Rumi 16:25 - Biblía Axweesantá Hhohho' ar Mungú 2004

²⁵ Mungú i xirfuuti. Inós ga aleesláy kuungá' nuwa gawdeesi baraá haratlintaaooro ar Ya/abtór hho', tidár daanduú Yesu Kristo, aníng ni alki/iit, nee ar lu/aaráydá' taa iimír aáng wa luú/ kuwa geehhooeés.

Ya/abtór hho' 1977

²⁵ Mungú i xirfuuti. Inós ga aleesláy kuungá' nuwa gawdeesi baraá haratlintaaooro ar Ya/abtór hho', tidár daanduú Yesu Kristo, tidá' aníng ni alki/iit, nee ar lu/aaráydá' taa luú/ iimír aáng wa ale kuwa geehhooeés.

Rumi 16:25 Iomraidhean Croise

WARA'AMI 78:2

Afkwe'eé' un waatleés niwa axwees ar slaqsi'i, as lu/aaráyduú qaro nguwa oo'.

DANIELI 2:22

Axweesanoó bó/ nee oo lu/aaráy gun geehhooees, gár baraá ma/ami ga xuu' nee gwa/aateema i dirós i dirii'iyá'.

AMOS 3:7

Ar tsuuwa ló', Aakoó MUNGÚ gaa ga tawo tleehhiiká, bar naaqoorós ngaa geehhooeesiiká dír sagadiyuuseerós tidár aaruuse.

Matayo 13:17

Án a kah, aaruusér yaariir nee múk hota ganaa'aá' kana slaá' arto tidá' kuungá' ta ga/eera', ala kaa ariiká. Nee kari slaá' axaasaro tidá' kuungá' ta axamisa', ala kaa axaasiiká.»

Matayo 13:35

as /aymuuduú aarusmo aa oó' iwa boo/i, kudá' iwa káh, «Aníng an axweés ar slaqsi'i, Muruudá' taa luú/ iimír tlehhmuú yaamuwo un alki/iít.»

Matayo 20:7

Inooín nguri bayé', ‹Asma heé atén taa gadiyeé i haniis i kaahh.› Giri báy, ‹Kuungá' sleeme tlawsé' ay baraá qaymór sabiíbu.›

Tlehhema'aá ya/Abuuse 20:32

«Ala aníng hám daxta kuungá' nu qaás baraá dabaá Mungú, nee dír axweesantadár gurtleemuú Mungú. Tidá' kuungá' nu kwa/as nee nuri aalírí hanís dinkwa nee mukdá' taa hhoohhooeés.

Tlehhema'aá ya/Abuuse 9:20

Kángw Yesu guri alki/iít baraá maraá saaliingo iwa kaahi, «Inós a Garmoó Mungú.»

Rumi 11:25

Hhaee'eé', án gár ni slaa' a lu/aaráywí un xuá', as kuungá' miti kiloohúng xirfayeemisaara' as sagalooarhúng. Ala lu/aaráy a kwí, múk Israeli bahh'alé muner'ín aa gawduuduúr, ala ar har qoomár niina, ay dír múk xoordu sleémeero i dahi, kudá' ba/ám.

Rumi 14:4

Kuúng a adór heemá tawa sagadiyusmoó heé hatlá' sakwasleemut? Asma sagadiyusmoodá' bira huú', laqaá bira huuiiká, kaangwí a daanduú sagadiyusmoodá' nee daqaarmoowós. Ala sagadiyusmoodá' i sihhiit, asma Aako aleesleemu gu kón oo sagadiyusmoodá' nguwa sihhtisi.

Rumi 16:24

Aakoorén Yesu Kristo kuungá' nu tsuuqi. Amin.]

Rumi 2:16

Adoorí an adoodá' tleehharuut bál Mungú bar lu/aaroó baraá munér muu gu sakwasleemuut ar baraá Yesu Kristo. Gaarí an adoodá' Ya/abtór hho' i kat, tidá' aníng ni alki/iit.

1 Korinto 1:23

Ala atén gár ta alki/iitaan a kángw Kristo, kudá' taa kikií' gawaá msalaába. Ala kaangwí dír múk Yahudiro a dukuutsmo, nee dír múk Yunaniro a dakti'iima.

1 Korinto 2:7

Ala sagalooarí aníng ni axwees a sagalooár Mungú, tidá' taa luú/. Sagalooarí an tidá' Mungú aa iimír aáng wa tsawaár, qoomár yaamu kiwa tleehhiiká, as atén tiwa xirfuú i haniisi ar loohír sagalooarí.

1 Korinto 4:1

Gawaá adoorihe hee atén ti tsaahhi adór atén tar sagadiyuusér Kristo nee saayuusér kangwdá' taa luú/ oo Mungú.

2 korinto 4:3

Ala Ya/abtoorí hho' atén ta alki/iitaan barnaxes kaa tuuntuúk, a kana tuuntuúk dír mukdá' qwaqwadiima.

2 korinto 4:5

Asma atén ti kilootén alki/iitanaaká, ala a Kristo Yesu un alki/iitaán adór inós tar Aako, nee adór atén tar sagadiyuuserhúng as Yesu.

