Rumi 2:10 - Biblía Axweesantá Hhohho' ar Mungú 2004

¹⁰ Ala mukdá' sleémeero hhooeemaá tlehhahhiít, Mungú inooín gin xirfuú i haniis, nee ilaiwa/ame nee wayda. Múk giiriím oo Yahudi, ala tam múk Yunani sleeme.

Ya/abtór hho' 1977

¹⁰ Ala mukdá' sleémeero oo hhooeemaá tlehhahhiít, Mungú gun xirfuú i haniis, nee ilaiwa/ame nee wayda. Múk giiriím a múk Yahudi, ala tam múk Yunani sleeme.

Rumi 2:10 Iomraidhean Croise

YOBU 22:21

Aá Yobu! Mungú ya/aameek as wayda kuwa sleer, daqaní hhooeema i sleér.

WARA'AMI 15:2

Aqo har kudá' daba' hhohhó', nee hota ganaá', kudá' looeemaá baraá muunaáwós ngi axweés.

WARA'AMI 29:11

AAKOÓ MUNGÚ mukós gu /uurií haniis, AAKOÓ MUNGÚ mukós gu tsuuq ngway waydií haniis.

WARA'AMI 37:37

Heé ganaá' ló'wa alhooreeseek, heé inkihhím ga/aaweek. Asma heé tsá', yaeemirós ka tleer.

AXWEESANOÓ SAGALOOA 11:18

Heé tlaákw baraá tlakweemaawo slaasláwár kumiit ga slayká; Ala heé hotaawós ganaa'á' slaasláwár ló' ga sláy.

AXWEESANOÓ SAGALOOA 8:18

Daqaari'iima nee ilaiwa/ameero in dir'eé', eeít, daqaari'iimár kumamiit nee slaasláw.

ISAYA 26:12

Aá AAKOÓ MUNGÚ, kuúng wayda nguna aténí hanís, kuúng gadiyeérén sleémeero ana tléhh as atén.

ISAYA 32:17

Nee as sakwasleemár ganaa'a muu iri hoot ar wayda, nee as hotaá ganaa'á', muu in hoot ar amohhooa nee saxareema ay kureeraá kureér.

ISAYA 48:18

Hám geera a tsiní bar hara'ayar'eé' aga iiárií qasé'. Daqaní wayduú yaariír u sleerá' adór ma'aá yaae, geera hotaá ganaa'á' dirhunge tay adór gwaanduú ma'aá tlawi.

ISAYA 48:22

AAKOÓ MUNGÚ i kaahi, «Dír múk tlakwe wayda i kaahh.»

ISAYA 55:12

Asma kuungá' tari ti'itá' ar qwala/, tari tleerá' ar wayda. Tlom'i geerahunge niri daaiyá', xaai sleémeero awa baraá sla/a tsa/ii'ín ngiri slahhiyá'.

ISAYA 57:19

AAKOÓ MUNGÚ i kaahi, «Wayda, wayda dír kudá' sawen nee awa tsewene. Aníng inooín i hungu/uús.

YEREMIA 33:6

Tam adoorihe aníng gixsarí a hungu/uús, nee mukós nguri slaqwa hhooár i ki/ís, aníng gixsarí ngiri wayduú yaariírií haniís nee saxareemawo.

FAARO 6:26

AAKOÓ MUNGÚ nuwa hhooay nee nu waydií haniisi.›

Matayo 10:13

Múk do'dá' bir wayduú wa harín, wayduuhúng i dir'ín wa hooti. Ala mukdá' bir wayduú wa harinká, wayduuhúng ni amorhúngií ki/i.

Luka 1:79

as kudá' baraá giwtír i diriiá' nee kudá' baraá mahhtír gwa'ara ngiwa i gwa/aatiya', nee as atén tiwa gan'aasi baraá loohír amór waydií hardah.»

Luka 12:37

Múk amohhoó' a sagadiyuuseedá' aakooín binda hardáh i dala'amaayérí ay. Án a kah, inós in siinootín, nee sagadiyuuseedá' gari dahi'is dír muruú /ayma, gari muruú /aymárí qasmiis.

Luka 19:42

iri oó', «Geeraawo masók tam kiíng muruudá' una xú' deelór laarihe oo wayduú huúw diroge. Ala hám daxta kwaa luú/ dír ilaawoge.

Luka 22:14

Tam siiwadár muruú /ayma iwa xeér, Yesu iri iwiít dír muruú /ayma dinkwa nee ya/abuuseerós.

Luka 9:48

Giri báy, «Heé na/aywí gwa umuueénár ilaoh, heé aa ilaóh a aníng. Nee kudá' aníng iga ilaoh, kudá' aníng iga ya/aaw guna ilaóh. Asma kudá' ló'wa niiná dirhunge, an kudá' úr.»

Yohana 12:26

Aníng hee bir sagadiyuus, i eehari. Daqaní didaádá' aníng ni diriia, an didá' sagadiyusmooeé' sleeme i dirii'i. Slám aníng hee bir sagadiyuus, heewí ku ilaiwawaa/ nee Baabá.»

