Rumi 4:13 - Biblía Axweesantá Hhohho' ar Mungú 2004

¹³ Mungú al'axweesani gana oó' dír Abrahamu nee xwaylarós yaamu kiwa aali. Al'axweesantí kaa haniisiiká asma Abrahamu hara'aya ngiwa eehár, ala kana haniís as adoodá' inós kuwa gan'amuú i harafaár nee Mungú as haratlintaao.

Ya/abtór hho' 1977

¹³ Mungú al'axweesani gana haniís dír Abrahamu nee xwaylarós gídaabá inooín a aaluusér yaamu. Al'axweesantí kaa haniisiiká asma Abrahamu hara'aya ngiwa eehaár, ala kana haniís as adoodá' inós kuwa gan'amuú i harafaár nee Mungú as haratlintaao.

Rumi 4:13 Iomraidhean Croise

IIMU/UUNGW 12:3

Oo kuúng u tsuúq, án u tsuúq, Oo kuúng u lu'umís, án un lu'ús. Nee baraá kuunge xoordu sleémeero kin tsuuq.»

IIMU/UUNGW 17:16

Aníng inós a tsuúq, nee inós kuúng uri na/oó garma i xwayluúr. Án a tsuúq, inós tari aayór xoordu, nee waawituú tlahh'aá muu dirós ngin daahh.»

IIMU/UUNGW 28:14

Xwaylarók ka yaariir adór teerír yaamu, nee xwaylarók tsee/a gin tsát, kuúng an tsiiyayaaxát ay /uwa, da/aáw, /iya nee basa. Múk yaamu sleémeero ku tsuuq as kuúng nee na/iiwók.

IIMU/UUNGW 49:10

Yúda, hhartá waawuti'iima i baloó qutlaaká diroge, nee xwaylarók deelo sleémeero in waawuti'iín, ay dír heé waawuti'iima loó' nay hardihi, kudá' xoordu ni ilaiwawa/iya'.

WARA'AMI 2:8

Án firiimáng, daqaní aníng xoordu ngi kuúngí haniís. Nee yaamu sleémeero ngi kuúngí haniís tawa daqaari'iimaarók.

WARA'AMI 72:11

Kár ee, waawitá sleémeero ngu ilaiwaa/iye', nee xoordu sleémeero ngu sagadiyuusiye'.

Tlehhema'aá ya/Abuuse 13:32

Nee atén hamí a diirí diriiaán as Ya/abtoorí hho' ngiwa dirhúngí alki/iitaan tidá' Mungú a al'axweés dír baabi'iirén.

Rumi 4:12

Slám inós a malé baabuú mukdá' taa al/utlín. Ala a as al/utlo kiloseeká, asma inooín baraá slafingw'ine haratlintaaoodár Abrahamu ngaa eehariyé', tidá' Abrahamu i kon iimír inós kuwa al/utliiká.

Rumi 9:8

Gídaabárós a tí, tlahhoó hee, hee gu na/oó Mungú tleehhiiká. Ala na/iidá' taa laqwalín as al'axweesantá Mungú, kudá' an na/aá Abrahamu.

Galatia 3:29

Ala kuungá' bar múk Kristo, kuungá' a xwaylár Abrahamu sleeme. Gawaá adoorihe aalidá' ar Mungú a toohúng asma al'axweesantadá'.

Ebrania 11:7

Noa a heé haratlintaaór koóm. Inós kuna gurbuú' nee Mungú daanduú muruú hardáh oo geetlaákw qoomaadae. Adoodá' Mungú aa oó' gari ilaiwawaá/, miringamo guri tleéhh as múk do'ós nguwa ba/amisi. Múk aa haratlintii'iiká kuna sakwasleemuút as haratlintaaoorós. Inós gan'amu guri sláy as haratlintaaoorós.

Ebrania 7:6

Melkisedeki a heé baraá tlahhaydá' dahhaaká. Ala tam adoorihe inós ilahhooa gana óh dír Abrahamú wa ale, gár wák baraá umuúqo muruú mibaango. Slám inós Abrahamu guri tsuúq, kudá' al'axweesantá Mungú gaa slay.