Rumi 4:14 - Biblía Axweesantá Hhohho' ar Mungú 2004

¹⁴ Asma mukdá' hara'ayár eeharahár, bar inooín a aaluuse, daqaní haratlintaao gaarós i káhh, nee al'axweesantá Mungú kaa hingeés.

Ya/abtór hho' 1977

¹⁴ Asma mukdá' hara'ayár eeharahaár, bar inooín a aaluuse, daqaní haratlintaao gídaabárós i káhh, nee al'axweesantá Mungú kaa hingeés.

Rumi 4:14 Iomraidhean Croise

WARA'AMI 119:126

AAKOÓ MUNGÚ, daxta a qoomár gaa kawa tlehh, asma muu dabeerók gaa giqaqáy.

ISAYA 55:11

An adoodá' axweesantá aa baraá afkueé' wa ti'it, asma iwa tawo ki/ká amor'eé' ale. Ala aqo tidá' ni slaa' gan boo/és, aqo tidá' kasa ya/aáw gan tléhh.

YEREMIA 19:7

Diirihe aníng múk Yuda nee oo Yerusalemu muruuín kudá' ta qoomeemesi un hhitiím. Aníng wakuuser'ín a baalírí haniís, nee inooín kiri tsuu/ baraá slaqwaraaro. Aníng tu'uuín in máw as tawa muruú /aymár tsir/o nee makaá sla/a.

FAARO 30:12

Ala hhawaatuuwós bar kangós kwí ngwa axaás guri warqeés, laqaá guri sií', daqaní tam geera inós al'axweesantós ngi boo/eesár wa sla'a, laqaá gadaádá' aa al'axweesantá wa tsék, daxta ga boo/eská asma hhawaatuuwós gaa warqeés, nee AAKOÓ MUNGÚ inósadá' gan gurtlay.

FAARO 30:15

Ala bar kaangwí gwaa axaás alaá deelór niinawe guri sií' nee guri warqeés, naagáy daqaní dakuúsadár hareerós i gawaá daanduuwós.»

Rumi 3:31

Gawaá adoorihe atén hara'aya an warqeemisaána ar haratlintaaoorí? Aasla'áy. A warqeemisaanaaká ala an gawdeemisaán.

Rumi 4:16

Gawaá adoorihe muruudá' Mungú aa axweés dír Abrahamú i aleeró, sleemuuwós gár i ga/ay a haratlintaao. Gawaá adoorihe hee bir haratlintaaór kón, Mungú muruuwí guqo tawó haniis. Al'axweesantí a dír xwaylár Abrahamu sleémeerowo. Ala a dír kudá' kilooineeká awa hara'ayár Mose koomá', ala tam dír kudá' haratlintaaór Abrahamú koomá' sleeme. Asma inós dír atén sleémeerowo a baabá,

1 Korinto 1:13

Ahaá, Kristo tina qasmiísi? Ahaá, Paulo kuna kikií'i as kuungá'? Laqaá kuungá' tunduna baatimiísi ar umuú Paulo?

Galatia 2:21

Aníng gurtleemuú Mungú u siaasiiaaká. Ala barnaxes hee ku gan'amií harafadiit as hara'aya ngiwa óh, daqaní Kristo ina tawo gwaá'.

Galatia 5:4

Kuungá' bar gan'amuú leelehhitá' ar hara'aya kawa eeharahada', kuungá' taa qaroó partlé' dír Kristowo, nee aga quutlé' dír gurtleemuú Munguhe.

Filipi 3:9

nee niwa haragwaa' dirós i alé. Daxta aníng hotaá ganaa'á' awa naa sláw as hara'aya ngiwa boo/eés, i kahhiyá'. Hotaá ganaa'á' awa ni xuu' a kudá' kilós hee i slay as Yesu Kristo nguwa haratlintií', an kudá' amór Mungú dahhá', as haratlintaao.

Ebrania 7:19

Asma hara'ayaadár Mose gár aa aleesleér boo/eesaro i káhh. Ala daanduú hara'ayaadae harahhifór ak hhoo' kingina haniís. Ar loohír harahhifoorihe a aleeslawaán Mungú kuwa i hardahaan.

Ebrania 7:28

Asma hara'ayár Mose muu gun qamiín, tawa kaahamuusér uren, inooín tam a múk tlakweemaá kooma'a. Ala al'axweesantadá' taa oó' ar lo'o, slám kana oó' alaá hara'ayár Mose wa aleeró, al'axweesantí Garma guna kaahamusmoó wa qás, kudá' taa bu'uutiís ay alhhe'eesay wasle.