Rumi 2:7 - Biblía Axweesantá Hhohho' ar Mungú 2004

⁷ Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

Ya/abtór hho' 1977

⁷ Ala bahh'alé xirif nee ilaiwa/ame nee hhitiru'uuma wasle ngina leelehhiitiyé' ar qiqtliingw baraá tlehhema'aá hhoe. Mungú slafíngw alhhe'eesay wásl gu haniis dír múk adoorí.

Rumi 2:7 Iomraidhean Croise

YOBU 17:9

Tam adoorihe, heé ganaá', aqo gan'amu gun ar hoot, heé muruú hhó' tlehhiít /uuru gu ló'wa sláy.

WARA'AMI 27:14

AAKOÓ MUNGÚ na harahhifeek! Ilakaahareés, muuna hhe'eés, AAKOÓ MUNGÚ na harahhifeek!

WARA'AMI 37:3

AAKOÓ MUNGÚ haratlintieek, muruú hhó' tlehhiteek, daqaní a hót ar saxareema baraá yaamuwo.

WARA'AMI 37:34

Kuúng AAKOÓ MUNGÚ na harahhiifeek, loohirós eehareek. Inós kuúng u iiatleerees, yaamu kay ál. Múk tlákw adór kur qwaareesi a aán.

ESEKIELI 18:17

tlakweema gi tlehhitiiká, hee burngwa kirkitís aldaafi ga iinuusiká, laqaá slaasláwár ur ga leelehhitiiká, hara'ayar'eé' nee kaahir'eene gina eeharahar, na/aywí i gwaaiiká as tlakweemaá baabuúwós. Inós in hoot.

Matayo 25:46

Nee kukaáká' niri tlayá', niri dahamaá ayá' baraá sakwasleemár alhhe'eesay wasl. Ala mukdá' hota ganaá' tan dahamaá áy baraá slafíngw alhhe'eesay wásl.»

Luka 21:19

Kuungá' bara qiqtlatliindé', a ba/aandá'.»

Luka 8:15

Kuduú baraá hhapér hho' an slaqsoó mukdá' axweesani gaa axaas, kari ooha hhe'eés ar munér ilaiwa/ame, iri laqwál ar qitla.»

Yohana 4:36

Heé bu'úngw aa'áw bu'utu gu sláy, balaangw guri burumbuur. Bu'uungwí an mukdá' slafíngw alhhe'eesay wásl gu sláw. Gawaá adoorihe heé aa dahaasin nee oo aa bu'un ta al qwalalaa/.

Yohana 5:44

Kuungá' adór tar haratlintia' a adoomá, kuungaásingá' ti kiloohúng xirfayeemisá'. Nee xirfuudá' amór Mungú kudá' wák daáhh u leelehhita'aaká.

Rumi 2:10

Ala mukdá' sleémeero hhooeemaá tlehhahhiít, Mungú inooín gin xirfuú i haniis, nee ilaiwa/ame nee wayda. Múk giiriím oo Yahudi, ala tam múk Yunani sleeme.

Rumi 6:23

Asma bu'utuú tlakweema a gwa'ara, ala gár Mungú atén tir qay a slafíngw alhhe'eesay wásl baraá Kristo Yesu Aakoorén.

Rumi 8:18

Aníng slahha'amaayér qoomaarír hamí a gaárí fadiitaaká ta xirfuudá' tindi amoorén i geehhooeesi qoomaadae.

Rumi 9:23

Adoorí gana tleéhh as xooslaadá' gurtleemuú slaw ngiwa xirfuuwós oo yaariír i geehhooeesi. Kuká' an kudá' aa amohhe'eés as xirif kuwa slay.

1 Korinto 15:42

Waasle/uú múk aa qaatl sleeme an adoorí. Slaqwa kan baraá hhapérí fool adoodár ilmo kur dahaasi. Slaqwtadá' taa foól a slaqwtá hhitiruut, tidá' waaslee/ a slaqwtadá' hhitiruutaaká.

1 Korinto 15:50

Hhaee'eé', gár án ni kah a tí, slaqwtadár baraaká' yaamu, tidá' taa tleéhh ar fu'unaay nee tseere, waawuti'iimár Mungú ga alká. Slám tidá' hhitiruut muruú hhitiruutaaká gu alká.

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' baraá Aakoowo gadiyérhúng tidá' ta tlehhahhita' a taworooká.

Galatia 6:9

Mawa slaaqataán hhooeema tlehhtuuwo. Bar aga mune sianiiká, bu'uungw u slawaán qooma bira xeér.

Efeso 6:24

Tsuuqaá Mungú masók i dír muu sleémeero, kudá' Aakoorén Yesu ngu sla'á' ar sla'aarír faakaaká.

Kolosai 1:27

Asma Mungú gana slaá' ngiwa gwa/atisi dir'íní alé adór lu/aaráydá' ir daqaari'iimár kón nee xirif baraá múk xoorduuwo. Lu/aaráy an kwí, Kristo i baraahúng i dirii'. Gawaá adoorihe kuungá' haraxu'uti a koondá' ar xirfuú Mungú kuwa sleera'.

1 Timoteo 1:17

Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin.

2 Timoteo 1:10

Hamí gurtleemuuwí kunguna geehhooatís as hardahamuú Ba/amusmoorén Kristo Yesu. Inós gwa'ara gana baál, slafiingw nee hhituru'uuma wasle giri gwa/atís ar Ya/abtór hho'.

Ebrania 2:7

Qoomarka niinawe inós una qás tawa heé niiná dír malaykeero. Kuúng una slamángwí dahás oo xirif nee oo ilaiwa/ame.

Ebrania 6:12

Atén a sla'aanaaká kuungá' tawa tli/uuse, ala kuungá' masók a adór mukdá' aa haratlintii', kudá' qiqtliím, as kahhó' muruudá' aa al'axweés kuwa ala'.

Ebrania 6:15

Gawaá adoorihe Abrahamu iri qiqtlín, nee gadaádá' Mungú aa al'axweés, gari sláy.

1 Yohana 2:25

Al'axweesantá inós naa dirén i oó' a tí, slafíngw alhhe'eesay wásl kuwa slawaan.