Rumi 16:4 - Biblía Axweesantá Hhohho' ar Mungú 2004

⁴ Inooín kina lak iso tlaáq as slafingw'eé' nguwa ba/amisiya'. Aníng inooín in sluufmiís. Ala a aníng kilooeeneeká, ala tam kríshaanáy sleémeero oo múk xoordaá hatlá' inooín gin sluufmiis.

Ya/abtór hho' 1977

⁴ Inooín kina lak sage tlaáq as slafingw'eé' nguwa ba/amisiya'. Aníng inooín in sluufimiís. Ala a aníng kilooeeneeká, ala tam Kríshaanáy sleémeero dír múk xoorduuwo inooín gin sluufimiis.

Rumi 16:4 Iomraidhean Croise

2 SAMUELI 22:41

Kuúng wakuuser'eé' ana tlatlahhás, nee kudá' iga aahhiye' ina hhaamiís.

MIKA 2:3

Gawaá adoorihe AAKOÓ MUNGÚ i kaahi, «Ga/aawaak, aníng sleeme a muruú tlákw qoomeemeés oo ni daanduuhúng i huuw, oo kuungá' ta ilagoba'aaká. Gaarí a qoomar tlaakw, tam kuungá' hi'iitanór daara/aangw kay inki/a'aaká.

Yohana 15:13

Hee i kaahh oo sla'aarír ur ga koóm, ar tí ga baa/, ar hee slafiingós nguwa haniisi as daanduú mulqeerós.

Tlehhema'aá ya/Abuuse 15:26

Inooín a múk slafingw'ín gwa haniis as gadiyér Aakoorén Yesu Kristo.

Tlehhema'aá ya/Abuuse 15:41

Iri waaraáhh ar baraá yaamaá Siria nee Kilikia, múk kríshaanáy guri alee/imiís /uuru nguwa slaya' baraá haratlintaaooro.

Tlehhema'aá ya/Abuuse 16:5

Gawaá adoorihe kríshaanáy umuúqo diiro /uuru guri sláy baraá haratlintaaoodae, faaror'ín iri doogigiín umuúqo baalaaro.

Tlehhema'aá ya/Abuuse 9:31

Múk kríshaanáy amohhooa gari sláy baraá yaamaá Yudeawo nee Galilayaro, nee yaamaá Samaria. Tari gawdúy gawaá loohír Aakoowo, Aako kuri ilaiwawaá/, Qeeruú hhoohhoó' oo Mungú gina gurkwa/amís, nee faaror'ín iri doogigiín.

Rumi 16:3

Priska nee Akila intsihhiisaak. Inooín a sagadiyuuse dinkwa nee aníng ar baraá Kristo Yesu.

Rumi 16:5

Múk kríshaanáy kudá' baraá dooín wa saalaaliím intsihhiisaak sleeme. Epaineto, sla'aarusmooeé', intsihhiisaak. Inós baraá yaamaá Asiaro a heé Kristo gwa geerí ya/an.

Rumi 5:7

Asma a gár gawit ló'wa ale hee iwa gwaai as daanduú heé gan'amuú koóm. Ala dooqa hee ga aleesláy iwa qiitli gwa'araaro as heé hhoó'.

1 Korinto 16:1

Daanduú ohme as múk hhohhó' oo Mungú, kuungá' gár tunduwa hariím adoodá' án naa hara'ayiím dír múk kríshaanáy oo yaamaá Galatia an tlehhá'.

1 Korinto 7:17

Ala umuúqo heewo gár kuwa hariím masók i kumiit hotaango ar adoodár aleesleemuú Qeeru, kudá' Aako aa dirós i haniís, nee adoodá' inós i dirii'i qoomár kuwa ateét nee Mungú. Gaarí an gár ni hara'ayiyiim dír kríshaanáy oo umuúqo diiro.

Filipi 2:30

Asma inós ina dáh baraá tsaxwa, iri nakaá/ gwa'araaro as gadiyér Kristo, as aníng iwa alee/iisi, alee/isaydá' kuungá' taa harslaaqaté'.

1 Tesalonike 2:14

Kuungá' hhaee'eé', gár kuungá' taa sleeré' a adór tidár múk kríshaanáy oo baraá yaamaá Yudeár i dirií' aa sláy, mukdá' Yesu Kristo gwa haratlintii'. Kuungá' slahh'eemisuú taa sleeré' dír xoororhúng ar kilá' wa ale, an adór slahh'eemisuú inooín taa sláy dír múk Yahudír wa ale.

YOSHUA 10:24

Kingay huúw amór Yoshua. Yoshua múk Israeli sleémeero guri ateét, nee geeraharuusér slaqwaruuse, tidá' nee inós naa aldaqaye' baraá slaqwara, giri báy, «Qwalaas diirí tseewuwaare', waawitaáwí iso yaamií kal/amaak.» Inooín adoodá' kari tleéhh.

1 Yohana 3:16

Atén daxta sla'aari aga tsaahhaán, asma Yesu slafiingós guna duúx as atén. Gawaá adoorihe atén sleeme gár tiwa hariím a slafingwrén un duuxaán as hhaeerén.

Geehhoeemaá 1:4

Anuú Yohane muruuwí una gooiím amór múk kríshaanáy oo baraá gixsadaá faanqw awa baraá yaamaá Asia. Tsuuqa nee wayda kudá' amór Mungú dahhá' masók i dinkwa nee kuungá'. Inós an kudá' dáw, nee kudá' qaroó daadáw, nee kudá' hardáh. Nee slám tsuuqaaká' nee wayda amór i dahhiya' a amór qeeremoodá' faanqw, kudá' dír geeraá kitaangós oo aleesleemuú i diriiá'.