Yohana 14:27

«Wayda ngu kuungá' i geexáw, wayduueé' ngun haniís. Wayduudá' aníng ni hanmiis, a adór wayduuduú mukwí oo baraaká' yaamu ni hanmiisiiká. Ma amoqwaqwadiimara' baraá munerhunge, slám ma da'ayumitaara'.

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

Tlehhema'aá ya/Abuuse 10:35

Umuúqo heewo oo Mungú gu ilaiwawaá/, nee tidá' ganaa' ar Mungú i slai ga tlehhiít, inós ku ya/án nee Mungú, tam oo xooro gaalá.

Rumi 14:17

Asma waawuti'iimár Mungú a /ayma nee wahaangooká, ala a gan'amu nee wayda nee qwala/, kudá' Qeeruú hhoohhoó' oo Mungú ni huwi.

Rumi 15:13

Mungú, kudá' haraxu'uti sleémeero i diri', inós kuungá' nu hatsiisi qwala/ sleémeero nee waydawo ar loohír haratlintaao, as haraxu'utirhúng iwa ló'wa doogiin ar baraá /uuruú Qeeruú hhoohhoó' oo Mungú.

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

Rumi 2:9

Muu sleémeero oo tlakweemaá tlehhaahhiít, gusisiingw nee slahh'amaayeero ngi slayá'. Múk giiriím oo Yahudi, ala tam múk Yunani sleeme.

Rumi 5:1

Gawaá adoorihe atén taa hhe'eés gan'amií harafaarooro ar loohír haratlintaao. Atén a wayduú koomaán dír Munguhe ar baraá Aakoorén Yesu Kristo.

Rumi 8:6

Asma muruudá' hee i slai baraá heeuumarose, gár ni huwi a gwa'ara. Ala muruudá' Qeeru i slai, gár ni huwi a slafiingw nee wayda.

Rumi 9:21

Ahaá, tleeusmo i aleesleemuú kónke daanduú tleeiro, tam baraá /aarmoó wák oo tleeiro xooslmoó wák guri tleehh oo hhoohhoó', nee oo hatlá' oo hhoohhooeeká.

Rumi 9:23

Adoorí gana tleéhh as xooslaadá' gurtleemuú slaw ngiwa xirfuuwós oo yaariír i geehhooeesi. Kuká' an kudá' aa amohhe'eés as xirif kuwa slay.

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

Galatia 5:6

Asma hee barnaxes i baraá Kristo Yesu, dirose al/utlo a gaarooká, laqaá tam kwa al/utliiká a gaarooká. Ala gár afhhamít a haratlintaao, tidá' ti laqaqaam ar sla'aari.

Filipi 4:7

Nee wayduú Mungú, kudá' tsaahharo ta aleeslawaanaaká sagalooarene, munerhúng ngi de'en, nee inslawayhúng baraá Kristo Yesuwo.

1 Timoteo 1:17

Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin.

Ebrania 2:7

Qoomarka niinawe inós una qás tawa heé niiná dír malaykeero. Kuúng una slamángwí dahás oo xirif nee oo ilaiwa/ame.

Yakobo 2:22

A ga/eéraáke, haratlintaao gadiyeé gana tléhh dinkwa nee tlehhemi'iiwós, nee haratlintaaoorós iri bó/ ar loohír tlehhemi'i.

Yakobo 3:13

Baraá tla/angwhunge heé sagalooár koóm nee oo xu'utír koóm i deéro? Ala bir deer, inós gár kuwa hariím in hoot ar hotaá hhohho', nee sagalooarós ngi laqan ar tlehhemi'i, ar tsatsa'areemaadá' baraá sagalooár dahhá'.

1 Petro 1:7

Iiara'aduuwí gídaabárós i deer. A haratlintaaorhúng kan iiara'ar, xáda xáy haratlintaaorhúng tisíng ar lóe? Sahaábu a gár qwaar, tam ku iiari ar baraá asltadár sahaábu kur hhoohhooeemiis. Ala haratlintaaorhúng ka ló'wa afhhamít ta sahaábuwo. Asma haratlintaaorhúng bar kaa iiár, i hariín kawa diidi'iimiisi nee kawa xirfayeemisi nee kan ilaiwawaa/ qoomár Yesu Kristo burkwa geehhooés.

1 Petro 5:4

Nee qoomár de'eemusmoodá' úr burkwa geehhooeés, kuungá' slamangwduú xirif u sleerá', oo baloó hhitiruutaaká.

1 SAMUELI 2:30

Gawaá adoorihe AAKOÓ MUNGÚ, Munguú Israeli i kaahi, ‹Tam án geeraawo aga ooi do'ók nee doó baabuúwoge i geeraaeé' wa kumaamitiiyá' kureerisleém.› Ala hamí AAKOÓ MUNGÚ i kaahi, ‹Kangwsíng i amór saáw pa/i dir'eene.› Asma mukdá' aníng i ilaiwawaá/ án u ilaiwawaá/ sleeme. Ala kudá' i waqaaqa'á' aníng i gaárí xuaaká.