Rumi 2:23 - Biblía Axweesantá Hhohho' ar Mungú 2004

²³ Kuúnguudá' hara'ayár Mose gar waahhamiím, ahaá ala kuúnguú kilá' mas Munguú waaqaaqá' ar hara'ayaadá' kawa eeharahatká?

Ya/abtór hho' 1977

²³ Kuúnguudá' ti kilók xirfayeemiís as hara'ayár Musa, ahaá ala kuúng kilá' hara'ayadá' mas eeharahatká?

Rumi 2:23 Iomraidhean Croise

TLAHHOÓ LAÁWI 13:32

Bál faanqwe kaahamusmoó Mungú inkaahhaydá' guri xuuxuu'. Barnaxes inkaahhaydá' aa dooginká, nee se'éngw didár inkaahhaydá' kalaydá' a booreegeeká, nee deeír dáw didaadae i káhh,

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

Luka 18:11

«Heé Farisayo ina sihhiít, iri adoorír firín kilós alé, ‹Mungú, án kuúng u sluufmiís, asma aníng a adór múk hatlaeeká, a adór fisuuseerooká nee adór al/aymuuseerooká nee adór fuquuseerooká, laqaá a adór ohomusmoowú koódirooká.

Yohana 5:45

Ma kaahara' aníng kuungá' nun sakwasleemuút dír Baabahe. Heé kuungá' nu sakwasleemuút i deer. An Mose, kudá' kuungá' taa harahhifé'.

Rumi 2:17

Xáy kuúng a adoomá? Kuúng a daara/aán asma tawa heé Yahudi. Kuúng gár ta i tliintí' a hara'ayár Mose. Nee slám kuúng an daara/aán tawa kat, «Aníng a heé Mungú.»

Rumi 3:2

Gár i bu' i ló'wa deer umuúqo barto. Gár har geera a Mungú axweesantós gana dír múk Yahudír i saayín.

Rumi 3:27

Gár tas daara/aamaan a milá ala? Gár tas daara/aamaan i káhh. Asma milá? Gár adoorí ga laqaaqaam a hara'aya gaalá? A hara'ayár tlehhmi'iíwo? Aasla'áy, gár adoorí ga laqaaqaam a hara'ayár haratlintaao.

Rumi 9:4

Inooín a múk Israeli. Kina harafadiít tawa na/aá Mungú. Inooín xirfuú Mungú nguna ariyé'. Slám Mungú gina alqadoorós i haniís, nee hara'ayaaro. Nee slám dabér saalíngw Doó Mungú kana amor'ín i haniís, nee al'axweesantá Munguhe.