Rumi 3:4 - Biblía Axweesantá Hhohho' ar Mungú 2004

⁴ Aasla'áy, a adoosingeeká. Mungú inós a inkihhimusmo, umuúqo heewo tam lamusmoowo. Asma kaa gooín, «Kuúng bar axwés, axweesanaywók masók ku tsaahh, adór tar axweesanoó ganaá', nee kuúng tawa baaliin baraá kwasleemaro.»

Ya/abtór hho' 1977

⁴ Aasla'áy, adoosingeeká. Ala gár ta warqeesiiká a tí gídaabá, Mungú inós a inkihhimusmo, umuúqo hee baraá yaamuuwo tam lamusmoowo. Asma kaa gooín gídaabá, “Kuúng bar axwés, axweesanaywók masók ku tsaahhi gídaabá, a axweesanoó ganaa', nee kuúng tawa baaliin baraá kwasleemaro.”

Rumi 3:4 Iomraidhean Croise

YOBU 36:3

Aníng xu'utir'eé' ngina amór saáwá sláw, nee aníng adór Tleehharusmooeé' ir ganaai ngin geehhooeesár wa slaá'.

YOBU 40:8

Kuúng kwasleemar'eé' gaasaro aqo asleéra? Áx dír aníng niwa dakuús ngi qoo sleéra nee ar kuúng tawa gana'?

WARA'AMI 100:5

Asma AAKOÓ MUNGÚ ku hhoó', sla'aarirós ar warqawaaká ka alhhe'eesay wasl, nee inkihhimuwós oo umuú qari.

WARA'AMI 116:11

Aníng ana ilawaáts ar dae, «Gár hee nguwa harahhiif i káhh.»

WARA'AMI 119:160

Iihhafiirír axweesantók a looeema, tidá' hhoo' kuúng ta kat alhhe'eesaywós i kaahh.

WARA'AMI 138:2

Aníng kuúng u i tumbarara'aát tiwa qoomees ar afiqoomár Do'ók, kudá' hhoohhoó', án kuúng u sluufmiís as sla'aarirók ar warqawaaká nee inkihhimuuwoge, asma kuúng umuuwók nee axweesantók iga gár afhhamít tléhh ta mura' sleémeero.

WARA'AMI 51:4

Án kuúng una tlakweemáy tleéhh, kuúngú kilá', nee muruú slasl/arén una tleéhh dír geeraá ilaawoge, gawaá adoorihe kuúng tu tsaahhi adór tar dakuúsár koondaaká bar axwés, nee kwasleema bar tléhh i hariín.

WARA'AMI 62:9

Muu a adór hiinsluú tawo, tam múk ta ilaiwawa/i a tawo sleeme. Iilooeemaaín bira alqoomés i hakwaaiyá', sleémeero dinkwaaro ki islahh ta hiinsluwo.

MIKA 7:20

Kuúng inkihhimuuwók kuri dír xwaylár Yakobówí laqaán, sla'aarirók ar warqawaaká kari dír xwaylár Abrahámúwí laqaán, adoodá' iimír aange kara dír xwayliiteéréní al'axwés.

Matayo 11:19

Garmoó Hee nina hardáh i /ayín nee i wahán, tari oó', ‹Kwí a hheehhusmo, nee xuufiitusmo, mulqumoó ohomuusér koódi nee múk tlakuuse.› Ala sagalooár Mungú adór tar ló' kingina laqán nee tlehhemi'iiwós.»

Luka 20:16

In hardah, doosluuseedá' gari tsuu/, nee qaymoodá' gari múk hatlá' i haniis.» Kaangwí kuwa axaás tari oó', «Aasla'áy, kangwsíng miwa tleehharuút.»

Yohana 3:33

Heé lamabu'uungós gwa ya/an, duguno gwa qaás adór Mungú tar looeema.

Rumi 11:1

Gawaá adoorihe aníng an yaahaás, «Mungú mukós gwa sí'i?» Aasla'áy. Gwa si'iiká. Asma tam anuú kilá' a heé Israeli, oo xwaylár Abrahamu, oo tlahhoó Benyamini.

Rumi 11:11

Gawaá adoorihe aníng an yaahaás, xáy inooín tana dukuútsi as tawa huui? Aasla'áy, a adoosingeeká. Ala múk Israeli iwa huú', ba/ama niri hardát dír múk xoordaá hatlá'. Adoorí ina tleehharút as kahhó' múk Israeli gur'e nguwa ohiin.

Rumi 3:31

Gawaá adoorihe atén hara'aya an warqeemisaána ar haratlintaaoorí? Aasla'áy. A warqeemisaanaaká ala an gawdeemisaán.