Galatia 2:2

Aníng ana daqáw asma Mungú daqeemuueé' kwí nguna geehhooatís. Dinkwa ana tleehhaán nee geeraharuusér múk kríshaanáy kiloorén. Ya/abtór hho' tidá' ni dír múk xoordaá hatlá' i alki/aa/iit, ngari dir'íní alki/iít. Aníng ana xu'utír wa slaá' áx, gadiyér'eé' tidá' naa tleéhh, nee tí ni tleehh, a tawóro laqaá a adoomá.

Efeso 1:9

Inós atén tina sla'aarirós i laqán, tidá' taa luú/, tidá' aa slaá' boo/eesaaro. Al'axweesani gana oó' adoorí ngiwa boo/eesi ar baraá Kristo.

Efeso 3:11

Mungú tí sleémeero gana qaás iimír iimu/uungo baraá muunaáwós i alé, as ngiwa boo/eesi ar baraá Kristo Yesu, Aakoorén.

Efeso 3:9

Nee án gár tiwa hariím a lu/aaráydá' Mungú i tleehhamór wa slai, loohír ir tleehharuuti an gwa/atimís dír múkwií ale. Iimír iimu/uungo Mungú, kudá' mura' sleémeero gwa tleehh, kaangwí guna luú/.

Efeso 6:19

Aníng sleeme aleefiriirimaaré', as axweesanoó ni oo' nguwa slaw nee aleesleemu, as kahhó' lu/aaroó Ya/abtór hho' nguwa alki/iit ar pihh'uuma.

Kolosai 2:2

Gár ni slaa' masók inooín kin gurkwa/as, nee kiwa haragaasi baraá sla'aari, as xu'utír baraá qeeru ngiwa slaya', lu/aaroó Mungú kuwa tsaahha hhe'eesi. Nee lu/aaroó Mungú an Kristo inósuú kilá'.

Kolosai 4:3

Atén sleeme ti aleefiriiriinde' as Mungú pa/aangw nguwa haniisi, oo ya/abtoorós ar lu/aaroó Kristo kawa alki/iitaan. Lu/aaráywí an kudá' aníng tisa tseék.

1 Tesalonike 3:13

Inós kuungá' nu /uurií haniisi, tawa múk hhohhó' oo xaslaansli wásl geeraá Mungú Baabuúrene qoomaadá' Aakoorén Yesu niwa hardihi, dinkwa nee mukós oo hhohhó' sleémeero.

2 Tesalonike 2:14

Mungú kuungá' nuna ateét as tí kawa sleera' ar loohír Ya/abtór hho' tidá' atén naa kuungá' i alki/iitaán, as kuungá' xirfuú Aakoorén Yesu Kristo kuwa sleera'.

2 Tesalonike 3:3

Ala Aako i inkihhimuú kón. Kuungá' inós nu /uurií haniis, nee nu de'en dír kudá' tlaakwe.

2 Timoteo 1:9

Inós atén tina ba/amís, tiri ateét ar ateetamór hhohho'. Adoorí gana tleéhh, ala as tleehhemi'iireneeká, ala gana tleéhh as adoodá' inós aa slaá', nee as gurtleemuuwós. Gurtleemuuwós kwí nguna haniís ar baraá Kristo Yesu iimír qoomaadá' gár taa iimu/ún iwa kahh.

2 Timoteo 2:8

Yesu Kristo na inslaweek. Inós a heé tlahhoó Daudi, nina waasleé/ baraá múk aa qaátl wa ale. Gaarí a Ya/abtór hho' ar aníng ni alki/aa/iit.

Tito 1:2

nee sleeme as harahhifór slafíngw alhhe'eesay wásl kawa slay, kudá' Mungú aa qaroó geerií al'axweés iimír iimu/uungo, Mungú lama ga ooiiká.

Ebrania 7:25

Gawaá adoorihe kudá' Mungú ngu i daqaqawá' ar loohír inós, inós gi ló'wa aleesláy ba/amisaro, asma inós i slafaafín daqisleém as ngiwa aleefiriirin.

1 Petro 1:20

Gaarí an gár inós kusa tsawaár nee Mungú iimír yaamu kiwa tleehhiiká, nee hamí baraá deeloorír alhhe'eesaywo kuna geehhooeés as kuungá'.

1 Petro 5:10

Alaá bur tunda slahh'eemiís deelór niinawe, daqaní Munguúdá' tsuuqa sleémeero gi tawó hanmiís, kudá' kuungá' naa ateet as xirfuuwós kuduú alhhe'eesay wásl kuwa sleera' ar loohír Kristo, inós kungá' nu aleesleemuú i haniis nee nu gawdees, nu /uurií haniis, nee nu sihhitis baraá haratlintaaooro.

Geehhoeemaá 10:7

Ala de'emaá malaykamooduú faanqw tarumbeétarós ngiwa ufahhan naaqór Mungú i bó/, tidá' taa alki/iít nee sagadiyuuseerós tidár aaruuse.»