Rumi 5:11 - Biblía Axweesantá Hhohho' ar Mungú 2004

¹¹ Ala a har adoorí kiloseká, ala atén Mungú un sa qwalaala/aán sleeme baraá Aakoorén Yesu Kristowo, kudá' atén taa dír Mungú haraki/is.

Ya/abtór hho' 1977

¹¹ Ala a har adoorí kiloseká, ala atén Mungú un sa qwalala/aán sleeme baraá Aakoorén Yesu Kristo, kudá' atén taa haraki/is dír Mungú i alé.

Rumi 5:11 Iomraidhean Croise

WARA'AMI 104:34

Munguúeé' ku qwal/asi nee inslaway'eé'. Asma qwal/amaayer'eé' sleémeero amór i dahh a amór AAKOÓ MUNGÚ.

WARA'AMI 149:2

Israeli tleehharusmooín ngu saqwalaala/iye', na/aá Siyoni Waawutmooín ngu sa baraa/iye'.

WARA'AMI 32:11

AAKOÓ MUNGÚ sa qwalaala/aak, i baraa/aak, kuungaásingaá hota ganaa'á'. Ururu'umisé' ar qwala/ kungaásingaá sleémeero mune gan'ayen.

WARA'AMI 43:4

Daqaní an tláw amór Mungú, ay dír ilahhooa kawa hanmaamisi. Asma Mungú a qwal/uueé' nee bar/uueé'. Án u xirfayeemiís ar daa'ángw gidaandoori, kuúng AAKOÓ MUNGÚ, Munguúeé'.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

Luka 1:46

Maria iri ó', «Muunaáeé' adór Aako kur úr gaa tsaáhh,

Yohana 1:12

Ala kudá' sleémeero ngwa ilaoohiye', gina aleesleemuú i haniís, tawa na/aá Mungú tleehhiti. Inooín an kudá' inós ngwa haratlintii'iye'.

Rumi 11:15

Asma inooín qoomár kiwa sií', muu sleémeero kuna haraki/ís dír Mungú i alé. Ala qoomár inooín birka ya/án nee Mungú, adoorí gár ni hup a milá? Gár ni hup a slafiíngoóke dír mukdá' aa qatli?

Rumi 2:17

Xáy kuúng a adoomá? Kuúng a daara/aán asma tawa heé Yahudi. Kuúng gár ta i tliintí' a hara'ayár Mose. Nee slám kuúng an daara/aán tawa kat, «Aníng a heé Mungú.»

Rumi 5:1

Gawaá adoorihe atén taa hhe'eés gan'amií harafaarooro ar loohír haratlintaao. Atén a wayduú koomaán dír Munguhe ar baraá Aakoorén Yesu Kristo.

Rumi 5:10

Qoomár atén tawa wakuuse dír Munguhe atén tiri dirósí haraki/ís ar tseerér Garmaawós. Gawaá adoorihe atén haraxu'uti a ló'wa koomaán, asma hám daxta alaá haraki/isarene atén ti ba/amis ar slafiingós.

Rumi 5:3

Ala a har adoorí kiloseeká, ala an qwalaala/aán tam baraá slahh'amaayeero sleeme. Asma a xuaán slahh'amaaye gár ni huwahup a qiqtliingw.

Rumi 8:23

Ala a muruudá' taa tleéhh kiloseeká. Ala tam atén sleeme a /ifaán baraá muneerene, ateéká' Qeeru ugwa slawaan. Qeeru inós an mamaá geera awa Mungú amoorene. Atén sleeme an ló'wa haraxuaán qoomaadá' Mungú atén tiwa na/iiwós awa kilá' tleehhi, nee slaqoorén kiwa gweeri baraá lawaali'iimaro.

Rumi 9:10

Ala a tí kiloseeká. Rebeka na/ii gina dír hhawaatuú wák wa xwayluúr, inós an Isaka, baabuúrén

1 Korinto 10:16

Xooslmooduú tsuuqa, kudá' atén ta tsuuqumaan bur ar wahaamaán, gár i huwahuwi a dinku'uumár tseerér Kristowookáhe? Mukatmoodá' ta qasmiisaan bur /ayaán, gár i huwahuwi a dinku'uumár slaqwtá Kristowookáhe?

2 korinto 8:19

Ala a har tí kiloseeká, ala inós kuna tsawaár nee kríshaanáy sleémeero as nee atén tawa al'aa'aá kawaan, qoomár bar alee/isaywí oo sla'aari bur huwaán, alee/isaywí atén ta sagadiyuusaan. Adoorí kana tleéhh as Aako iwa xirfuuti, nee as sla'aarirén niwa geehhoouur adór alee/iimis kur sla'aán.

Galatia 4:9

Ala hám daxta kuungá' Mungú ugwa xué', laqaá an oo', hám daxta kuungá' Mungú naa xuú'. Kuungá' adór tara ki/é' a adoomá baraá /uuruú muruudá' liitlakwén nee oo /uuruú koomaaká? Asma gár kuungá' ta sla'a' a lawaali'iimár muruudá'.

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

Filipi 3:1

Alhhe'eesaywo gár án ni oo', hhaee'eé', qwalaala/é' baraá Aakoó wa ale, aníng a slaaqaataaká gooiro tidá' naa qaroó dirhúng i gooiím, asma i qoón dirhunge ngiwa inkii/.

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

Filipi 4:4

Qwalaala/é' daqisleém baraá Aakoó wa ale, slám nun malé baw, qwalaala/é'.

Kolosai 2:6

Kuungá' Kristo una ilaoté' tawa Aako. Nee ala daxta hooté' baraá slafingwhunge, tawa aldinku'uumisa' nee inós.

1 Petro 1:8

Kuungá' inós u sla'á' tam ugwa aandi'iikahe. Slám inós u haratlintaatiá' tam hamí u ara'aanda'aakahe. Kuungá' u sageeqwalaala/á' ar qwal/uú xirfuú koóm, kudá' alki/ituuwo ta aleesleera'aaká,

1 SAMUELI 2:1

Hana iri firiín, iri ó', «Muunaáeé' i qwalalaa/ dír AAKOÓ MUNGUHE, AAKOÓ MUNGÚ un xirfayeemiís kuduú /uuruueé', aníng wakuuser'eé' ngari waaqaseém. Asma ba/amar'eé' ngiwa saqwalalaa/.