Rumi 3:25 - Biblía Axweesantá Hhohho' ar Mungú 2004

²⁵ Mungú Yésuuwí nguna haniís, as gurtleemuú tlakweema inós nguwa múk i slay ar gwa'araarós. Hee gurtleemuuwí gun sláy bar Yesu ngwa haratlintií'. Mungú adoorí gana tleéhh as loohirós ngiwa laqan ar hee ngur gan'amií harafaari. Asma aáng Mungú tlakweemaá muu gina sa qiqtlín, baraá qartadá' aa waarahhi.

Ya/abtór hho' 1977

²⁵ Mungú Yesuwí nguna haniís, as gurtleemuú tlakweema inós nguwa múk i slay ar gwa'araarós. Hee gurtleemuuwí gun sláy bar Yesu ngwa haratlintií'. Mungú adoorí gana tleéhh as loohirós ngiwa laqan ar hee nguwa gan'amkú i harafaari. Asma aáng Mungú tlakweemaá muu gina sa qiqtlín, baraá qartadá' aa waarahhi.

Rumi 3:25 Iomraidhean Croise

WARA'AMI 119:142

Gan'amuuwók an gan'amuú alhhe'eesay wásl, nee dabeerók ar ló'.

WARA'AMI 22:31

Inooín tlehhmi'iiwós awa ba/ama kiri alki/iit dír múk taa laqwaliiká, kuri bay, «Mungú adoorí gana tleéhh.»

WARA'AMI 40:10

Aníng ba/amarók aga ar xasliitiiká baraá muunaáeé'. Aníng inkihhimuwók ugwa alki/iít, nee ba/amaroge. Án sla'aarirók ar warqawaaká aga lu/iiká nee inkihhimuuwoge dír múk yaariire.

WARA'AMI 50:6

Doori gan'amuuwós ngu alki/iitiyá'. Asma Mungú inós an sakwasleemusmo.

WARA'AMI 97:6

Doori hhoeemaawós ngi alki/iitiyá', nee xoordu sleémeero xirfuuwós ngun ariyá'.

WARA'AMI 98:2

AAKOÓ MUNGÚ baalirós gaa gwa/aateés, dír ilaá xoorduuwo gan'amuuwós gwaa laqán.

ISAYA 53:11

Ala sagadiyusmooeé' mamaá slahh'amuú hhiintluuwós gi ar, iri hhe'ees. Ar fuqurángw sagadiyusmooeé' kudá' ganaá' múk yaariír kun gan'amú i harafaar, nee inós tlakweemaaín gin gagaar.

TLAHHOÓ LAÁWI 16:10

Ala gurtuudá' tsawdo aa sleér as Asaseli guri duúx dír geeraá AAKOÓ MUNGÚ slafi ale, as haraki/isa ngiwa tleehhi, nee kaahamusmoó Mungú gurtuudá' guri geemáy baraá xaanxay as Asaseli, as tlakweemaá xooro hingeesa.

TLAHHOÓ LAÁWI 16:15

«Aluuwo gurtuú ilahhooár tlakweema hingeesa guri gaas as muu sleémeero. Tseerér gurtuudá' gari baraádií huúw, didá' ak hhoohhoo', ar adór tseerér awu ngaa /imiís, gari hikimiís gawaá kitángw gurtleemu nee amór geeraá kitaango.

Yohana 6:47

Án a kah, heé aníng iga haratlintii', slafíngw alhhe'eesay wásl gu kón.

Tlehhema'aá ya/Abuuse 14:16

Inós aáng baraá qartá aa waarahhi, xoordu sleémeero gina máy as lohuduuín kiwa eehari.

Tlehhema'aá ya/Abuuse 15:18

aa xu'utiít iimír aange.› »

Tlehhema'aá ya/Abuuse 17:30

Qoomaadá' iimi kawa boó/, Mungú muruuwí guna al qiqtlín, asma tawa adór muruú i ga/ayká. Ala hamí muu sleémeero umuúqo diiro gun ádbabáy tawa hhu'u'un.

Tlehhema'aá ya/Abuuse 2:23

Heewí kunguna haniís dirhúng, adór Mungú baraá xu'utirose ngira qoomeés iimír iimu/úngw wa ale. Kuungá' kuri kikié' ar dabaá múk tlákw, kuri gasé'.

Tlehhema'aá ya/Abuuse 3:18

Ar tlehhmuuwihe Mungú adoodá' aa geerií axweés ar loohír aaruuseerós sleémeero, tidá' iwa káh, Kristowós gár kuwa hariím a kun slahh'eemiís.

Tlehhema'aá ya/Abuuse 4:28

As kawa tleehhi tidá' kuúng taa slá' nee taa tsabiín kawa tlehh ar /uuruuwók, iimír iimu/uungo iwa bo/.

Rumi 2:4

Laqaá kuúng hhooeemaá Mungú kudá' yaariir nee qiqtliingós nee daamaaraangós, in waqaaqá'a? A xu'ukáhe adór hhooeemaá Mungú kuúng ur uuruxuná' as tawa hhu'u'uun?

Rumi 3:26

Ala gawaá qoomaarihe loohirós gan laqaamár wa slaa', ar hee ngur gan'amií harafaari. Inós gár i slai a kun tsaahh iwa gan'amuú kon, nee heé Yesu gwa haratlintii', ngur gan'amií harafaari.

Rumi 5:1

Gawaá adoorihe atén taa hhe'eés gan'amií harafaarooro ar loohír haratlintaao. Atén a wayduú koomaán dír Munguhe ar baraá Aakoorén Yesu Kristo.

