Rumi 3:22 - Biblía Axweesantá Hhohho' ar Mungú 2004

²² Mungú gan'amuuwí gun hanmiis dír umuúqo heewo oo Yesu Kristo gwa haratlintii'. Ku hanmiis dír umuúqo heewo as haratlintaao. Asma barqaanti i káhh.

Ya/abtór hho' 1977

²² Mungú gan'amuuwí gun hanmiis dír umuúqo heewo oo Yesu Kristo gwa haratlintii'. Ku hanmiis dír umuúqo heewo as haratlintaao. Asma barqaanti i káhh.

Rumi 3:22 Iomraidhean Croise

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

YEREMIA 23:6

Qoomár waawuti'iimarose múk Yuda ku ba/amis, nee múk Israeli i saxareemár hoot. Inós umuuwós ku bay, ‹AAKOÓ MUNGÚ an gan'amuurén.›

DANIELI 9:24

«Afiqoomár wiikadaá mibeeri faanqw, kaa qaás as mukók nee daanduú gixsarók tidá' hhoohhoo' as dakuús kawa faaki, tlakweema kiwa gurtlay, nee gan'amuú alhhe'eesáy wasle kunguwa huwi iigu'utu nee aaru'uuma kiwa dugunó i qaasi, nee didá' ló'wa hhoohhoo' kawa di/tí qaasi.

Luka 15:22

Ala baabá lawaaleerós gari báy, ‹Inqwaarír hhoo' huwaare' ar gaanslaay, tsiitisaak, dakós mungáy qaasaak, ya'a' ya/atáy dahaasaak.

Tlehhema'aá ya/Abuuse 11:12

Qeeruú hhoohhoó' oo Mungú ina báy, ‹Nee mukí ti al koonde', ma xurumiitaar.› Nee hhaeeká' lahhoó' sleeme tay alkoomaán tay dahaán baraá doó heedaádá' i alé.

Tlehhema'aá ya/Abuuse 15:9

Mungú barqaanti gaa tleehhiiká dír tla/angwrén nee inooine. Tlakweemaaín gina gurtláy asma inooín sleeme taa haratlintií'.

Tlehhema'aá ya/Abuuse 3:16

Heewí kuungá' ta ga/eera' nee oo ta xua', heé inós gwa /uurií haniis a Yesu, asma haratlintaao. Heewí kuri hungu/uús ar /uuruú haratlintaaoorí amór Yésú daahh, adoorí kuungá' sleémeero kur ga/eera'.

Rumi 1:17

Asma baraá Ya/abtór hhoe loohír Mungú kaa geehhooatís ar hee nguwa gan'amií harafaari as haratlintaao. Nee loohirí i haratlintaaór huwaahúp sleeme. Asma Gooi i kat, «Heé gan'amuú koóm gár ir slafi a haratlintaao.»

Rumi 10:12

Asma baraá kaangwihe gár dimbé i káhh dír heé Yahudi nee dír heé Yunaniro. Asma sleémeero Aakooín a wak. Nee hhooeemaawós i bu'uutiyá' dír umuúqo heé inós gu ateetima.

Rumi 10:4

Asma Kristo hara'aya gan boo/eemiis, as kahhó' umuúqo heewo oo gwa haratlintii' kuwa gan'amií harafaari.

Rumi 2:1

Gawaá adoorihe kuúng bar múk hatlá' sakwasleemút, kuúng tam heemahe, kuúng gár ta tlank i káhh. Qoomár kuúng bar múk hatlá' sakwasleemút, a kuúng tin kilók sakwasleemút. Asma kuúng muruú ta tlehhit a kuduú kilá' ta sakwasleemut.

Rumi 3:30

Asma Mungú a wak. Inós múk Yahudi kudá' taa al/utlín, gun gan'amuú i harafadiit as haratlintaaor'ín. Nee múk xoordaá hatlá' sleeme, kudá' taa al/utlinká, gun gan'amuú i harafadiit ar loohír haratlintaaor'ín.

