Rumi 6:14 - Biblía Axweesantá Hhohho' ar Mungú 2004

¹⁴ Asma kuungá' tlakweema nu aleeslay'aaká nuwa sa waawuti'ina'. Asma kuungá' dír tay dir'a' a baraá waawuti'iimár hara'ayarooká, ala kuungá' a baraá waawuti'iimár gurtleemu.

Ya/abtór hho' 1977

¹⁴ Asma kuungá' tlakweema nu aleeslay'aaká nuwa sa waawuti'ina'. Asma kuungá' dír tay dir'a' a baraá waawuti'iimár hara'ayarooká, ala kuungá' a baraá waawuti'iimár gurtleemu.

Rumi 6:14 Iomraidhean Croise

TLAHHOÓ LAÁWI 25:41

Kurkusinge gár tuwa hariím un geemeér as iwa ki/i amór mukós nee amór aalír bariiseerós, geemaweek dinkwa nee múk do'ose.

MIKA 7:19

Kuúng atén tin malé gurtleér, dakuúsarén kari yaamií kalá/, kuúng tlakweemaarén sleémeero in kwáhh baraá iltá tlawi.

Matayo 1:21

Inós na/oó garma gu xwayluúr, nee umuuwós kway beer Yesu, asma inós mukós gu ba/amis baraá tlakweemaaine.»

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 1:17

Asma hara'aya kana haniís ar dákw Mose, ala gurtleemu nee looeema nina hardihiyé' ar dákw Yesu Kristo.

Yohana 8:36

Gawaá adoorihe Garma burna gweér baraá lawaali'iimaro, tunda kángw kilá' wa gweér.

Rumi 11:6

Mungú inooín gina tsawaár as gurtleemu, ala a as tlehhma'aá inooín naa tleehhiiti'iiká. Asma geera bar gina tsawaár as tlehhmi'i, geera gurtleemuuwós a tawo.

Rumi 4:16

Gawaá adoorihe muruudá' Mungú aa axweés dír Abrahamú i aleeró, sleemuuwós gár i ga/ay a haratlintaao. Gawaá adoorihe hee bir haratlintaaór kón, Mungú muruuwí guqo tawó haniis. Al'axweesantí a dír xwaylár Abrahamu sleémeerowo. Ala a dír kudá' kilooineeká awa hara'ayár Mose koomá', ala tam dír kudá' haratlintaaór Abrahamú koomá' sleeme. Asma inós dír atén sleémeerowo a baabá,

Rumi 5:17

Asma gwa'ara pa/aangw guna sleér oo ir waawuti'ii'iin as heedaádá' wák, asma inós ina huú' baraá tlakweemaá i alé. Gawaá adoorihe mukdá' gurtleemuú Mungú gwa slay, in ak slaaf nee iwa waawuti'ii'in ar loohír kudá' wák Yesu Kristo. Asma inooín kaa gan'amuú i harafaár as gurtleemuudá' ló'wa úr oo Mungú.

Rumi 5:18

Gawaá adoorihe tlakweemaá heé wák sakwasleema ngina huwiyé' dír muu sleémeerowo. Adoorí an adór tlehhmuú gan'amuú koóm oo heé wák sleeme, gár naa huúw a muu kuwa gan'amuú i harafaari nee slafiingw kuwa slay.

Rumi 6:12

Gawaá adoorihe kuungá' ma ya/aamara' tlakweema slaqoohúng kuká' qatlá' ngiwa baaliya', nee ilatleerír slaqwa kawa eeharahada'.

Rumi 6:15

Adoorí gídaabárós a milá? A tlakweema in tleehhána as adoodá' atén tawa baraá waawuti'iimár hara'ayarooká, ala tawa baraá waawuti'iimár gurtleemu? Aasla'áy, adoosingeeká.

Rumi 8:12

Gawaá adoorihe, hhaee'eé', heeuumarén ar tlakweema gár atén tiwa iinus i káhh, nee atén gár kawa eeharaharaan i káhh baraá slafingwrene.

Rumi 8:2

Asma hara'ayaadár Qeeruú Mungú, an tidár slafíngw huwahuuw. Hara'ayaarí baraá Kristo Yesuwo aníng iga gwét dír hara'ayaadár tlakweemaawo nee dír gwa'araaro.

Galatia 3:23

Qoomár haratlintaao niwa hardatiká, atén a baraá tseegamór hara'ayár i diriiaán, ay dír haratlintaaoodá' hardah i geehhoouur.

Galatia 4:21

Kuungaásingá' awa hara'ayár sla'á' nuwa sa waawuti'ii'iin, án kuungá' nu yaahaás, kuungá' hara'aya gár i kat aga axasí'i?

Galatia 5:18

Ala kuungá' Qeeru burnu geeraharahaar, daqaní kuungá' hara'aya nu sa waawuti'ii'iindaaká.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

Ebrania 8:10

Aako i malé kaahi. Hám daxta, alqadoorí an tidá' ni tleehh nee múk Israeli alaá deeloodá' sleémeerowo iwa kaahi. Aníng hara'ayar'eé' an qaás baraá inslaway'ín, nee ngiri gooiím baraá muner'ín. Slám aníng tari Munguúín nee inooín tari muk'eé'.