Rumi 2:27 - Biblía Axweesantá Hhohho' ar Mungú 2004

²⁷ Gawaá adoorihe kuúng heé Yahudi tu sakwasleemuut nee múk xoordaá hatlá'. Asma kuúng hara'aya tam a koonda baraá gooiro, nee kuúng tam taa al/utli, ala kuúng hara'aya a eeharahatká. Ala inooín hara'aya ka iialooeemiis, inooín tam kaa al/utliniikahe.

Ya/abtór hho' 1977

²⁷ Gawaá adoorihe kuúng heé Yahudi tu sakwasleemuut nee múk xoordaá hatlá'. Asma kuúng hara'aya tam a koonda baraá gooiro, nee kuúng tam taa al/utli, ala kuúng hara'aya a eeharahatká. Ala inooín hara'aya ka iialooeemiis, inooín tam kaa al/utliniikahe.

Rumi 2:27 Iomraidhean Croise

Matayo 3:15

Yesu iri oó', «Adoorí na ya/aameek, asma gár atén tiwa hariím, tí an tleehhaán as gan'amuú Mungú kuwa boo/eesaan.» Yohane iri ya/án.

Tlehhema'aá ya/Abuuse 13:22

Aluudae Mungú Saulo guri hingeés, Daudi guri qaás tawa waawutmooín. Daudiwí a kudá' Mungú aa lamabu'ún iwa kaahi, ‹Aníng Daudi ugwa ár, garmoó Yese. Inós a heé muunaáeé' gwa qwal/atis. Slám inós an kudá' sla'aarir'eé' sleémeero ga tleéhh.›

Rumi 13:10

Heé sla'aarír koóm ga slaiiká hee nguwa gár tlaákw i tleehhi. Gawaá adoorihe sla'aari a boo/eemisuú hara'aya.

Rumi 2:15

Slafingw'ín ga laqaaqán adór muruudá' hara'aya i kat kura baraá muner'íní gooín. Asma tam muner'ín nee inslaway'ín adoorí ngi laqaaqaná'. Asma inslaway'ín oo kilá' inooín gin sakwasleemuut, laqaá gin aleekal/án.

Rumi 2:20

geeraharusmoó múk gár xuaaká, nee intsaahhatusmoó na/aá ninakw, asma kuúng xu'uti sleémeero nee looeemaawo i koón baraá hara'ayár Mosewo.

Rumi 2:25

Kuúng barnaxes hara'ayár Mose aga iialooés, daqaní al/utloorók i gaa bú'. Ala kuúng barnaxes hara'ayár Mose aga sí', daqaní al/utloorók i gaa bu'uká.

Rumi 2:26

Heé xoorór hatlá' oo taa al/utliiká, inós barnaxes hara'aya gaa eehár, kwí ku harafaáriíke tawa adór heé taa al/uútl, inós tam kwaa al/utliikahe.

Rumi 2:29

Ala heé Yahudi oo kilá', an kudá' Yahudi'iimarós baraá muunií dirii'. Nee al/utlór kilá' a tidár muuná kuwa al/utli. Al/utloorí kan tleehh nee Qeeruú hhoohhoó' oo Mungú, slám ka tleehhiiká nee hara'aya. Heé adoorí xirfuuwós amór i dahhi a amór mukooká, ala a amór Mungú.

Rumi 3:30

Asma Mungú a wak. Inós múk Yahudi kudá' taa al/utlín, gun gan'amuú i harafadiit as haratlintaaor'ín. Nee múk xoordaá hatlá' sleeme, kudá' taa al/utlinká, gun gan'amuú i harafadiit ar loohír haratlintaaor'ín.

Rumi 8:4

Mungú adoorí gana tleéhh as muruudá' hara'aya i hara'ayiyiin iwa boo/i baraarén wa ale. Asma atén ti sa waawuti'ii'inká nee heeuumár tlakweemaá koom, ala nee Qeeru.

1 Korinto 7:19

Hee burkwa al/uútl, laqaá burkwa al/utliiká, a gaarooká. Ala hara'ayár Mungú ka iialooeemisi.

2 korinto 3:6

Asma inós an kudá' atén taa aleesleemuú i haniis tawa sagadiyuusér alqadór /aben tleehhitaan. Ala alqadoorí a tidár hara'ayár gooirooká, ala a tidár Qeeru. Asma hara'ayár gooi i tsu/út, ala Qeeru i slafimis.

Galatia 5:14

Asma hara'aya sleémeero kaa haragaás gawaá hara'ayaarí wák, tí kah, «Inslaawmoowók slaeek adór kuúng tir kilók sla'.»

Efeso 2:11

Gawaá adoorihe inslawiimé' kuungá' a múk adoomá aáng. Qoomaadae kuungá' a múk xoordu baraá tlahhaywo. Mukdá' taa al/utlín kuungá' nun babáy, «Múk taa al/utliiká».

2 Timoteo 3:15

Asma iimír na/uumaroge kuúng Gooír hhohho' a xú', tidá' sagalooa ngi kuúng i hanmiis, as ba/ama kawa sleer ar loohír Kristo Yesu kuwa haratlintí'.

Ebrania 11:3

Haratlintaao bar koomaán a tsaahhaán adór, yaamu kira tleéhh ar axweesantá Mungú. Muruudá' gehhoó' kuna tleéhh ar muruú gehhooeeká.