Rumi 6:17 - Biblía Axweesantá Hhohho' ar Mungú 2004

¹⁷ Ala Mungú ku xirfayeesi. Asma kuungá' aáng a lawaalér tlakweema. Ala hamí intsaahhasadá' taa ilaoté', aga ló'wa iialooesé' ar mune sleémeero.

Ya/abtór hho' 1977

¹⁷ Ala Mungú ku xirfayeesi. Asma kuungá' aáng a lawaalér tlakweema. Ala hamí intsaahhasadá' taa ilaoté', aga iialooesé' ló'wa ale ar mune sleémeero.

Rumi 6:17 Iomraidhean Croise

ESRA 7:27

Esra iri oó', «AAKOÓ MUNGÚ, Munguú baabi'iirén i xirfuuti, kudá' inslawaywí gwaa qaas baraá muunuú waawutmo ar doó AAKOÓ MUNGÚ nguwa parootuusi kuduú baraá Yerusalemu.

WARA'AMI 18:44

Kangw'eé' kuwa axaás tari iialooeés, dahaaye nari amor'eéní hardát iri i tumbarara'atiyé'.

Tlehhema'aá ya/Abuuse 11:18

Axweesantí kawa axaás tari xasliít, Mungú kuri xirfeés, tari oó', «Laatí Mungú tam múk xoordaá hatlá' sleeme gwa pa/ángw i haniís oo hhu'u'uungw, as slafiingw nguwa slaya'.»

Tlehhema'aá ya/Abuuse 28:15

Amoodae hhae kangwrén nguna axaasiyé', atén tiri al'ayé' dirka mura' kuwa weerimaamisi ar ta bay Apio, nee dirka ta bay «Maraá tám awa /ayma.» Paulo hhae ngiwa ár, Mungú guri sluufiís, iri gurkwaá/.

Rumi 1:5

Mungú aníng ina tsuuqaá i haniís niwa ya/abusmo tleehhiit as Kristo. Adoorí gana tleéhh ar loohír Kristo, as aníng xoordu sleémeero ngiwa geerahaar amoorós, as nguwa haratlintii'iya', nee nguwa iialooeemisiya'.

Rumi 1:8

Gár har geera a Munguúeé' un sluufmiís ar baraá Yesu Kristo as kuungá' sleémeero. Asma umuúqo diiro baraá yaamu sleémeerowo haratlintaaorhúng ka alki/iit.

Rumi 15:18

Ala aníng gár ooaro ni qiitl i káhh daanduú gár hatlae, ala aqo har tidá' Kristo aa tleéhh kilós, ar loohír aníng, as múk xoordaá hatlá' nguwa amór Mungú i huwi, as inooín Mungú kuwa iialooeemisi. Gadiyeérí aníng ana tleéhh ar axweesani nee ar tlehhmi'i,

Rumi 16:26

Ala hamí lu/aaráydá' kwaa geehhooeés ar baraá gooír aaruuse. Nee lu/aaráydá' kwaa alki/iít dír múk xoordu sleémeero ar hara'ayaadár Munguúduú alhhe'eesay wásl, as múk xoordu sleémeero masók Ya/abtoodá' hho' ga iialooees kawa haratlintii'i.

Rumi 2:8

Ala awa hatlá' a múk qahuuse nee kudá' looeema ngaa si'iye' as muruú tlákw nguwa eeharahariya', Mungú buhhtaawós nee xarasleemaawós ga ku'uus gawaá múk adoorí.

1 Korinto 1:4

Aníng Mungú un sluufmiís as kuungá' umuúqo daqto. Un sluufmiís as tsuuqaadaá Mungú kuungá' taa sleeré' ar baraá Kristo Yesu.

1 Korinto 14:6

Ala daxta, hhaee'eé', aníng barnaxes naa amorhúng i hardáh, niri axweés ar tsifrír xuawasl, gár kuungá' ta sleera' dir'eene a milá? Gár kuungá' ta sleera' i káhh, aníng barnaxes naa dirhúngií axweesiika ar geehhooeemaá, laqaá axweesantá xu'uti, laqaá aari, laqaá intsaahhatimis.

2 korinto 2:14

Ala Mungú i xirfuuti, asma inós atén tin geeraharahaar arba/ati kawa slaslawaan deelo sleémeero baraá Kristowo. Nee inós atén tin ar gadiyuus as kangós kuwa tsiyaayaaxi umuúqo diiro, adór mooyángw tsuú' wa ale.

Efeso 1:16

Gawaá adoorihe án Mungú un sluufmiís umú deelooro as kuungá' baraá firor'eene.

1 Tesalonike 3:9

ilahhooár bu'uút oo ta Mungú i haniisaan as kuungá', dír kway leehhaan a xuanaaká, nee as qwal/uudá' yaariír oo ta koomaan dír geeraá Munguhe as kuungá'.

2 Tesalonike 1:3

Hháe, atén gár tiwa hariím a Mungú un sluufmiisaán umuúqo deelooro as kuungá'. A gár hariím adoorí atén kawa tleehhaan, asma haratlintaaorhúng i ló'wa doogigiín, nee slám a ló'wa uraareerá' baraá sla'aarír kuungá' tiwa kiloohúng sla'aasla'a'a.

2 Timoteo 1:13

Intsaahhatimisuuduú ló', kudá' taa dir'eén wa axás ilaooheek, ku adoodár intsaahhatimís. Baraá slafiingoge hoót ar Yesu Kristo kuwa haratlintati' nee kuwa sla'.

Filemoni 1:4

Deelo sleémeero án Mungú un sluufmiís as kuúng, nee un inslasláw baraá firor'eene,

Ebrania 11:8

Abrahamu sleeme a heé haratlintaaór koóm. Inós kuwa ateét, ateetamór Mungú gari iiárií qaás, iri tláy dír yaamuuwós wa ale, iri hardáh ay dír yaamuudá' Mungú aa al'axweés dirós i alé ngiwa aali. Slám iri tláy yaamuuwós wa ale, ala amór i kay ga xuiiká.

Ebrania 5:9

Gawaá adoorihe inós kuri bu'uutiís nee Mungú. Bu'uutisaro kuwa hhe'eés, inós tari heé ba/amár alhhe'eesay wásl ngaa huuw dír mukdá' sleémeero inós ngu iialooemisa'a.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

1 Petro 3:1

Kuungá' tlaáwaay sleeme, iialooemisé' dír hhawaateehunge, asma tam hhawaateehúng kudá' axweesantá Mungú ngaa haratlinti'ii'iiká, ngi haratlinti'iye' as tlehhemi'iihúng, tam kaa ádbaykahe.

1 Petro 4:17

Asma qooma naa xeér ar sakwasleema iwa iimu/uun dír múk Mungú wa ale. Ala barnaxes sakwasleema in iimu/uún dirén wa ale, ala alhhe'eesaywós a adoomá dír mukdaádá' Ya/abtór hho' ar Mungú gaa si'i?

2 Yohana 1:4

Ana qwalaá/ ló'wa ale asma na/iiwók bahh'ale i baraá looeemaá i dirii'iyá', adoodá' Baabá tira hara'ayín.

3 Yohana 1:3

Aníng ana ló'wa qwalaá/, asma hhaeekaari niwa hardihiyé', kangók nguri lamabu'uné' dirén adór kuúng looeema kira ót, nee adoodá' kuúng tar hot baraá looeemá wa ale.