Rumi 16:20 - Biblía Axweesantá Hhohho' ar Mungú 2004

²⁰ Nee Munguúduú wayduú hanmiís, inós kuungá' nu /uurií haniis oo Neetlaangw kuwa nakaa/aruura' ar gaanslaay baraá tsa/a'aá ya'aahúng i alé. Aakoorén Yesu Kristo kuungá' nu tsuuqi.

Ya/abtór hho' 1977

²⁰ Nee Mungúduú wayduú hanmiís, inós kuungá' nu /uuruú i haniis oo Neetlaangw kuwa nakaa/aruura' ar gaanslaay baraá tsa/a'aá ya'aahúng i alé. Aakoorén Yesu Kristo kuungá' nu tsuuqi.

Rumi 16:20 Iomraidhean Croise

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

YOBU 40:12

Umuúqo heé daara/aama i qaytsiteek ku gáwtá wá dáhh, múk tlákw yaamaá hara kalaa/eek didaadá' i dirii'iia.

ISAYA 63:3

«Aníng sabiíbu una kilooeé' kal/aám baraá tla/ángw muko heé aníng iga alee/iis i kaahh. Aníng xoordu ina kal/aám ar buhhtaaeé' nee ina nakaa/arúw ar xarasleemaaeé'. Tseerduuín naa tsinqamaamitiyé' baraá tlabaaeé', tlabaaeé' sleémeero naa ló'wa slasla/aruuruyé'.

SEKARIA 10:5

Inooín dinkwaaro tay adór hhawaataá miguuse baraá slaqwaraaro, awa wakuuser'ín ngi kal/aamá' baraá baa/ír baraá loohi. Inooín in slaqwiyá' asma AAKOÓ MUNGÚ i dinkwa nee inooín. Inooín slaqwaruusér faras gwa i tsa/aan kan mureekees.

MALAKI 4:3

Kuungá' mukdá' tlákw kuri adaratá', asma inooín tay adór da/ara baraá tsa/aá ya'aahunge, baalaadá' án gadiyér'eé' bar tleéhh.

Matayo 4:10

Yesu iri oó', «Neétlaangw, quútl. Asma kaa gooín, ‹Aakoó Munguúwók na sluufmiseek, nee inós kilós ku sagadiyús.› »

Luka 10:19

Ga/aawaagáy, aleesleemu nguna haniís oo dayshe nee xiiraawe kiwa adarata', nee /uuruú kuduú wakusmo kuwa arba/a, tam gár kuungá' nu aw i káhh.

Rumi 15:33

Munguúduú wayduú hanmiís masók i dinkwa nee kuungá' sleémeero. Amin.

Rumi 16:23

Gayo kuungá' nu intsihhiimiis sleeme. Aníng a dahaaymoowós, nee múk kríshaanáy sleémeero in dír do'ós wa saalaalín. Erasto nu intsihhiimiis. Inós a heé peésár gixsari ga amohhe'eemaamiís. Nee hhiyaarén Kwarto sleeme kuungá' nu intsihhiimiis. [

Rumi 16:24

Aakoorén Yesu Kristo kuungá' nu tsuuqi. Amin.]

Rumi 8:37

Ala baraá muruuwí sleémeerowo arba/ati a ló'wa slawaán ar kudá' atén taa slaa'.

1 Korinto 16:23

Tsuuqaá Aako Yesu masók i dinkwa nee kuungá'.

2 korinto 13:14

Tsuuqaá Aakoorén Yesu Kristo, nee sla'aarír Mungú, nee dinku'uumár Qeeruú hhoohhoó' oo Mungú masók i dinkwa nee kuungá' sleémeero.

Galatia 6:18

Hhaee'eé', Tsuuqaá Aakoorén Yesu Kristo masók i dinkwa nee kuungá'. Amin.

Filipi 4:23

Tsuuqaá Aakoorén Yesu Kristo masók i dinkwa nee kuungá'.

1 Tesalonike 5:28

Aakoorén Yesu Kristo kuungá' nu tsuuqi.

2 Tesalonike 3:18

Tsuuqaá Aakoorén Yesu Kristo ta dinkwa nee kuungá' sleémeero.

2 Timoteo 4:22

Aako muunaáwók ngu de'en. Tsuuqa masók i dinkwa nee kuungá'.

Filemoni 1:25

Tsuuqaá Aako Yesu Kristo masók i dinkwa nee kuungá' sleémeero.

1 Yohana 3:8

Heé tlakweemaá tlehhaahhiít oo Neetlaangw, asma Neetlaangw i qaroó tlakweemaá tlehhaahhiit iimír iimu/uungo. Garmoó Mungú kunguna geehhooatís, as gadiyér Neetlaangw ngiwa hhitin.

Geehhoeemaá 12:10

Aníng afór ur ngiri axaás gawaá doorí i alé, i kat, «Iimír hamí ba/ama nee /uuru nee waawuti'iima a ar Munguúrén, nee aleesleemu a oo Kristowós. Asma sakwasleemusmooduú hhaeerén kwaa yaamií kwaáhh, kudá' inooín gi sakwasleemaamuút dír geeraá Munguúrene tlaatla/aangw nee xweeraawo.

Geehhoeemaá 22:21

Tsuuqaá Aako Yesu ta dinkwa nee kuungá' sleémeero. Amin.