Rumi 3:30 - Biblía Axweesantá Hhohho' ar Mungú 2004

³⁰ Asma Mungú a wak. Inós múk Yahudi kudá' taa al/utlín, gun gan'amuú i harafadiit as haratlintaaor'ín. Nee múk xoordaá hatlá' sleeme, kudá' taa al/utlinká, gun gan'amuú i harafadiit ar loohír haratlintaaor'ín.

Ya/abtór hho' 1977

³⁰ Asma Mungú a wak. Inós múk Yahudi kudá' taa al/utlín, gun gan'amuú i harafadiit as haratlintaaor'ín. Nee múk xoordaá hatlá' sleeme, kudá' taa al/utlinká, gun gan'amuú i harafadiit ar loohír haratlintaaor'ín.

Rumi 3:30 Iomraidhean Croise

Rumi 2:26

Heé xoorór hatlá' oo taa al/utliiká, inós barnaxes hara'aya gaa eehár, kwí ku harafaáriíke tawa adór heé taa al/uútl, inós tam kwaa al/utliikahe.

Rumi 2:27

Gawaá adoorihe kuúng heé Yahudi tu sakwasleemuut nee múk xoordaá hatlá'. Asma kuúng hara'aya tam a koonda baraá gooiro, nee kuúng tam taa al/utli, ala kuúng hara'aya a eeharahatká. Ala inooín hara'aya ka iialooeemiis, inooín tam kaa al/utliniikahe.

Rumi 3:22

Mungú gan'amuuwí gun hanmiis dír umuúqo heewo oo Yesu Kristo gwa haratlintii'. Ku hanmiis dír umuúqo heewo as haratlintaao. Asma barqaanti i káhh.

Rumi 3:28

Asma aga araán adór hee kur gan'amií harafaari ar haratlintaao, ala ar tlehhma'aá hara'ayarooká.

Rumi 4:16

Gawaá adoorihe muruudá' Mungú aa axweés dír Abrahamú i aleeró, sleemuuwós gár i ga/ay a haratlintaao. Gawaá adoorihe hee bir haratlintaaór kón, Mungú muruuwí guqo tawó haniis. Al'axweesantí a dír xwaylár Abrahamu sleémeerowo. Ala a dír kudá' kilooineeká awa hara'ayár Mose koomá', ala tam dír kudá' haratlintaaór Abrahamú koomá' sleeme. Asma inós dír atén sleémeerowo a baabá,

Rumi 4:9

Xáy, amohhooarí dír kay káh a dír mukdá' taa al/utlíni, laqaá tam dír mukdá' taa al/utlinká sleeme? Asma adoodá' Gooi i kat ana qaroó ooaán, «Abrahamu Mungú guna haratlintií'. Inós kuri gan'amií harafaár ar haratlintaaoorós.»

Galatia 3:20

Ala har'ohusmo barnaxes i deer, inós a har'ohusmoó heé wakeeká, ala Mungú inós a wak.

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.

Galatia 3:8

Gooi gana geerií aán adór Mungú múk xoordu ngur gan'amií harafaari as haratlintaaor'ín. Ya/abtoorí hho' Gooi gaa geerií alki/ít Abrahamu nguwa beér, «Baraawoge xoordu sleémeero ki tsuuq.»

Galatia 5:6

Asma hee barnaxes i baraá Kristo Yesu, dirose al/utlo a gaarooká, laqaá tam kwa al/utliiká a gaarooká. Ala gár afhhamít a haratlintaao, tidá' ti laqaqaam ar sla'aari.

Galatia 6:15

A gaarooká hee burkwa al/uútl, laqaá barnaxes kwa al/uutliiká, ala gár afhhamít a hee kuwa heé /abén tleehhi.

DABE 6:4

«Gimsé' iia qaasaak, kuungaá múk Israeli! AAKOÓ MUNGÚ an Munguúrén, AAKOÓ MUNGÚ inós kilós an Mungú.

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

1 Timoteo 2:5

Asma Mungú a wak. Nee har'ohusmo a wak sleeme, kudá' har'ohiím tla/ángw Mungú wa ale nee muu. Inós a hee, Kristo Yesu.