Rumi 6:10 - Biblía Axweesantá Hhohho' ar Mungú 2004

¹⁰ Asma inós iwa gwaá', a ina sagaáwa wák wa gwaá' as daanduú tlakweema. Nee slafingwdá' hamí ir slafi, in slaaf as Mungú.

Ya/abtór hho' 1977

¹⁰ Asma inós iwa gwaá', a gídaabá ina gwaá' sagaáwa wák wa ale as daanduú tlakweema. Nee slafingwdá' hamí ir slafi, an in slaaf as Mungú wa ale.

Rumi 6:10 Iomraidhean Croise

Luka 20:38

Nee inós a Munguú tu'uwooká, ala a Munguú múk slaáf, asma sleémeero ta slaaf dirose.»

Rumi 6:11

Gawaá adoorihe kuungá' sleeme masók tin harafaditá' tawa múk aa qaatl dír tlakweemaawo, nee tawa múk slaáf dír Munguhe baraá Kristo Yesuwo.

Rumi 6:9

Nee slám a xuaán Kristo, alaá waasle/uuwose i malé gwaaiiká, slám inós i malé baloó dahiiká baraá /uuruú gwa'araaro.

Rumi 8:3

Asma muruudá' hara'aya i aleesleeraaká tlehhmuuwo, muruudá' Mungú guna tleéhh. Asma hara'aya i /uuruú koondaaká, as adoodá' slaqoorén iwa tlakweemaá slaiya' tlehhmuuwo. Ala Mungú Garmaawós oo kilá' nguna ya/aáw. Inós slaqwa gari sláy ar slaqás nee tidár múk tlakweemaá koóm. Gawaá adoorihe Mungú tlakweema giri sakwasleemuút baraá slaqoorén awa tlakweemaá koomá'.

2 korinto 5:15

Nee slám inós ina gwaá' as daanduú muu sleémeero, as mukdá' slaáf matawa kumiít hotaango as inooín kilooín, ala ta hooti as kudaádá' aa gwaa' nee iri waasleé/ as inooín.

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

1 Petro 3:18

Tam Kristo sleeme ina gwaá' as tlakweema. Ina gwaá' sagaáwa wák wa ale as tlakweema sleémeero. Inósuudá' gan'amuú koóm kuna slahh'eemiís as mukdá' gan'amuú koomaaká, as inós atén tiwa huwi amór Mungú. Slaqwtós kana gaás, ala kuri waaslee/atís ar Qeeru.

1 Petro 4:6

Asma gaarí an gár Ya/abtór hho' kasa alki/iít tam dír múk aa qatli, as kahhó' inooín tawa slafi baraá qeeruuwo, ar adoodá' Mungú ir slafi, ala tam inooín sakwasleemár slaqwa nga slay'i ar adoodá' muu kuwa hariím.