Rumi 5:15 - Biblía Axweesantá Hhohho' ar Mungú 2004

¹⁵ Ala tlakweemaadá' Adam aa tleéhh nee gurtleemuudá' Mungú naa haniís a ló'wa dimbadimbé. Asma tam heewí wák, ta bay Adam, gwa'ara ngaa huwi ar tlakweemaawós dír múk yaariír i alé, ala heewí wák, ta bay Yesu Kristo, gurtleemuú yaariír oo Mungú nguna ak ló'wa huúw dír múk yaariír i alé ar loohír tsuuqaá Mungú.

Ya/abtór hho' 1977

¹⁵ Ala tlakweemaadá' Adamu aa tleéhh nee gurtleemuudá' Mungú naa haniís a dimbadimbé ló'wa ale. Asma tam heewí wák, Adamu, inós tam gwa'ara ngaa huwi ar tlakweemaawós dír múk yaariír i alé, ala heewí wák, Yesu Kristo, gurtleemuú yaariír oo Mungú nguna ak ló'wa huúw dír múk yaariír i alé ar loohír tsuuqaá Mungú.

Rumi 5:15 Iomraidhean Croise

ISAYA 53:11

Ala sagadiyusmooeé' mamaá slahh'amuú hhiintluuwós gi ar, iri hhe'ees. Ar fuqurángw sagadiyusmooeé' kudá' ganaá' múk yaariír kun gan'amú i harafaar, nee inós tlakweemaaín gin gagaar.

DANIELI 12:2

Múk yaariír kudá' aáng aa qaro qaatl, nin waaslee/, bahh'alé slafíngw alhhe'eesay wásl ngu slayá', nee bahh'alé mure nee waqaaqa' ngin slayá' ay alhhe'eesay wasle.

Matayo 20:28

Asma tam Garmoó Hee sleeme naa hardihiiká as kuwa sagadiyuusi, ala nina hardáh as muu nguwa sagadiyuusi nee slafiingós nguwa duuxi as tawa bu'utuú múk yaariír ngur tu/i.»

Matayo 26:28

Asma gaarí a tseerer'eé' ar alqado, ar ku'uut as múk yaariír as hingeemisuú tlakweema.

Yohana 3:16

Asma Mungú múk baraaká' yaamu guna ló'wa slaá', tam Garmaawós oo kilós nguri haniís, as umuúqo heewo oo inós gwa haratlintii', miwa qwaár, ala masók slafíngw alhhe'eesay wásl gun sláy.

Yohana 4:10

Yesu gari báy, «Kiíng geera bar gurtleemuú Mungú ugwa xú', slám geera heewí kiíng i babáw, ‹Ma'aá wahaango qawáng,› bura xú', geera alók inós ugwa firiín, inós geera ma'aá slafíngw koomá' ngi haniis.»

Tlehhema'aá ya/Abuuse 15:11

Ala gár ta haratlintatiaan a tí, atén a ba/amán ar gurtleemuú Yesu Kristo, adoodá' inooín sleeme tara ba/án.»

Rumi 5:12

Gawaá adoorihe tlakweema nina baraá yaamií dahiyé' ar loohír heé wák, nee tlakweemaadá' gwa'ara ngiri huwiyé'. Aluuwo gwa'ara iri hardát ay dír muu sleémeero, asma muu sleémeero tlakweema gaa tleéhh.

Rumi 6:23

Asma bu'utuú tlakweema a gwa'ara, ala gár Mungú atén tir qay a slafíngw alhhe'eesay wásl baraá Kristo Yesu Aakoorén.

2 korinto 5:14

Asma sla'aarír Kristo atén tin harakeemís, asma atén aga tsaahhaán adór heé wák ira gwaá' as muu sleémeero, gawaá adoorihe muu sleémeero ina qaátl.

2 korinto 9:15

Masók Mungú un sluufmiisaán as tsuuqaawós kuká' ló'wa ur tam alki/it ngu ya/aama'aaká.

Efeso 2:8

Gár tundusa ba/amís a gurtleemuú Mungú ar loohír haratlintaao. A gadiyérhungeeká, ala a gár Mungú naa tawó haniís.

Ebrania 2:9

Ala heé taa araán a Yesu. Inós qoomarka niinawe kuna qaás tawa heé niiná dír malaykeero, as kahhó' ar gurtleemuú Munguhe inós gwa'ara ngiwa tsaqi as daanduú umuúqo hee. Ala hamí kwaa slamángw xirif nee oo ilaiwa/ameérí dahaás, as slahh'amuuduú gwa'ara aa sláy.

1 Yohana 2:2

Inós an kudá' taa haniís as atén tiwa haraki/isi nee Mungú as tlakweemaarén, ala as tlakweemaarén kilooineeká, nee tlakweemaá muu sleémeero.

1 Yohana 5:11

Lamabu'uungw an kwí, Mungú slafíngw alhhe'eesay wásl nguna haniís. Slafiingwí naa haniís i baraá Garmaawós i dirii'.