Rumi 2:21 - Biblía Axweesantá Hhohho' ar Mungú 2004

²¹ Kuúnguudá' múk hatlá' intsaahhatimisuú wa slaá', ahaá kuúng mis ti kilók intsaahhatimisaká? Kuúnguudá' múk hatlá' i dahareemiís tawa kat, «Gár hee ma fiisaar,» ahaá ala kuúnguú kilá' mas fisisiín?

Ya/abtór hho' 1977

²¹ Kuúnguudá' múk hatlá' intsaahhatimisuú wa slaá', ahaá kuúng mis ti kilók intsaahhatimisaká? Kuúnguudá' múk hatlá' intsaahhatimís gídaabá, “Gár hee ma fiisaar,” ahaá kuúng kilá' mas fisisiín ala?

Rumi 2:21 Iomraidhean Croise

ISAYA 42:20

Kuungá' muruú yaariír ugwa aandé', ala ugwa tsahhi'iiká, iia i mak tawo dayá', kár ala i axamisiaaká.

ISAYA 56:11

Inooín an adór seeaawér hheehhuuse ar baloó axaaká. De'eemuuser'ín sleeme i tsaahhár koondaaká. Umuú heewo aa qaroó parangaá/ amoorós ar i slai, umuú heewo i slaasláwaarós leelehhiit, nee inooín sleémeero a gár wák.

ESEKIELI 22:27

Geeraharuuser'ín baraá gixsaro a adór taweruú makiito'ór /aáy, ta tsu/uut as tiwa kilooín daqaari'itimisiya' ar loohír qoomaaká.

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

Matayo 21:13

Iri oó', «Kaa gooín, ‹Dooeé' ku bay a doó saaliingw.› Ala hám daxta kuungá' ugwa mar'ír fisuuse tlehhé'.»

Luka 11:46

Yesu iri oó', «Tam kuungá' intsaahhatuusér hara'ayár Mose sleeme, a tsaxwaahúng. Asma muu un huuwaá iló í tsa/amisá', ala kuungá' kilá' huwadá' i kwatimita'aaká ditsaahunge.

Luka 12:47

«Sagadiyusmoodá' gár aakoowós i slai ga xuu', aluuwo inós tiri amohhe'eesiiká, laqaá slám adoodá' aakoowós i slai gari tleehhiiká, inós ku kángw kilá' wa muúx.

Luka 19:22

Aakoodá' iri oó', ‹Kuúng a lawaalmoó tlaákw. Aníng kuúng u sakwasleemuút ar /aymi'iiwók kwisingá'. Ala kuúng bar xú' aníng a /akusmo, nee an leehhihhiím didaádá' gaa ngiwa qaasiiká, slám a bu'uúm didaádá' niwa dahaasiimiiká,

Luka 4:23

Inós giri báy, «Án ngi slaá' kuungá' daxta i slaqsaywí beerá', ‹Aá qwaslaarámo, ti kilók hungu/us.› Nee sleeme án ngi slaá' i malé beera', ‹Muruudá' sleémeero taa axaasaán kudá' taa baraá Kapernaumúr wa tléhh, tleehheek sleeme diirihe baraá ayaawoge.› »

1 Korinto 9:27

Asma aníng gár ni tuu'uut a slaqwte'eé', nee slaqwte'eé' ngiri baál, as masók anuúwí Ya/abtór hhó' alki/aa/iít amór múk hatlá' i alé, aníng mitiwa sií'.

Galatia 6:13

Asma tam mukwí al/utlór iinuús, inooín awa kilá' hara'aya ngi iialooeemisiaaká. Gár inooín i slaiya' a masók kuungá' tundun al/utlín as kahhó' inooín tiwa kilooín xirfayeemiisiya' as al/utlorhúng.