Rumi 3:2 - Biblía Axweesantá Hhohho' ar Mungú 2004

² Gár i bu' i ló'wa deer umuúqo barto. Gár har geera a Mungú axweesantós gana dír múk Yahudír i saayín.

Ya/abtór hho' 1977

² Gár i bu' i ló'wa deer umuúqo barto. Gár har geera a Mungú axweesantós gana dír múk Yahudír i saayín.

Rumi 3:2 Iomraidhean Croise

WARA'AMI 119:140

Al'axweesantók ar ló' kángw kilá' wa ale, anuú sagadiyusmoowók a slaá'.

ISAYA 8:20

Ala kuungá' inooín ki beera', «Gár Mungú kuungá' nuwa intsaahhatamiisi na iiárií qaasaak, gi'i mi iiárií qamimara', asma gár hhoo' ngi aain'aaká.»

DANIELI 10:21

Ala aníng kangwdá' taa gooín baraá kitaábuuduú looeema ngu dirógí xu'utís. Heé hatlá' i kaahh oo aníng i alee/iís slaqwararo aqo har Mikaeli, malaykamooduú xuumusmoó múk Israeli.› »

Yohana 5:39

Kuungá' tidá' taa gooín baraá Gooiro a mak tsee/ariindá', asma kawa xua', kuungá' slafíngw alhhe'eesay wásl u koondá' baraawose. Nee Gooisíng an tidá' aníng i lamabu'uum.

Tlehhema'aá ya/Abuuse 7:38

Qoomár muu iwa burumburiít baraá xaanxaywo, Mose ina sihhiít tla/ángw bariiseerén nee malaykamo, kudá' aa axwees nee inós gawaá tloomár Sinaír wa ale. Inós axweesanoó slafiingw nguna ilaaóh, as nguwa atén i haniisi.

Rumi 1:2

Ya/abtoorí hho' Mungú aa al'axweés iimír aáng wa ale ar afér aaruuse, kaa gooín baraá Gooír hhohho'.

Rumi 2:18

Kuúng taa intsaahhatimís hara'ayár Mosewo. Gawaá adoorihe gár Mungú i slai aga tsáhh, nee muruú tlákw nee oo hhoe tsaahharo u aleesleér.

Rumi 3:1

Gawaá adoorihe heé Yahudi gár i ak kon a milá? Nee al/utlo gár i bu' a milá?

Rumi 3:3

Ala bar dir'ine bahh'alé i inkihhimuú kona'aaká, adoorí daqaní a adoomá? Xáy ador'ín tí inkihhimuú Mungú gun hingésa?

Rumi 9:4

Inooín a múk Israeli. Kina harafadiít tawa na/aá Mungú. Inooín xirfuú Mungú nguna ariyé'. Slám Mungú gina alqadoorós i haniís, nee hara'ayaaro. Nee slám dabér saalíngw Doó Mungú kana amor'ín i haniís, nee al'axweesantá Munguhe.

1 Korinto 9:17

Asma gadiyeérí bara tleéhh ar sla'aarir'eé' kilós, aníng bu'utu u sláw. Ala barnaxes a gadiyér aníng wá hariim, daqaní a gadiyér tinda aníng i saayín.

2 korinto 5:19

Gídaabárós a tí, «Mungú muu guna haraki/ís nee inós ar baraá Kristo, as muu munguwa tlakweemaaín i harafaár. Nee slám axweesantá haraki/isa ngaa qaás baraá muneeréní alé.»

Galatia 2:7

Ala inooín kari tsaáhh adór Mungú aníng ira aleesleemií haniís oo Ya/abtór hho' ngiwa alki/iit dír mukdá' taa al/utliikahe, adoodá' Petro sleeme ngura aleesleemií haniís oo Ya/abtór hho' ngiwa alki/iiti dír mukdá' taa al/utli.

1 Timoteo 6:20

Timoteo, kuúng tidá' sleémeero tinda dirók i saayín harmagaahheek. Ti paratl nee axweesanayduú gaa wásl, kuduú múk Mungú haratlintatiaaká. Slám ti paratl nee tlaampa'amisuuduú múk ti sagalooór i harafadiít. Ala sagalooar'ín a sagalooór loeeká.

Ebrania 5:12

Dirhunge geera a gár hariím kuungá' tawa intsaahhatuuse, asma deelór yaariir aa waaráhh iimír kuungá' tunduwa ba/amís. Ala kuungá' tam hamí a intsaahhatuusér sla'á' malé ale, ar nu intsaahhatimis muruuduú geera daanduú axweesantá Munguhe. Ala tam hamí gár kuungá' tunduwa hariím a ilwa, ala a muruú /aymár gawdeneeká.

1 Petro 4:11

Heé axweesantá Munguú alki/iít, ngi alki/iiti ar adoodá' axweesantá Mungú i kat. Heé gadiyuús, i gadiyuusi ar /uuruudá' Mungú aa haniís dirós i alé, as kahhó' Mungú iwa xirfuuti baraá mura' sleémeerowo ar loohír Yesu Kristo. Xirif nee aleesleemu a kós tam ay alhhe'eesay wasle. Amin.

Geehhoeemaá 19:10

Aníng niri tumbarara'aát dír ya'aawós i alé as inós nguwa sluufmiis. Ala inós aníng iri báy, «Adoosíng ma tlehhiitaar. Asma aníng sleeme a sagadiyusmo dinkwa nee kuúng nee hhaeewoge, kudá' sleémeero awa lamabu'úngw Yesu ngu koomá'. Ala kuúng Mungú na sluufmiiseek.» Asma lamabu'úngw Yesu an qeeruú aaru'uuma.

Geehhoeemaá 22:6

Aluudae malaykamoodá' iri báy, «/Aymi'iiká' a awa ló' nee awa hariimá' haratlintaaoro. Aakoó Mungú, Munguúduú qeeruú aaruuse, inós malaykamoowós ngwaa ya/aáw as muruudá' hardáh ar gaanslaay nguwa dír sagadiyuuseerós i laqan.»