Rumi 15:31 - Biblía Axweesantá Hhohho' ar Mungú 2004

³¹ Firiirimé' as aníng tiwa ba/amisi dír dabaá mukdá' aa haratlinti'iikahe, kudá' baraá yaamaá Yudeár i dirií'. Nee slám firiirimé' as gadiyér'eé' tidá' nis Yerusalémúr kaw, kawa ya/an nee mukdá' hhohhó' oo Mungú.

Ya/abtór hho' 1977

³¹ Firiirimé' gídaabá aníng tiwa ba/amisi dír dabaá mukdá' aa haratlinti'iikahe, kudá' baraá yaamaá Yahudír i dirií'. Nee slám firiirimé' gídaabá, gadiyér'eé' tidá' nis Yerusalémúr kaw, ka ya/an nee mukdá' hhohhó' oo Mungú.

Rumi 15:31 Iomraidhean Croise

Tlehhema'aá ya/Abuuse 22:24

geeraharusmoodá' úr askaári gari ádbáy Paulo kuwa dahaasi baraá boóma, nee kangós kuwa yaahamiisi, kuwa hara muxi ay dír gaarí kuwa i tseeamin ngay ooi.»

Tlehhema'aá ya/Abuuse 25:2

Kaahamuusér uren ar Mungú nee bariisér múk Yahudi kángw Paulo nguri dirós i alki/iitiyé'. Nguri harhheehhe'eemisiyé',

Tlehhema'aá ya/Abuuse 25:24

Festo iri oó', «Waawutmo Agrípa, nee kuungáká' sleémeero diirí diriiá' nee atén. Heewí u ga/eerá'a? Múk Yahudi sleémeero kudá' Yerusalemúr i dirií' nee oo baraakií dirií', i dir'eé' kwasleemuut. Gár ta /aa/amin a gaasarós, asma ta kaahi heewí i harinká iwa slafi.

Tlehhema'aá ya/Abuuse 9:13

Ala Anania iri oó', «Aáko, kángw heesíng aníng ugwa axmamiís dír múk yaariire, adór heewí muruú tlákw ngura tlehhahhiít dír mukók oo hhohhó' oo baraá Yerusalemuro.

Tlehhema'aá ya/Abuuse 9:15

Ala Aako iri oó', «Kuúng tláw, asma heesíng a xooslmoó aníng naa tsawaár as umuueé' nguwa alki/iiti dír xoorduuwo nee dír waawitá nee dír múk Israeliwo.

Rumi 15:25

Ala hamírihe aníng a Yerusalémúr káw, as mukdá' hhohhó' oo Mungú nguwa sagadiyuus.

1 Korinto 16:15

Nee slám hháe, kuungá' kángw múk doó Stefana u xuá' inooín taa giirín haratlintaaooro baraá yaamaá Akayaro. Nee slám inooín taa haniisiyé' múk hhohhó' oo Mungú nguwa sagadiyuusiya'.

2 korinto 1:10

Inós atén taa ba/amís baraá tsaxwaá gwa'arár adór tihe, nee slám ti malé ba/amis. Atén aa harahhifaán inós iwa kumiiti atén tiwa ba/amiimisi.

2 korinto 8:4

Inooín atén tina harhheehhe'eemisiyé' nee tiri firiné' as inooín sleeme qwal/uudá' kuwa slay oo alee/isaydá' kuwa haniisi dír múk hhohhó' oo Mungú.

2 korinto 9:1

Geeraawo a gár hariimaaká barwá ngiwa gooiim amorhúngií alé as daanduú ohmeedá' ta haniisi tawa alee/isoó múk hhohhó' oo Mungú.

2 korinto 9:13

Alee/isaywí gár i laqaqan a haratlintaaorhúng. Nee inooín Mungú ngun sluufmisiyá' as haratlintaaorhúng. Asma haratlintaaoorí a kaahanaaká Ya/abtór Kristo an tawó katá', ala ana iialooeemisé' sleeme. Asma muruudá' ta koonda' una hanimisé' ar yaareema dir'ín i alé tam dír muu sleémeero.

1 Tesalonike 2:15

Múk Yahudi an kudá' Aako Yesu gwa gaas, nee aaruusero, nee atén sleeme tiri slahh'eemisiyé'. Inooín sla'aarír Mungú kaa leelehhiitiiká. Slám a wakuusér muu sleémeero.

2 Tesalonike 3:2

Firiirimé' sleeme as atén tiwa ba/amisi dír múk muruú ganaa'aaká gu leelehhahhiít, mukdá' tlákw. Asma a muu sleémeerowooká oo haratlintaaór koóm.

2 Timoteo 3:11

Nee slám án kuúng ina eehát baraá gusisingw'eene nee baraá slahh'amaayer'eene, adór muruudá' naa sláw baraá yaamaá Antiokiár wa ale, nee baraá Ikonio, nee baraá Listra. Gusisíngw yaariír una sláw. Ala Aako aníng ina ba/amís baraá muruuwí sleémeerowo.

2 Timoteo 4:17

Ala Aako ina sihhiít dinkwa nee aníng, aníng iri /uurií haniís. Asma Aako gár i slai a aníng Ya/abtór hho' an alki/iít, as múk xoordu sleémeero ngiwa axaasi. Aníng tiri baraá afkú dirángw wa ba/amís.