Rumi 4:16

Gawaá adoorihe muruudá' Mungú aa axweés dír Abrahamú i aleeró, sleemuuwós gár i ga/ay a haratlintaao. Gawaá adoorihe hee bir haratlintaaór kón, Mungú muruuwí guqo tawó haniis. Al'axweesantí a dír xwaylár Abrahamu sleémeerowo. Ala a dír kudá' kilooineeká awa hara'ayár Mose koomá', ala tam dír kudá' haratlintaaór Abrahamú koomá' sleeme. Asma inós dír atén sleémeerowo a baabá,

Rumi 8:1

Gawaá adoorihe sakwasleema i káhh dír mukdaádá' baraá Kristo Yesu i diriia.

Rumi 9:30

Ala gár ta ooaan a milá daanduú tihe? Mukduú xoordaá hatlá' oo gan'amu gwa leelehhitiiká dír Munguhe, inooín kaa gan'amuú i harafaár ar loohír haratlintaao.

1 Korinto 12:13

Asma atén bahh'alé a múk Yahudi, bahh'alé a múk Yunani, kookaari a lawaale, nee kookaari a lawaaleerooká. Ala atén sleémeero tina baatimiís ar Qeeruudá' wák as tawa slaqwtá wák tleehhitaan. Nee slám atén sleémeero tina wahaás ar Qeeruudá' wák.

1 Korinto 4:7

Asma heé kuúng ugwa iia tleerees ta múk hatlae a heemá? Kuúng gár ta koon i deéro ar taa tawó sleeriiká dír Munguhe. Ala bar kuúng aga tawó sleér, ahaá ala, kuúng mas daara/aán adór heé gaa gaa tawó slayká?

Galatia 2:16

Ala atén a xuaán adór hee kur gan'amií harafaariiká as hara'aya ngiwa eehár, ala hee kun gan'amií harafaar as Yesu Kristo nguwa haratlintií'. Atén sleeme Kristo Yesu una haratlintiiaán as tiwa gan'amií harafaari, as Kristo kuwa haratlintiiaán, ala as tlehhema'aá hara'ayaarooká. Asma heé ta gan'amií harafaari as hara'aya ngiwa eehár i kaahh.»

Galatia 2:20

Aníng daxta a slafaaká, ala Kristo in slaaf baraaeé' wa ale. Slafiingwí nir hoot baraaká' yaamuwo a kudá' nir hoot baraá haratlintaaór Garmoó Mungú nguwa haratlintii'. Asma inós aníng ina slaá', slafiingós guri haniís as aníng.

Galatia 3:22

Gooi ngaa geehhooés alki/ituuwo adór tlakweema nira baaliné' dír muu sleémeerowo. Adoorí kana geehhooeés as kahhó' mukdá' Yesu Kristo gwa haratlintii', aalidá' taa al'axweés kawa slay.

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.

Efeso 3:12

Gawaá adoorihe atén Kristo bura haratlintiaán, daqaní atén a da'ayumitanaaká Mungú i tseewuwto ar baraawós, nee tari axweesaán nee Mungú ar wayda.

Filipi 3:9

nee niwa haragwaa' dirós i alé. Daxta aníng hotaá ganaa'á' awa naa sláw as hara'aya ngiwa boo/eés, i kahhiyá'. Hotaá ganaa'á' awa ni xuu' a kudá' kilós hee i slay as Yesu Kristo nguwa haratlintií', an kudá' amór Mungú dahhá', as haratlintaao.

Kolosai 3:11

Ala baraá slafingwí /abene, barqaanti i káhh dír heé Yahudiro nee heé Yunaniro, laqaá dír heé taa al/uútl nee heé taa al/uutliiká, laqaá hoomo, laqaá heé iimiboó/, laqaá lawaalmo nee kuduú lawaalmoowooká. Ala Kristo inós a mura' sleémeero nee i baraá muu sleémeero.

Yakobo 2:23

Gawaá adoorihe Gooidá' iri bó/, tidá' aa kat, «Abrahamu Mungú guna haratlintií', inós kuri gan'amuú i harafaár as haratlintaao,» slám inós kuri báy a mulqumoó Mungú.