Rumi 6:15

Adoorí gídaabárós a milá? A tlakweema in tleehhána as adoodá' atén tawa baraá waawuti'iimár hara'ayarooká, ala tawa baraá waawuti'iimár gurtleemu? Aasla'áy, adoosingeeká.

Rumi 6:2

Aasla'áy a adoosingeeká. Ateéká' aga qatlaan dír tlakweemaawo, ala adór atén tar malé baraá tlakweemaá wa hootaan a adoomá?

Rumi 7:13

Ala hara'ayaarí hhoo' gwa'ara ngina húbi dir'eene? Aasla'áy a hara'ayaarooká, a tlakweema gwa'ara ngina huwiyé'. Ala tlakweema hara'ayaadá' hhoo' ngina ar gadiyusiyé', as aníng iwa gaasiya'. Gawaá adoorihe hara'aya tlakweema ngina laqaán adór tar gár ló'wa tlaakw.

Rumi 7:7

Ala atén gár taa ooaan a milá? Hara'aya a tlakweemaáwo? Aasla'áy a tlakweemaawooká. Ala án geeraawo tlakweema tsaahharo i aleeslawaaká hara'aya bir káhh. Án geeraawo ilatleeri a tsaahhaaká bar hara'aya iga beeriká, «Ma ilatleeruusaar.»

Rumi 9:14

Ala gár ta ooaan a milá gawaá daanduú tihe? Ar Mungú i tlehhiiti a tidá' gan'amuú koomaakáhe? Aasla'áy, a adoosingeeká.

1 Korinto 6:15

Kuungá' a xua'akáhe adór slaqoohúng tar diqoó slaqwtá Kristo? Ala aníng diqoó Kristo unqo taataáhha nguri diqoó tsaatuso'o tleéhh? Aasla'áy, adoorí i ya/aandaaká.

2 korinto 1:18

Ala aníng a adoosingeeká. Ala Mungú bar a Munguú ló', axweesanayrén sleeme dirhunge bar «Eeít» a «Eeít», bar «Aasla'áy» a «Aasla'áy».

Galatia 2:17

Atén awa kilá' Kristo una haratlintiaán as tiwa gan'amií harafaari. Ala bar aga araán adór atén tara dakuusaán, nee adór atén tar ba/amanaaká bar hara'aya aga eeharaniiká, daxta an ooána atén Kristo tina qwaareés? Aasla'áy, a adooriheeká.

Galatia 2:21

Aníng gurtleemuú Mungú u siaasiiaaká. Ala barnaxes hee ku gan'amií harafadiit as hara'aya ngiwa óh, daqaní Kristo ina tawo gwaá'.

Galatia 6:14

Ala aníng ti baloó xirfayeemiisaaká gawaá umuúqo gaaro, aqo har msalaábár Aakoorén Yesu Kristo. Gawaá msalaábarihe muu sleémeero kwa kikií' dir'eene, nee aníng taa kikií' dír muu sleémeerowo.

DABE 32:4

Inós a tlaa/a, gadiyeérós gár kawa /aár i káhh lohduuwós sleémeero i ganaaiyá'. Inós a Munguú inkihhím nee ku dakuús wásl, inós ku hhoó' nee i ganaa'.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

Tito 1:2

nee sleeme as harahhifór slafíngw alhhe'eesay wásl kawa slay, kudá' Mungú aa qaroó geerií al'axweés iimír iimu/uungo, Mungú lama ga ooiiká.

Ebrania 6:18

Gawaá adoorihe Mungú muruuwí tsár gwa oó', al'axweesantós nee lo'o. Muruuwí i baloó warqayká, nee Mungú lama ga baloó ooiiká daanduú muruuwihe. Ateéká' inós ugwa i guwaan, muruuwí atén tin ló'wa gurkwa/amis, as harahhifoodá' taa geeraarén i qaás kawa slawaan.

1 Yohana 5:10

Heé Garmoó Mungú gwa haratlintii', lamabu'uungwí gu kón baraawose. Heé Mungú gwa haratlintii'iiká, a Mungú guna lamusmo tleéhh, asma lamabu'uungwí Mungú Garmaawós nguwa lamabu'ún, gwa haratlintii'iiká.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.

Geehhoeemaá 3:7

«Kaangwí gooiimeek amór malaykamooduú múk kríshaanáy oo baraá Filadelfiár i dirií', «Axweesantí dír i dahh a dír kudá' Hhoohhoó', kudá' looeemaá axweés, kudá' gweermór Daudi ga koóm. Inós afkú do' bar ngwa gweér, heé tseegaro gu aleesláw i kaahh. Nee inós bar ngwa tseék, heé gweermooro gu aleesláw i kaahh.