Rumi 4:18 - Biblía Axweesantá Hhohho' ar Mungú 2004

¹⁸ Qoomár haraxu'uti iwa kahh, inós ina haratlintií' ar haraxu'uti adór inós ir baabuú xoordaá yaariir tleehhiiti, adoodá' kura ádbáy tawa kaahi, «Adoorí an adór xwaylarók ir tlahh.»

Ya/abtór hho' 1977

¹⁸ Qoomár haraxu'uti iwa kahh, inós ina haratlintií' ar haraxu'uti gídaabá, inós i baabuú xoordaá yaariir tleehhiit, adoodá' kura ádbáy gídaabá, “Adoorí an adór xwaylarók ir yaaruur.”

Rumi 4:18 Iomraidhean Croise

AXWEESANOÓ SAGALOOA 13:12

Gár taa harahhíf bira tlík i slahh'eemís. Ala gár ta sla' bara sleér a adór xa'aanoó slafiingw.

ESEKIELI 37:11

Aluuwo AAKOÓ MUNGÚ iri báy, «Heewí, faduusingá' a múk Israeli sleémeero. Inooín ta kaahi, ‹Faduurén naa kahiyé', harahhifoorén aa fák, atén aga hhaamaán.›

Luka 1:18

Sakaria malaykamo guri báy, «Kangwsíng án adór ngur tsaahh? Asma án a aako, nee harer'eé' a aamár aa qaroó diin.»

Tlehhema'aá ya/Abuuse 27:25

Gawaá adoorihe, hhawaáte, gur'e gawdesaak, asma án Mungú ugwa haratlintií' adoodá' tinda dir'eé' oó' adór ir tleehharút.

Rumi 4:17

adoodá' kara gooín, tawa kaahi, «Án kuúng ugwa qaás tawa baabuú xoordaá yaariir.» Gawaá adoorihe inós an baabuú xoordaá yaariir dír geeraá Munguhe, Munguúdá' inós aa haratlintií'. Munguúwí an kudá' múk aa qaatl gu slafíngw i hanimiís, slám an kudá' mura' sleémeero oo kaáhh gu ateetiím tawa adór muruú dáw.

Rumi 4:19

Abrahamu kureeriiwós tsiiruú wake naa nakaa/iyé'. Inós slaqwtós gari alqaytsiít naxés gwa'araaro aa nakaá/. Nee slám xwaylár Sara aa tsatít. Ala tam adoorihe Abrahamu aa mune si'iiká baraá haratlintaaoorose.

Rumi 5:5

Nee haraxu'uti atén ti dae tlaqká. Asma sla'aarír Mungú kinga qaroó ku'uús baraá muneerén i aleeró nee Qeeruú hhoohhoó' oo Mungú, kudá' tinda aténií haniís.

Rumi 8:24

Asma atén ana ba/amán ar baraá haraxu'uti. Ala gadá' taa haraxuaán barnaxes aga araán adór kara boo/eés, gadá' daqaní a haraxu'utirooká. Asma hee gadaádá' i ga/ay adór ngir haraxui?

Ebrania 6:19

Harahhifoorí a toorén. Haraxu'utirí muneerén gaa ló'wa ót as miwa qwát. Adoodá' miringamo kur baraá ma'áy ila/aa/an ar tlaa/a, as mukuwa tliw/ín nee gwaanduú ma'aay. Harahhifoorén tí alhhe'eesaywós dír kway tseék a gawaá doori, dír ira waaráhh a dír baquú baraá doó Mungú i dirií'.