Rumi 2:1 - Biblía Axweesantá Hhohho' ar Mungú 2004

¹ Gawaá adoorihe kuúng bar múk hatlá' sakwasleemút, kuúng tam heemahe, kuúng gár ta tlank i káhh. Qoomár kuúng bar múk hatlá' sakwasleemút, a kuúng tin kilók sakwasleemút. Asma kuúng muruú ta tlehhit a kuduú kilá' ta sakwasleemut.

Ya/abtór hho' 1977

¹ Kuúng, mulqumooeé', kuúng a múk hatlá' sakwasleemúta? Ala bar adoorihe, kuúng tam heemahe, kuúng gár ta tlank i káhh. Qoomár kuúng bar múk hatlá' sakwasleemút, a kuúng tin kilók sakwasleemút. Asma kuúng muruú ta tlehhit a kuduú kilá' oo kuúng ta sakwasleemut.

Rumi 2:1 Iomraidhean Croise

Luka 12:14

Yesu heedaádá' guri báy, «mulqúmo, heé án iga qaas a heemá tawa har'ohusmo dirhunge, laqaá daqaari'iimarhúng ngiwa qasmiis?»

Luka 19:22

Aakoodá' iri oó', ‹Kuúng a lawaalmoó tlaákw. Aníng kuúng u sakwasleemuút ar /aymi'iiwók kwisingá'. Ala kuúng bar xú' aníng a /akusmo, nee an leehhihhiím didaádá' gaa ngiwa qaasiiká, slám a bu'uúm didaádá' niwa dahaasiimiiká,

Luka 6:37

«Muu mu sakwasleemuutara', nee kuungá' tundu sakwasleemuutiiká. Muu mu tawó bareetimaara' kahhó' kuungá' tundu bareetinká. Muu gurtlatlaawaak, kuungá' tundu gurtláy.

Rumi 14:22

Kuúng a haratlintaaór koón daanduú muruuwihe, haratlintaaoorók tisíng kilók koomeek dír geeraá Munguhe. Heé amohhoó' a kudá' ti kilós sakwasleemuutaaká baraá muunaáwose baraá muruudá' tleehhamooro aa tsawaari.

Rumi 2:2

Kuungá' a kata', «Atén a xuaán, sakwasleemár Mungú dír múk tlehhmi'iiká tlehhiita a sakwasleemár ganaa'.

Rumi 2:3

Mulqumooeé', kuúng múk tlehhmi'iiká' gi tlehhahhiít un sakwasleemút. Ala kuúnguú kilá' baré tlehhmi'iiká' in tlehhaahhít. Kuúng ka xu', sakwasleemár Mungú awa góba'?

Rumi 3:9

Ala ateéká' múk Yahudi gár tsiní ar ta koomaan i deéro ta múk xoordaá hatlae? Ala i káhh. Asma aga qaroó ooaán muu sleémeero, bar múk Yahudi laqaá múk xoordaá hatlá', sleémeero ta baraá waawuti'iimár tlakweemaá i dirii'.

Rumi 9:20

Ala kuúng heé, kuúng a heemá, tiwa tlaampa'aamisa' nee Mungú? Gár taa tleéhh, tleehharusmoowós gunqo beéra, «Aníng misa adoorír tléhh?»

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

1 Korinto 7:16

Asma kiíng háre, adór kar xu' a adoomá adór hhawaatuuwók kur ba/amís? Laqaá kuúng hhawaáta, adór kar xu' a adoomá adór hareerók kar ba/amís?»

Yakobo 2:20

Kuúng a daktani. Kuúng a xu'ukáhe adór haratlintaaór tlehhema'aá koomaaká, gár i bu' ir káhh.

Yakobo 4:11

Hháe, miti /ayseenáy tlaaqara'. Heé hhiyaawós gu /aysantí tlaáq, laqaá gu sakwasleemuút, heewí a hara'aya gan /aysantí tlaaq laqaá gan sakwasleemuut. Ala kuúng hara'aya bara sakwasleemút, kuúng a heé hara'ayár iialooeemisaaká, ala aga sakwasleemusmo tleehhít.