Rumi 16:12 - Biblía Axweesantá Hhohho' ar Mungú 2004

¹² Trufena nee Trufosa intsihhiisaak. Inooín gadiyér Aako ngina tlehhiitiyé' ar ilakaahara. Persi intsihhiisaak. Inós a sla'aarusmooeé' oo gadiyér Aako gaa ló'wa tleehh.

Ya/abtór hho' 1977

¹² Trifaina nee Trifosa intsihhiisaak. Inooín gadiyér Aako ngina tlehhiitiyé' ar ilakaaharu. Persisi intsihhiisaak. Inós a sla'aarusmooeé' oo gadiyér Aako gaa ló'wa tleehh.

Rumi 16:12 Iomraidhean Croise

Matayo 5:47

Slám barnaxes kuungá' hhaeehúng kilooín in laaw'eemisá', gár kuungá' taa ak tlehhé' a milá ta múk hatlae? Tam múk xoordaá hatlá' sleeme adoosíng ga tlehhaahhítiíke?

Matayo 9:38

Gawaá adoorihe Aakoó bu'uungw loó' firiimaak as múk gadiyeé nguwa ya/aawi baraá bu'uungós.»

Rumi 16:11

Herodiana intsihhiisaak, inós ar tlahhay'eé'. Nee múk doó Narkisi kudá' Kristo ngwa haratlinti'iyé' sleeme intsihhiisaak.

Rumi 16:13

Rufo intsihhiisaak. Inós a heé taa tsawaár baraá Aakoowo. Nee aayírós sleeme. Inós a adór aayír'eé' sleeme.

1 Korinto 15:10

Ala gár aníng nis adoorí dirii' a tsuuqaá Mungú. Slám tsuuqaawós kuká' naa aníngí haniís a tawoorooká. Ala aníng gadiyeé ana ak tleéhh ta kudá' hatlá' sleémeerowo. Ala heé gaa tleehh a aningeeká, ala a tsuuqaá Mungú kudá' dinkwárí diriia' nee aníng.

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' baraá Aakoowo gadiyérhúng tidá' ta tlehhahhita' a taworooká.

1 Korinto 16:16

Kuungá' geeraharu'uumár múk adór kwí naa eeharaak, nee ar umuúqo heewo oo gadiyér tleéhh nee oo ti daawiitimiís dinkwa nee inooín.

Kolosai 1:29

Aníng a gadiyuús nee a naagamiís as gadiyeédá' ngiwa boo/ees, ar baraá /uuruudá' úr oo Kristo ni aníng i hanmiisi, /uuruudá' ló'wa gadiyuús baraaeé' wa ale.

Kolosai 4:12

Epafra kuungá' nu intsihhiimiis. Inós a heehúng. Slám a lawaalmoó Kristo Yesu. Umuúqo daqto inós kuungá' nun aleeslaaqw baraá firooro, as kahhó' kuungá' tawa sihhita' nee tawa kwa/a' baraá haratlintaaooro, nee umuúqo gár Mungú i slai kawa tsahha' nee kawa eehada'.

1 Tesalonike 1:3

Umuúqo deelooro an inslawiiwimaán dír geeraá Mungú Baabuúrene, adór haratlintaaorhúng ira geehhoouúr ar baraá tlehhemi'i, nee adór sla'aarirhúng nura tliw/iín as gadiyeé kawa ló'wa tlehha', nee haraxu'utirhúng baraá Aako Yesu Kristoowo adór qitla ngura hanís.

1 Timoteo 4:10

Gaarí an gár atén tas daawimiitaan nee tas ló'wa gadiyuusaan, asma haraxu'utirén aga qaasaán gawaá Munguúdá' slaáf. Inós a Ba/amusmoó muu sleémeero, ak alé oo mukdá' gwa haratlintii'.