Rumi 5:14 - Biblía Axweesantá Hhohho' ar Mungú 2004

¹⁴ Ala iimír Adam wa tleemu ay qoomár Mose tlakweema naa baaliné' daanduú muu sleémeerowo, tam daanduú kudá' naa dakuusi'iikahe adoodár Adam wa alé, hara'ayár wák ngiwa máy eeharto. Adam a slaqsoó kudá' aluú wa hardáh.

Ya/abtór hho' 1977

¹⁴ Ala iimír qoomár Adamu ay qoomár Musa tlakweema naa baaliné' daanduú muu sleémeeroowo, tam daanduú kudá' naa dakuusi'iikahe adoodár Adamu ira dakuús, hara'ayár wák ngiwa máy eeharto. Adamu inós a slaqsoó kudá' hardáh aluú wa ale.

Rumi 5:14 Iomraidhean Croise

IIMU/UUNGW 19:25

AAKOÓ MUNGÚ gixsaduudá' giri qwaareés ar asla, nee xatsooine, nee kudá' sleémeero baraá gixsaduudá' hootá', nee tidá' sleémeero naa harma/ baraá yaamudae.

IIMU/UUNGW 4:8

Kaini hhiyaawós Abeli guri báy, «Góh, a baraá qaymór kawaán.» Tawa baraá qaymór i hardáh, Kaini Abeli guri hara/akuút, guri gaás.

IIMU/UUNGW 7:22

Umuúqo gár hiinsluú slafíngw kooma, ar duungár hiinsla ina gwá'.

TI'INAANGW 1:22

Aluuwo Farao mukós sleémeero guri ádbáy iwa kaahi, «Umuúqo na/oó garma oo tindi laqwaali nee /ameenír múk Ebrania /aytisaak baraá yaaér Nili, ala bar a na/oó dasi mu /aytisaara'.»

TI'INAANGW 1:6

Aluuwo Yosefu iri gwaá', nee hhaeewós sleémeero niri qatliyé', nee qartidá' sleémeero iri qátl.

HOSEA 6:7

Ala inooín alqado ngaa mayé', adoodá' naa tleehhiyé' amór yaamuudá' ta bay Adam wa alé, slám inooín naa iia wasleesiyé' dir'eene.

YONA 4:11

Xáy, aníng a hariímaáke gixsár Ninewi ngiwa gurtlaw, gixsadá' ur? Baraawose múk yaariír i deer oo kume tsiiruú wák nee mibeeri tsár gaa baa/ oo dákw doó /iyáy nee oo basáy ngu tsatsahhama'aaká. Nee malé alé makaá ló'wa yaariir awa ta de'en i dayá'.»

Rumi 5:12

Gawaá adoorihe tlakweema nina baraá yaamií dahiyé' ar loohír heé wák, nee tlakweemaadá' gwa'ara ngiri huwiyé'. Aluuwo gwa'ara iri hardát ay dír muu sleémeero, asma muu sleémeero tlakweema gaa tleéhh.

Rumi 5:17

Asma gwa'ara pa/aangw guna sleér oo ir waawuti'ii'iin as heedaádá' wák, asma inós ina huú' baraá tlakweemaá i alé. Gawaá adoorihe mukdá' gurtleemuú Mungú gwa slay, in ak slaaf nee iwa waawuti'ii'in ar loohír kudá' wák Yesu Kristo. Asma inooín kaa gan'amuú i harafaár as gurtleemuudá' ló'wa úr oo Mungú.

Rumi 5:21

Gawaá adoorihe, adoodá' tlakweema nira baaliné' ar loohír gwa'ara, adoorí an adór gurtleemuú Mungú ir baalin ar loohír gan'amu, slafíngw alhhe'eesay wásl nguri huuw ar loohír Yesu Kristo, Aakoorén.

Rumi 8:20

Asma mura' sleémeero sleeme kuna baraá hhitiru'uumár i qaás. Ala a ooanaaká inooín kana slaá'. Ala a Mungú adoorí gana slaá'. Ala tam adoorihe haraxu'uti i deer.

Rumi 8:22

Asma atén a xuaán adór tam ay laarí mura' sleémeero kudá' taa tleéhh ir /ifi baraá slahha'amaayér wa ale adór /ameenír asltá xwayla gaa da/.

1 Korinto 15:22

Asma adoodár muu sleémeero ir qatlatlin baraá Adamuwo, adoorí an adoodá' muu sleémeero kur waaslee/atisi baraá Kristowo.

1 Korinto 15:45

Adoorí an adoodá' Gooi i kat sleeme, «Heeduú geera, Adam, inós kuna slaqwtá slaáf i haniís.» Ala Adamuduú alhhe'eesaay inós aa Qeeru tleehhiít, kudá' slafíngw hanmiís.

Ebrania 9:27

Muu gár kuwa hariím a in qaatl sagaáwa wák wa ale, nee alaá gwa'araaro tari sakwasleema.