Rumi 2:9 - Biblía Axweesantá Hhohho' ar Mungú 2004

⁹ Muu sleémeero oo tlakweemaá tlehhaahhiít, gusisiingw nee slahh'amaayeero ngi slayá'. Múk giiriím oo Yahudi, ala tam múk Yunani sleeme.

Ya/abtór hho' 1977

⁹ Muu sleémeero oo tlakweemaá tlehhaahhiít, gusisiingw nee slahha'amaaye gi sláy. Múk giiriím a múk Yahudi, ala tam múk Yunani sleeme.

Rumi 2:9 Iomraidhean Croise

2 QOM'I 6:23

AAKOÓ MUNGÚ, na'amaamís, iia qaaseek gawaá doorí wa ale, nee sagadiyuseerók sakwasleemuteek. Kudá' tlakweema gaa tleehh muxeek, nee kudá' ganaá' gan'amuú i harafaareek.

WARA'AMI 32:10

Heé tlakusmo muxtár yaariir ga sláy. Ala heé AAKOÓ MUNGÚ gu harahhiíf kwaa harweér ar sla'aarír warqawaaká ar AAKO.

AXWEESANOÓ SAGALOOA 11:23

Heé hotaawós ganaa'á' gár i slai a hhooa. Ala harahhifór heé tlaákw a xarasleema.

ESEKIELI 18:4

Xuaak slafiingw sleémeero a kwe'eé', slafíngw xwayliitamó nee slafíngw na/aywo. Heé tlakweema gaa tleehh an heedaádá' gwaá'.

ESEKIELI 22:31

Gawaá adoorihe iga buhhtaaeéní ku'uús, nee ar asltá xarasleemaeé' iga hhaamiís ar harqoomoó tlehhmi'ii'ín i diri'iya'. An adoodá' ni kah, anuú Aakoó MUNGÚ.»

AMOS 3:2

iwa kaahi, «Baraá tla/ángw xoordu sleémeero awa baraá yaamuwo kuungá' kiloohúng nun xuú'. Gawaá adoorihe aníng kuungá' nun muúx asma tlakweemaahúng sleémeero.»

Matayo 16:26

Ala tam hee yaamu sleémeero ngi slaya, gár nguwa buiya' a milá, bar slafiingós aa qwaár? Laqaá hee gár i duuxi a umós ar slafiingós ngur ki/isi?

Luka 24:47

Nee sleeme kaa gooín tawa kaahi, ‹Kaangwí ku alki/iit ar umuueé' dír xoordu sleémeero tawa kaahi, hhu'u'uumé' as gurtleemuú tlakweema kuwa sleera'.› Kaangwí dír kuwa iimu/un an Yerusalemu.

Tlehhema'aá ya/Abuuse 11:18

Axweesantí kawa axaás tari xasliít, Mungú kuri xirfeés, tari oó', «Laatí Mungú tam múk xoordaá hatlá' sleeme gwa pa/ángw i haniís oo hhu'u'uungw, as slafiingw nguwa slaya'.»

Tlehhema'aá ya/Abuuse 13:26

«Hhaee'eé', kuungaá xwaylár Abrahamu, nee kuungaásingaá Munguú ilaiwawa/á', Ya/abtoorír ba/ama kingina ya/aáw dír atén sleémeero.

Tlehhema'aá ya/Abuuse 20:21

Án múk Yahudi nee Yunaniro una ló'wa gurbuú' tlakweemaaín kiwa hhu'u'n dír Mungú i hhu'u'un, nee Aakoorén Yesu Kristo kuwa haratlintii'i.

Tlehhema'aá ya/Abuuse 26:20

Án kángw Mungú una alki/iít har geeraawo dír múk Damasko. Aluuwo baraá Yerusalemu tin wa alki/iít, nee baraá yaamu sleémeero awa Yudea, nee dír múk xoordu sleeme, as tawa hhu'u'un nee Mungú kuwa i warqay, nee tlehhma'aá nee hhu'u'ungw'ín ti slawá' kiwa tleehhi.

Tlehhema'aá ya/Abuuse 28:17

Alaá deelór tám iwa waaráhh, Paulo geeraharuusér múk Yahudi gari ateét as tiwa doogiya'. Tawa burumburiít, giri báy, «Hhaee'eé', aníng gár naa tleéhh i káhh, ar hariimaaká dír mukrene, nee tam uunuú baabi'iirén iga si'iiká. Ala tam adoorihe tina tseék Yerusalemú wa ale, tiri qaás baraá dabaá múk Roma.

Tlehhema'aá ya/Abuuse 28:28

«Ala kuungá' xuaak adór ba/amár Mungú kara huúw amór xoordaá hatlá', nee inooín ka iiárií qaas.» [

Tlehhema'aá ya/Abuuse 3:26

Qoomár Mungú sagadiyusmoowós kwí nguwa hhe'eés waasle/atisaro, nguri amorhúngí geerií ya/aáw, as umuúqo heewo tlakweema ngiwa may as tsuuqaawós.»

Rumi 1:16

Aníng Ya/abtór hho' a murér wa ara'araaká. Asma Ya/abtór hho' an /uuruú Mungú kudá' ba/amár huwahuúw dír umuúqo heé aa haratlintii'i, har geeraawo a dír heé Yahudi, nee tam dír heé Yunani sleeme.

Rumi 10:12

Asma baraá kaangwihe gár dimbé i káhh dír heé Yahudi nee dír heé Yunaniro. Asma sleémeero Aakooín a wak. Nee hhooeemaawós i bu'uutiyá' dír umuúqo heé inós gu ateetima.

Rumi 2:10

Ala mukdá' sleémeero hhooeemaá tlehhahhiít, Mungú inooín gin xirfuú i haniis, nee ilaiwa/ame nee wayda. Múk giiriím oo Yahudi, ala tam múk Yunani sleeme.

Rumi 8:35

Heé atén ti paraátl dír sla'aarír Kristowo a heemá? Gár paraatlaro ti aleeslaw a slahh'amaayeéro? Laqaá a daeéro? Laqaá a gusisiíngo? Nee a qwárko, laqaá a /aankwetsuuwo? Nee a tsaxwaáwo, laqaá tsu/utár paánga?

Rumi 9:24

Tam atén sleeme tina ateét tawa xooslár adór tí. Ala múk taa ateét a har múk Yahudi kiloseeká, a múk xoordaá hatlá' sleeme.

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.

Kolosai 3:11

Ala baraá slafingwí /abene, barqaanti i káhh dír heé Yahudiro nee heé Yunaniro, laqaá dír heé taa al/uútl nee heé taa al/uutliiká, laqaá hoomo, laqaá heé iimiboó/, laqaá lawaalmo nee kuduú lawaalmoowooká. Ala Kristo inós a mura' sleémeero nee i baraá muu sleémeero.

2 Tesalonike 1:6

Mungú gan'amu gun tleehh. Mukdaádá' kuungá' naa slahh'eemiis, inós gun slahh'eemiis as tawa bu'utuuín.

1 Petro 4:17

Asma qooma naa xeér ar sakwasleema iwa iimu/uun dír múk Mungú wa ale. Ala barnaxes sakwasleema in iimu/uún dirén wa ale, ala alhhe'eesaywós a adoomá dír mukdaádá' Ya/abtór hho' ar Mungú gaa si'i?