Ala kuungá' ti kiloohúng hanise' dír gadiyér Mungú i alé, as kuungá' Mungú kuwa sagadiyusa' ar slaqoohúng, slaqoohúng tawa adór xooslár tlehhma'aá ganaa'á'.

Rumi 7:23

Ala baraá slaqwte'eene gár naa ár a hara'ayár hatlá'. Hara'ayaarí i sláqw nee hara'ayaadá' baraá muunaáeénií dirii'. Asma hara'ayár tlakweema i baraá slaqwte'eé' wa gadiyús, aníng iri tsék.

Rumi 8:26

Qeeru sleeme atén tin alee/iimiis, asma atén gár ta aleeslawaan i káhh. Asma atén gár ta firimaan a xuanaaká ar atén wa hariim firooro, ala Qeeru inósuú kilá' atén ti aleefiriirín dír Munguhe ar /ifór uren, tidá' ooaro ta aleeslayká.

1 Korinto 5:6

Daara/angwhúng kwisíng i harinká. Kuungá' a xuá'aáke, «Gadaádá' mikaáte kar sluuftimaamisi tam ka niiná, xwaanteedár mikaáte sleémeero aqo gan sluuftís.»

1 Korinto 6:11

Baraá tla/angwhunge bahh'alé aáng a múk adór kwí. Ala kuungá' tunda hamaátl, tunda hhoohhooeés, tunda gan'amí harafaár ar umuú Aakoorén Yesu Kristo nee ar /uuruú Qeeruú Munguúrén.

1 Korinto 9:8

Aníng axweesanaywí ngu kaáha ar heeuuma? Ahaá, hara'aya sleeme adoorí ga kátke?

Galatia 3:15

Hháe, án slaqsoó wák ngun oó' oo baraá slafingwrén oo umuúqo daqisleém. Múk tsár bira al'axweés, heé al'axweesantadá' ga sií' laqaá ga warqeés i kaahh.

Ebrania 12:15

Ga/aawaak, hee tsuuqaá Mungú mingiwa sií'. Nee magoót miwa deerút baraá tla/angwhunge, nee nuri hhitiín. Asma magór adoorí ga aleesleér múk yaariír nguwa qárkwií qas.

Ebrania 4:15

Asma atén kaahamusmoó úr oo Mungú oo ta koomaan, atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.