Rumi 5:11

Ala a har adoorí kiloseká, ala atén Mungú un sa qwalaala/aán sleeme baraá Aakoorén Yesu Kristowo, kudá' atén taa dír Mungú haraki/is.

Rumi 5:18

Gawaá adoorihe tlakweemaá heé wák sakwasleema ngina huwiyé' dír muu sleémeerowo. Adoorí an adór tlehhmuú gan'amuú koóm oo heé wák sleeme, gár naa huúw a muu kuwa gan'amuú i harafaari nee slafiingw kuwa slay.

Rumi 5:9

Ala hamí atén taa gan'amuú i harafaár ar tseereerós. Gawaá adoorihe a ak ló'wa xuaán adór atén tar ba/amán ar inós dír sakwasleemár Munguhe.

1 Korinto 5:7

Kuungá' gadaádár aáng ar mikaáte kar sluuftimaamisi, tidár tlakweema, hingeesaak dirhunge, daqaní kuungá' a hhohhoouurá'. Daqaní kuungá' a xwaantér /aben ar mikaáte tleehhitá', tidá' taa sluuftisiiká. Nee adoorí an adoodá' kuungá' hám tay dir'a', asma deelmoorén oo Pasaáka gaasaro kwaa qaroó hhe'eés. Nee inós an Kristo.

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

Efeso 1:7

Atén tina gweér baraá lawali'iimár Neetlaango, hingeemisuú tlakweema kway slawaán ar loohír gwa'arár Kristo. Gawaá adoorihe gurtleemuuwós ku ló'wa úr direne.

Efeso 2:13

Ala hám daxta, baraá Kristo Yesuwo, kuungaádá' aáng saawá' bál geeraawo, tunda tseeweés as gwa'arár Kristo.

1 Timoteo 1:15

Kaangwí oo ló', oo hariím haratlintaaooro, slám i ló'wa harín ya/aamaro adór Kristo Yesu nira hardáh baraakaá yaamií alé as múk tlakuuse nguwa ba/amisi. Nee aníng a tlakusmoó úr ta tlakuuse sleémeerowo.

Ebrania 10:4

Asma tseerér awe nee ar gurtaawe tlakweema hingeesaro gi baloó aleesleeraaká.

Ebrania 11:14

Múk axweesantá adór tí ga axweemaamiís, ga laqaqán adór inooín ayaaín oo kilá' kur leelehhiít.

Ebrania 11:17

Abrahamu a heé haratlintaaór koóm, tam garmaawós oo kilós Isaka guri ilahhooár wa haniís, qoomár Munguú Abrahamu nguwa iiár, Abrahamu an kudá' Mungú aa al'axweesantós i haniís. Ala Abrahamu ina ya/án garmaawós oo kilós nguwa ilahhooár wa haniisi,

Ebrania 11:7

Noa a heé haratlintaaór koóm. Inós kuna gurbuú' nee Mungú daanduú muruú hardáh oo geetlaákw qoomaadae. Adoodá' Mungú aa oó' gari ilaiwawaá/, miringamo guri tleéhh as múk do'ós nguwa ba/amisi. Múk aa haratlintii'iiká kuna sakwasleemuút as haratlintaaoorós. Inós gan'amu guri sláy as haratlintaaoorós.

Ebrania 9:28

Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraakaá yaamuwo sagaáwa tsár wa ale. Ala gár nis hardihi a tlakweema hingeesarooká, ala a mukdá' inós gu daamaaraám nguwa ba/amisi.

Ebrania 9:5

Gawaá daanduú sandakmoowihe kitángw gurtleemu i deer, nee gawaawose slaqsa'aá tsár awa keruúbidá' xirfayen i dayá', nee kitángw gurtleemu gwa tuntuk ar hhampe'eeri'ín. Ala daxta daanduú keruúbirihe pa/aangw i kaahh oo umuúqo gaaro kawa wakeetimaan alki/ituuwo.

1 Yohana 1:10

Atén bar kaahaan tlakweema iga tleehhaniiká, inós un lamusmo tleehhitaán, tam axweesantós i káhh baraarene.

1 Yohana 2:2

Inós an kudá' taa haniís as atén tiwa haraki/isi nee Mungú as tlakweemaarén, ala as tlakweemaarén kilooineeká, nee tlakweemaá muu sleémeero.

1 Yohana 4:10

Sla'aari an tí, Mungú atén tina slaá', a kaahaká atén inós una sla'aán. Garmaawós nguna ya/aáw asma atén nee Mungú tiwa haraki/isi, nee wayda nguwa tleehhi as tlakweemaarén.

Geehhoeemaá 1:5

Nee amór i dahhiya' sleeme a amór Yesu Kristo. Inós an lamabu'usmoó inkihhím, nee slám inós an heé geera oo naa waaslee/ baraá múk aa qatli. Nee a waawutmoó waawitá sleémeero baraá yaamuwo. Inós atén tin slaa', nee tina gweér baraá lawaali'iimár tlakweemaá wa ale ar tseereerós.

Geehhoeemaá 13:8

Muu sleémeero oo baraá yaamuú wa hoót makiito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuwo. Kitaábuuwí oo slafiingw oo Deelmoó bee/i, kudá' taa gaás.

Geehhoeemaá 20:15

Nee umuúqo heewo oo umuuwós taa gooiniká baraá kitaábuuduú slafiingo, kuri kwaáhh baraá tlawtadá' asla iwa ohahiin.

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.