Rumi 3:31 - Biblía Axweesantá Hhohho' ar Mungú 2004

³¹ Gawaá adoorihe atén hara'aya an warqeemisaána ar haratlintaaoorí? Aasla'áy. A warqeemisaanaaká ala an gawdeemisaán.

Ya/abtór hho' 1977

³¹ Gawaá adoorihe atén hara'aya an warqeemisaána ar haratlintaaoorí? Aasla'áy. A warqeemisaanaaká ala an gawdeemisaán.

Rumi 3:31 Iomraidhean Croise

WARA'AMI 119:126

AAKOÓ MUNGÚ, daxta a qoomár gaa kawa tlehh, asma muu dabeerók gaa giqaqáy.

WARA'AMI 40:8

Munguúeé', aníng a qwalaalaá/ sla'aarirók ngiwa tlehhiit, dabeerók i baraá muunaáeé' i dirí'.»

ISAYA 42:21

AAKOÓ MUNGÚ ina qwalaá/ as daanduú gana'aamuuwós, dabeerós gana iiatleereés nee gana xirfayeés.

Matayo 15:6

heewí daqaní baabuúwós nee aayoorós gár ngis ilaiwawa/i i káhh.› Gawaá adoorihe kuungá' axweesantá Mungú ana warqesé' ar uunuuhúng.

Matayo 3:15

Yesu iri oó', «Adoorí na ya/aameek, asma gár atén tiwa hariím, tí an tleehhaán as gan'amuú Mungú kuwa boo/eesaan.» Yohane iri ya/án.

Matayo 5:17

«Ma kaahaara', án nina hardáh as hara'ayár Mose nee gooír aaruuse ngiwa warqees. Aasla'áy, án naa hardihiiká ngiwa warqees, ala nina hardáh as ngiwa boo/ees.

Matayo 5:20

Án a kah, slafingwhúng barnaxes ku hhohhoeeká ta slafíngw intsaahhatuusér hara'ayár Mosewo nee múk Farisayowo, kuungá' a baloó data'aaká baraá waawuti'iimár dooriiwo.»

Luka 20:16

In hardah, doosluuseedá' gari tsuu/, nee qaymoodá' gari múk hatlá' i haniis.» Kaangwí kuwa axaás tari oó', «Aasla'áy, kangwsíng miwa tleehharuút.»

Rumi 10:4

Asma Kristo hara'aya gan boo/eemiis, as kahhó' umuúqo heewo oo gwa haratlintii' kuwa gan'amií harafaari.

Rumi 2:20

geeraharusmoó múk gár xuaaká, nee intsaahhatusmoó na/aá ninakw, asma kuúng xu'uti sleémeero nee looeemaawo i koón baraá hara'ayár Mosewo.

Rumi 3:4

Aasla'áy, a adoosingeeká. Mungú inós a inkihhimusmo, umuúqo heewo tam lamusmoowo. Asma kaa gooín, «Kuúng bar axwés, axweesanaywók masók ku tsaahh, adór tar axweesanoó ganaá', nee kuúng tawa baaliin baraá kwasleemaro.»

Rumi 3:6

Aasla'áy. Asma Mungú geera adór muu ngur sakwasleemuuti a adoomá?

Rumi 4:14

Asma mukdá' hara'ayár eeharahár, bar inooín a aaluuse, daqaní haratlintaao gaarós i káhh, nee al'axweesantá Mungú kaa hingeés.

Rumi 7:22

Asma aníng baraá muunaáeene hara'ayár Mungú an sa qwalalaá/.

Rumi 7:25

Mungú i xirfuuti. Ba/amusmo u koóm, Yesu Kristo Aakoorén. Ala barnaxes a adoorí, anuú kilá' hara'ayár Mungú an sagadiyuús ar muunaáeé', nee hara'ayár tlakweema an sagadiyuús baraá slaqwte'eene.

Rumi 8:4

Mungú adoorí gana tleéhh as muruudá' hara'aya i hara'ayiyiin iwa boo/i baraarén wa ale. Asma atén ti sa waawuti'ii'inká nee heeuumár tlakweemaá koom, ala nee Qeeru.

1 Korinto 9:21

Aníng a hootaaká dír hara'ayár Mungú iwa kahh, asma aníng taa tseék nee hara'ayár Kristo. Ala dír mukdá' hara'ayár Mungú koomakahe, aníng tina adór inooín laqaá as mukdá' hara'ayár Mungú koomaaká nguwa slaw.

Galatia 2:19

Asma aníng hara'aya iga qaroó gás. Gawaá adoorihe amór hara'aya eeharto aníng a heé aa gwaa', as kahhó' niwa slaaf dír Munguhe. Aníng taa qaroó alkikií' nee Kristo gawaá msalaába.

Galatia 2:21

Aníng gurtleemuú Mungú u siaasiiaaká. Ala barnaxes hee ku gan'amií harafadiit as hara'aya ngiwa óh, daqaní Kristo ina tawo gwaá'.